Matewu 13:22 - Bhiblia Yo Sawuleka

²² Awule a nga amukela mbewu hagari ka mipa, ngu wule a engisako dipswi, aniko sithikamezo sa ditiko ni kuxengwa ngu tithomba, sa kama dipswi kasi di si veleki mihando.

Matewu 13:22 Referans Kwoze

1 Timoti 6:17

Ka vanyatithombe va ha mafuni muwa, va laye ti to va si ti kulisi, va si veki kuthemba kwawe ka thomba yo mbi tsana, aniko ve themba Txizimu, txi hi wuyiselako sotshe ngu ku hi tatela, kasiku hi tsaka.

Luka 8:14

Ati ti nga wela mipani, ngu va va nga engisa dipswi, aniko, va di ngadi ve tsula masoni, va to di leka di kamaretwa ngu kuvilela ni kudhunda tithomba, ni kutitsakela ka wutomi wuwa, se va si ngadi ve veka mihando ya kuvitwa.

Luka 12:15

Se a txi khene kwawe: “Ti woneleni ta tinene ka hanyelo ya timbiti, nguko hambi m'thu a di taletwe ngu thomba, wutomi wakwe kha wu tsaniswi ngu si a ku naso.”

2 Timoti 4:10

Nguko Dhamasi, ngu kuranda sa mafu awa, a ni thavile e tsula Tesalonika, Kreseka a tsute Galatiya, ni Titosi a tsute Dhalmatiya.

Matewu 13:7

Yimwani mbewu yi to wela hagari ka mipa, se mipa yi txi kula kumweko nayo, yi so yi kura.

Luka 12:21

Ngu toneto, ti mahisako tona ka wule a sengeletelako tithomba, na i si nga nyatithombe wa txilo masoni ka Txizimu.”

Masalmo 52:7

“Ndiyo m'thu a nga mbi kombela kuvhikelwa ngu Txizimu; a ti themba tithomba takwe ni mithumo yakwe yo biha.”

Luka 21:34

“Kambe ti woneleni, kasiku timbilu tanu ti si thuki ti nemelwa ngu kwa mbi ti pimela, ni wudevi, ni kuvilela ngu sa wutomi wuwa, ti to ditshikudo di si mi ñoli ngu txidhukisa,

Jeremiya 4:3

Nguko Mkoma a to khene ka vavamna va ka Judha ni ka Jerusalema: Dimani mapulo anu, mi nga phayeni hagari ka mipa.

Mavingu 11:28

Awule a thembako ka tithomba takwe a na wa, aniko vo lulama va na fana ni mwasi wo nakana.

Masalmo 62:10

Mi nga thembeni wukhinyavezi, mwendo ku ti kanganyisa ngu sile i ku sa walo. Ngako mi txi wona tithomba tanu ti txi tala, mi nga vekeni timbilu tanu ka tona.

Mithumo 8:18

Kambe Simoni, ngako a txi wona ti to Moya wo Sawuleka wu ningwa ka vathu ngu kusanzeka ka manza a Vapostoli, a to va ninga male a txi khene:

Ekleziyaste 4:8

Ku ni m'thu mmweyo i ku ekha, kha ku na wa wumbidi; ina, ene kha na mwanana mwendo ndiya; hambi keto, wotshe mthumo wakwe kha wu nga ni magwito, hambi maso akwe kha ma kolwi ngu thomba; kha wombi ku khene: Ni thumela mani ani, ni txi ti tona makatekwa kani? Eto ni tona mbukanganyisi, kambe mthumo wo karata.

Mavingu 23:5

Ina u nga dhuka u ronokela sa kuva i si nga sa txilo kani? Nguko eso si na ti mahela tibhapi si purumela nzumani kufana ni digama.

Matewu 12:32

Wuhi ni wuhi a wombawombako kubiha ngu Mwanana wa M'thu, a na divalelwa; aniko wuhi ni wuhi a wukelako Moya wo Sawuleka, kha na mbi divalelwa, hambi ka yiya mbimo, hambi ka mbimo yi yi tako.”

Matewu 13:39

Mlala wu a nga phaya nyasavari ngu Sathani; kuelula ngu kugumani ka ditiko; ani vaeluli ngu tingelozi.

Matewu 13:40

Kufana ni kuleya nyasavari a wungeletelwako e hiswa ngu mndilo, ngu toneto ti no mahwa kugumani ka ditiko.

Varoma 12:2

Mi nga xengetelweni ngu sa ditiko diya, aniko phindukani amu ka mapimo anu, kasiku mi ziva kuranda ka Txizimu: Ati i ku ta tinene, a ti ti mtsakisako, ni ti i ku ta kuhetiseka.

1 Vakorinto 1:20

Kasi txhari yi hani kani? Txizivi txa mlayo txi hani? Awu a dhundako kukanetisana ni vamwani ngu sa ha mafuni ahani kani? Ina Txizimu kha txa wu wona i di wuhundwa wutxhari wa mafuni muwa kani?

1 Vakorinto 2:6

Hambi keto, athu hi womba-womba ngu wuzivi hagari ka vale i ku vo thembeka, kambe hi womba-womba ngu wuzivi wo va i si nga wa ditiko diya, awu kambe i si nga wuzivi wa va va fumako ditikoni muwa, ava va no gwita ngu kufa.

1 Vakorinto 2:8

i ku wutxhari wu ni mmweyo mkoma wa ha mafuni muwa asi wu ziviko; nguko idiku va ti kova nawo wuzivi wuwa, nga va sa m'gogotela ha txhihambanoni ene Mkoma wa wudhumo.

1 Vakorinto 3:18

Mi nga ti kanganyiseni mipune. Ngako m'thu a txi pimisa ti to a txharihile ngu wutxhari wa ha mafuni, a na ti mahe txipumbu, kufela ku e mana wutxhari wa ditshuri.

2 Vakorinto 4:4

Ngu vona vale va si kholwiko, ava Txizimu txo biha txa ha mafuni txi nga va maha mabhofu mapimoni kwawe, kasiku va si woni liwoningo la Evhangeli ya wudhumo wa Kristu, awu i ku txifananiso txa Txizimu.

Vagalatiya 1:4

awu a nga ti ningela ngu mhaka ya sionho sathu, kufela ku hi hulukisa ka nyango yiya yo biha, ya masiku awa, madingano ni kuranda ka txona Txizimu Tate wathu.

Vaefesu 2:2

asiya kale mi nga txi hanyela ka sona, mbimo yi mi nga txi londetela minavelo ya ha mafuni hawa, madingano ni kuranda ka mkoma wu a fumako ka mpfhuka wu wu ku txitimwi ka mafu, i ku moya wu, ni konkuwa, wu thumako hagari ka sindaka-milayo.