Matewu 13:15 - Bhiblia Yo Sawuleka

¹⁵ Nguko timbilu ta vathu vava ti bangile, kambe tinzeve tawe ti tsivekile, maso awe ma vhalekile, kasiku va si woni ngu maso, va si engisi ngu tinzeve, va si pimisi ngu timbilu tawe, va nga thuka ve hunduluka ve mana kuhanyiswa.”

Matewu 13:15 Referans Kwoze

Isaya 6:10

Bangisa timbilu ta vathu vava, u tsiva tinzeve tawe, vhala maso awe; kasi ku va si woni ngu maso awe, va si engisi ngu tinzeve tawe, va si pimisi ngu timbilu tawe, va nga thuka ve hunduluka, ve mana kuhanyiswa.

Marku 4:12

ti taku, ‘Hambi i di kuwona ve wona kambe va si wonisisi; hambi i di kuengisa ve engisa kambe va si pfisisi; kasiku va si thuki ve hunduluka, se ve divalelwa sionho.’ ”

Zakariya 7:11

Sekoko vona kha va lava kuengisa, va to ni komba makata o ni nyenya, ve tsiva ni tinzeve tawe, kasi ku va si engisi.

Malakiya 4:2

Aniko kwanu anu mi thavako ditina dangu, ku na huma ditambo da wululamo, se wuhulukisi wu na va hahatshi ka tibhapi ta dona; kambe mi na huma mi txi ndaka-ndaka ku nga marole hahanze ka txibala.

Jeremiya 17:14

Ni thume Mkoma, ni na va ni di kalamukile, ni hanyise, ni na va ni di hanyisilwe. Nguko ngawe wudhumo wangu.

Vahebheru 5:11

Ka mhaka yiya, hi ni to tala hi nga ti fanela kuwomba, kambe ta karata ku ti txhamusela, nguko mi hindukile mi txi maha mikara, mu kuengisani.

2 Timoti 4:4

Vona va na hambukisa tinzeve tawe ka ditshuri, se va na rendekela mabhulo awalo.

Mithumo 7:57

Aniko va to maha diguwa da hombe, ve ti tsiva tinzeve, veya mpfinya.

Masalmo 119:70

Timbilu tawe ti bangile, kha va engisi, aniko ani na tsaka ngu mlayo wako.

Mtuletelo 22:2

Hagari ka mtendela wa didhoropa ni mabambe ka mnambo, ngu khe ni khe, ku ni mndonga wa wutomi, awu wu ningako mihando digumi ni kambidi ngu dilembe, ngu kuveleka mtxima ni mtxima: Mazokoro a wona ma thuma kuhanyisa mifumo.

Mithumo 3:19

Ngu toneto, pandisekani mbiluni kwanu, mi txi hunduluka, kasi mi na mana divalelo ya sionho sanu.

Hoseya 14:4

Ani ni na holisa ku ni tshuralela kwakwe, ani ngu kutilava kwangu, ni na va randa; nguko kuhenya kwangu ku khukhile kwawe.

Jeremiya 33:6

Wona, taku ni na tisa txitimwi ka dona, wutomi ni kuhanya, ni va kalamukisa, kambe ni na va komba wungi wa kuthutha ni ditshuri.

Isaya 57:18

Ani na ti wona tinzila tawe, hambi keto ni na va hanyisa; kambe ni na va thangela ni tshumela ni va thavelela, ni vale va dilako navo.

Isaya 44:20

Adya dikhuma; mbilu yakwe ya wukanganyisi yi m'hambukisile, aha ko kha na kuhulukisa wutomi wakwe, hambi kuwomba ku khene: Ina kha ku nga ni makuhu ka dianza dangu da txinene kani?

Jeremiya 3:22

Wuyani, anu vanana vo tiwuka, ani ni na thavisa ku phawuka kwanu. “Ngathu vava, hi tile kwako; nguko awe u Mkoma, Txizimu txathu.

Jeremiya 17:9

Se mbilu mkanganyisi kupinda sotshe silo, yi sinile; i mani a no yi ziva kani?

Luka 19:42

A txi khene: Yowe! Idiku na nawe u ti zivile nyamsi timhaka ti ti ku tiselako kudikha! Kambe konkuwa ti sisalekile masoni kwako.

Mithumo 28:27

Nguko mbilu ya vathu vava yi bangile. Va tsivile tinzeve tawe, ve vhala maso awe, kasiku va si woni ngu maso, va si engisi ngu tinzeve, va si ti pfisisi ngu mbilu, kasi ku vona va si hunduluki. Ani nga ni di va hanyisile!’ ”

Mavingu 16:30

A pfhumisa maso akwe e pimisela wubihi, e luma txisofu, e maha kubiha.