Matewu 13:25 - Bhiblia Yo Sawuleka

²⁵ Aniko, hagari ka wusiku, vathu, va di otete, a tile mlala wakwe a ta phaya nyasavari hagari ka fulaho, se ngu msana e huma.

Matewu 13:25 Referans Kwoze

1 Pedro 5:8

Ti pimelani, mi txi ti wonela; nguko Sathani, mlala wanu, wa mi horolokela nga ngonyamo yi yi bhongako, yi txi lava wo m'kakatxula.

2 Pedro 2:1

Kambe va manekile vaprofeti va makuhu hagari ka vathu, nga tona ti va no va va diho vagondisi va makuhu hagari kwanu, ava va no wuyisa tigondo to hambuka, ati ti onhako, ve lamba Mkoma wu a nga va tirula, ve ti wuyisela kulova ka txikuluveta txitimwi kwawe.

Matewu 13:39

Mlala wu a nga phaya nyasavari ngu Sathani; kuelula ngu kugumani ka ditiko; ani vaeluli ngu tingelozi.

Mtuletelo 12:9

Ngu konaho a to vinzwa hahatshi mwamilambo wa hombe, mnyoka wa kale, awule wu dhanwako ku i Dhiyabhulosi mwendo Sathani, mxengeteli wa dotshe ditiko; a vinzilwe ha mafuni, ene ni tingelozi takwe.

Vahebheru 12:15

Ti woneleni kha kwati, kasi ku ni wammweyo kwanu asi kelelelwi ngu mathomo a Txizimu. Ku nga ve ni m'thu a milako hagari kwanu nga mkoloti wo bava, awu wu vangako kukarateka ni kunyeta votala.

Matewu 25:5

Ku ti ngako mteki e swela kubwaka, tona ti to khata kukhudhahela ti otela.

Vagalatiya 2:4

mhaka yiya yi wusilwe ngu va va ti wombako ku mbanathu, na kasi makuhu; evo va ti ko txholovela hagari kwathu ngu kukanganyisa, kasi kumbwingamela kuwona wuthuseki wathu, awu wu tako ngu ka Kristu Jesu, kufela kuve tshumela ve hi wuleta wukhumbini.

Mtuletelo 2:20

Aniko nina ni txisolo ni nawe, nguko wa leka Jezabheli, msikati wu a ti mahako mprofeti, awu a gondisako ni kutimeta vakhozeli vangu kuve ve maha wugango, ve dya tinyama ta timhamba ta sikwembu sa walo.

Mtuletelo 13:14

Txona txa kanganyisa vaaki va ha mafuni, ngu mhaka ya sixamaliso si txi nga ningwa kumaha, madingano ni kuruma ka txikalani txo khata. Txona txi va kurumeta kumaha txithombe txo dhumisa txikalani txile, txi nga ti bhayilwe ngu ditxhari, aniko txi nga tshumela txi hanya.

Matewu 13:24

Jesu a to va mahela tximwani txidinganiso, a txi khene: “Mfumo wa nzumani wu fana ni m'thu a nga phaya mbewu ya yinene thembweni kwakwe.

Matewu 13:26

Mbimo yi fulaho yi nga mila yi txi veleka, ku to humelela nyasavari nene.

Matewu 13:27

Se sithumi si to ya gela nyamne wa m'ti si txi kha sona: ‘Nyamne wathu, ina hi nga mbewu ya yinene u nga phaya thembweni kwako kani? Se a humela hani nyasavari, kani?’

Matewu 13:29

Ene e va xamula a txi khene: ‘Ahim-him, nguko mi nga, ma thavisa nyasavari, mi thuka mi pata ni fulako mi dula.’

Matewu 13:30

Si lekeni si txi kula ngu wumbidi wa sona kala kuelulani. Se ngu txikhati txa kuelula, nata gela vaeluli ni txi khani: ‘Dulelani nyasavari, kuthanga, mi msungelela ngu tinyanda, kasi e hiswa; aniko fulaho yi theleteleni txisangalani kwangu.’ ”

1 Vafumeli 3:20

Se a to wuka ni hagari ka wusiku, e ta thavisa mwanana wangu ha didhawa kwangu, ani ni di otete, a txi ya mu otelisa hakhana kwakwe; se awule wakwe mwanana wa kufa, a txi ta mu otelisa hakhana kwangu.