Matewu 13:23 - Bhiblia Yo Sawuleka

²³ Ani wule a nga amukela mbewu ka mafu amanene, ngu wule a engisako dipswi, e di veketa; eyo ngene a velekako mihando, ahawa a txi veleka dizana, ahawa mtxhanu wa magumi ni dimwedo, ahawa makumararu.”

Matewu 13:23 Referans Kwoze

Vafilipiya 1:11

mi txi pfunelwa ngu mihando yo lulama, yi tako ngu ka Jesu Kristu, kasiku Txizimu txi pfaliswa ni kudhumiswa.

Johani 15:16

Hi nga anu mi nga ni sawula, ani ngani ni nga mi sawula, ni txi mi rumela ti to mi ya veleka mihando, se mihando yanu yi txi zumba, kasiku, txihi ni txihi mi no kombela ngu ditina dangu, Tate a na mi ninga.

Matewu 12:33

“Mi txi womba ti to mndonga wuwa mbunene, mihando ya wona ni yona njinene, mwendo kambe mi txi womba ti to mndonga wuwa wu bihile, mihando ya wona ni yona yi bihile; nguko mndonga wu ziwa ngu mihando ya wona.

Matewu 13:8

Yimwani, ngu kugwitisa, yi to wela ka mafu amanene yi veleka mihando: Nyingi yimweyo yi veleka dizana, yimwani mtxhanu wa magumi ni dimwedo, yimwani makumararu.

Vakolosa 1:6

ayi yi nga hoka kwanu, ayi yi vekako mihando ka dotshe ditiko, ayi yi kulako nga ti yi mahisako tona hagari kwanu, txima mi txi engisa, ni ku engisisa ngu ditshuri da kona, kateko ya Txizimu.

Matewu 3:8

Humisani mihando yi yi dinganako kuhunduluka kwanu;

Luka 13:9

Kasi kuwona ti to mwendo wu na veleka mihando. Ngako wu si veleki, ngu kona u no wu sengula.’ ”

1 Johani 5:20

Athu ha tiziva ti to a tile Mwanana wa Txizimu, e ta hi ninga mapimo, kasi kuziva Txizimu txa ditshuri. Se athu hi maneka hi di tshangani ni Txizimu txi i ku txa ditshuri, ngu konaho ka Mwanana wa txona Jesu Kristu. Awuwa ngene i ku Txizimu txa ditshuri ni wutomi wo mbi guma.

2 Pedro 3:18

Ngu toneto, kulani amu ka kateko ni kuziva Mkoma ni Muhanyisi Jesu Kristu. Kwakwe ku nave ni kupfaliswa, konkuwa ni ka ditshiku da wutomi wo mbi guma! Amen.

Vakolosa 1:10

ti to mi txi tsimbila ngu tifanelo ti ti lavekako masoni ka Mkoma, mi txi mtsakisa ka totshe timhaka, mi txi veka mihando ngu kuthuma mithumo ya yinene, mi txi kula amu ka kuziva Txizimu,

Vahebheru 8:10

Txitumelelano txi ni no txi maha ni nyumba ya Israyeli msana ka masiku onayo, kuwomba Mkoma, ngu txiya: Ni na veka milayo yangu mapimoni kwawe, ni na yi bhala timbiluni kwawe. Ani ni na va Txizimu txawe, ni vona va na vathu vangu.

Vahebheru 4:2

Nguko, nanathu, hi engisile Evhangeli nga vona; aniko, dipswi di va ngadi engisa kha da va vhuna txilo, nguko kha va namarela ngu likholo avale va ngadi engisa.

2 Vatesalonika 2:10

A na thumisa totshe tinzila to biha, ti ti xengako ava va yako kulovani, nguko kha va amukela ni kuranda ditshuri, kasiku ve huluswa.

1 Vatesalonika 4:1

Ngu kugwitisa, vanathu, athu hi mi kombela ni ku mi laya ngu ka Mkoma Jesu. Anu mi gondile kwathu ati mi fanelako kuhanyisa tona, kasiku mi txi tsakisa Txizimu. Se, ngu toneto mi fanelako kuhanyisa tona, simamisani mi anda ka toneto.

Vafilipiya 4:17

Hi nga ti to no vilela kuhiwa, aniko ni vilela ni m'hando wu wu no mi ninga dibhindu.

2 Vakorinto 9:10

Txizimu txi ningako mbewu ka mphayi, txi mninga ni sakudya, se txi na mi lavela mbewu txi yi milisa, txi txi andisa mihando ya kululama kwanu.

Mithumo 17:11

Vona va ti ni mialakanyo ya yinene kupinda ya Vatesalonika. Va amukete dipswi ngu yotshe mbilu. Ditshiku ni ditshiku va ti gonda dibhuku, kasi kuwonisisa ditshuri da totshe timhaka.

Mithumo 16:14

Se mmweyo wa wamsikati, awu a nga ti dhanwa ku i Lidhiya, mxavisi wa tinguwo ta masilika o bhilivila, wa kuta ngu Tiyatira, awu a nga ti ni txithavo ka Txizimu, a ti ti hi engisela; se Mkoma a to tula mbilu yakwe, kasiku e engisa mapswi awa Paulo a nga ti womba-womba ona.

Johani 8:47

Awu i ku wa Txizimu, a engisa mapswi a Txizimu. Anu kha mi engisi, nguko kha mi nga va Txizimu.”

Luka 8:15

Ati ti nga wela ha mafuni ka kunene, ngu va va nga engisa Dipswi ngu mbilu ya yinene ni yo lulama, ve di xayisa, ve veleka mihando ngu kutimisela.”

Marku 10:15

Kha ditshuri na mi gela ku khani: Awule asi amukeliko Mfumo wa Txizimu nga mwanana, txima kha na mbi wulela ka wona.”

Marku 4:20

Ati ti nga phaywa ka mafu amanene, ngu va va engisako dipswi, ve di amukela, se ve veleka mihando, mbewu yimweyo yi veleka magumi mararu, yimwani mtxhanu wa magumi ni dimwedo, yimwani dizana.”

Matewu 3:10

Kambe ndzanga yi vekilwe ha mikolotini ka mindonga. Ngu toneto, mndonga wuhi ni wuhi wu si velekiko mihando ya yinene, wu na gangwa wu tshotshwa ha mndiloni.

Ezekhiyele 36:26

Se ni na mi ninga mbilu ya yiphya, kambe ni na thela moya wa wuphya mndani kwanu; ni na thavisa mbilu ya dirigwi ka nyama yanu, ni txi mi ninga mbilu ya nyama.

Ezekhiyele 18:31

Tshotshani sotshe sihambunyeto si mi nga hambunyeta ngu sona, se kulaveka mi va ni mbilu ya yiphya ni moya wa wuphya; nguko mi ndi na fela txani anu nyumba ya ka Israyeli kani?

Vahebheru 6:7

Nguko, mafu awa ma selako mati a nzumani ayawa ma wako ngu mtalo, aya ma milisako similwa sa sinene, asi si vhunako va va ti dimelako, mafuyo ma mana kukatekiswa ngu Txizimu.

Luka 8:8

Aniko timwani ti to wela ha mafuni ka kunene, ti txi kula, ti veleka ngu dizana.” Ngako a di wombile-to, a to huwelela a txi khene: “Awu a ku ni tinzeve ta kuengisa a na engise.”