Matewu 13:11 - Bhiblia Yo Sawuleka

¹¹ Se ene a to va xamula a txi khene. “Nguko anu mi ningilwe kuziva misisalo ya Mfumo wa nzumani, aniko vona kha va ningwa txilo.

Matewu 13:11 Referans Kwoze

1 Vakorinto 2:14

Nguko m'thu wuwa i ku si nga wa Moya kha na ku engisisa asi i ku sa Moya wa Txizimu, nguko kwakwe timhaka tiya a ti wona i di wupumbu. Ene kha sikoti ku ti engisisa nguko tona ti pimwa ngu mapimiselo a Moya.

Matewu 19:11

Ene a to khene kwawe: “Hi nga votshe va di manako dipswi diya, hahanze ka vale va nga ningwa.

Jakobe 1:5

Se ngako mmweyo wanu a txi pwata wutxhari a na wu kombele ka Txizimu, atxi txi ningako votshe vathu ngu wunene, na txi si feleli, a na ningwa.

1 Johani 2:27

Se anu, kutotwa ku mi nga kuamukela kwakwe, wu zumbile kwanu, se kha mi ngadi mi txi fanela kugondiswa ngu m'thu; nguko kutotwa ka ditshuri, kha ku wombi makuhu, ngu konaho, zumbani kwakwe Kristu, nga ti ku nga mi gondisa tona.

1 Johani 2:20

Se anu mi totilwe ngu kusawuleka, ma tiziva totshe.

Matewu 16:17

Jesu a to mu xamula a txi khene: “U katekile, Simoni, mwana Jona, nguko hi nga m'thu wa ha mafuni a nga kukombekisa eto, aniko i Tate wangu a ku nzumani.

Vaefesu 1:9

txi hi ninga kuziva makungo a kusisaleka a kuranda ka txona, kota nga ti ti nga txi tsakisa ku ti maha, ngu kale ni kale ngu ka Kristu,

Isaya 35:8

Se, ahale ku nava ni nzila ya lisima, nzila yi yi no dhanwa ti to i Nzila yo Sawuleka; m'bihi kha na mbi tsimbila ngu yona, aniko yi na lumba vathu va Txizimu; ava va no tsimbila ngu yona, hambi siphukuphuku kha si na mbi timela.

Vaefesu 5:32

Msisalo wuwa mbwa hombe: Ni womba wa kutshangana ka Kristu ni dibanza dakwe.

Varoma 16:25

Ka wule a ku ni mtamo wa ku mi tsanisa ka Evhangeli yangu, madingano ni kutxhumayela ka Jesu Kristu ni kuwonekeliswa ka msisalo wu wu nga ti tumbetilwe kukhukhela ka mbimo ya kale ni kale,

Luka 8:10

Ene a ti khene kwawe: “Anu mi ningilwe kuziva misisalo ya Mfumo wa Txizimu, kambe vamwani va gelwa ngu sidinganiso, tito, hambi va txi wona, va si wonisisi, hambi va txi engisa, va si ti pimi.”

1 Vakorinto 15:51

Ni lava ku mi gela misisalo: Hi nga hotshethu hi no fa, aniko hotshethu hi na hinduluswa txiemo.

1 Vakorinto 2:7

Aniko athu hi gondisa wuzivi wa Txizimu, awu wu nga tumbetwa ngu makungo a txona, txi txi nga sisala ni konkuwa, awu wu nga sikelwa ngu kale ni kale ti to wu na maha wudhumo wathu,

Johani 6:65

Se a ti ti khene: “Ngu tona eto, ni ti khani kwanu: A walo wu a sikotako kuta kwangu, ngako a sa ningwa ngu Tate.”

1 Timoti 3:9

ve veketa msisalo wa likholo ngu livhalo lo basa.

1 Vakorinto 13:2

Hambi idiku ni to ningwa wuprofeti, ni kuziva totshe ta kusisaleka, ni wotshe wutxhari, hambi idiku no va ni likholo la hombe, ahawa koza ni sikota kukhunula mimango, kambe ngako ni si nga ni lirando, kha ni nga txilo.

Marku 4:11

Se a txi khene kwawe: “Anu mi ningilwe kuziva misisalo ya Mfumo wa Txizimu, kasi ka vale va ku hahanze, totshe ti humelela ngu sidinganiso,

Vakolosa 2:2

kasiku timbilu tawe ti txi tsaniswa; se, ti di tshanganisilwe ngu lirando, ti na ningwa kutalelwa ngu kupfisisa ko hetiseka ni wuzivi wa misisalo ya Txizimu, i ku Kristu apune;

Vaefesu 6:19

Nanani ni kombeleleni, kasiku Txizimu txi txi ni tula khana, mbimo yi ni lavako kugondisa, ti to ni sikota kuwombawomba, ni si thavi txilo, ni txi zivisa vathu txikungo txa Evhangeli;

1 Vakorinto 4:7

Kunene, kasi i mani wu a sawulako kani? Nji txani u ku natxo awe, txo va u sa maha ngu kuningwa kani? Se ngako u di ningilwe, nji txani u txi ti guleta, nga hi nga so si mana ngu kuningwa kani?

1 Vakorinto 4:1

Ti di ngeto, vathu kulaveka va txi hi ziva nga hi sithumi sa Kristu ni ti to hi vaaveli va sixamaliso sa Txizimu.

Johani 7:17

Ngako m'thu a txi lava kumaha kuranda ka Txizimu, a na tiziva ti to gondo yangu yi huma ka Txizimu, mwendo no ti wombela tangu ngu wutumbu.

Masalmo 25:14

Mkoma a dhunda vale va mthavako ene wa va ninga kuziva Txitumelelano txakwe.

1 Timoti 3:16

Na tsanisa ti to msisalo wa wukhongeli wathu mbwa hombe: “A wonekisilwe nga m'thu, a wombilwe wo lulama moyani, a wonwi ngu tingelozi, a nuwetwe hagari ka matiko, a tumetwe ha mafuni, a kwetisilwe txitimwi kudhumiswani.”

Vaefesu 1:18

txi woninga timbilu tanu, kasiku mi ziva ti to njithembiso muni atxiya mi dhanelwako txona ngu Txizimu, ni ti to wu talisite kutxani wudhumo wa thomba ya Txizimu, ayi txi nga mi vekela kumweko ni vasawuleki;

Isaya 29:10

Nguko Mkoma a mi thete moya wa wukohe wa hombe, kambe a tsivile maso anu, i ku vaprofeti, a fenengetile vathangeli vanu, i ku vahuti.

Mithumo 16:14

Se mmweyo wa wamsikati, awu a nga ti dhanwa ku i Lidhiya, mxavisi wa tinguwo ta masilika o bhilivila, wa kuta ngu Tiyatira, awu a nga ti ni txithavo ka Txizimu, a ti ti hi engisela; se Mkoma a to tula mbilu yakwe, kasiku e engisa mapswi awa Paulo a nga ti womba-womba ona.

Isaya 29:11

Ngu toneto, siwoniso sotshe kwanu, yi fana ni mapswi a dibhuku do lemwa, di ningelwako ka wu a zivako kugonda, va txi kha vona: “Wona, hi nga gonda tiya”; se ene a na khene: “Kha ni sikoti, nguko di lemilwe.”

Matewu 13:10

Vagondiswa va to mtshuketela hafuhi, va txi kha vona: “Njitxani u txi va wombawombela ngu sidinganiso kani?”

Matewu 20:23

Ene a to khene kwakwe: “Ina, mi na sela digombe dangu. Aniko kukhalahatsha txineneni kwangu mwendo txibhabha kwangu, kha ti nga mtamoni kwangu; aniko ti na mahelwa avale Tate wangu a nga va lulamisela.”

Marku 10:40

Kambe kukhalahatsha txineneni kwangu, mwendo txibhabha kwangu, eto kha ti nga mtamoni kwangu, ti lumba avale va nga longiselwa tona.”

Varoma 11:25

Nguko, vanathu, kha ni ti dhundi ti to mi timelelwa ngu msisalo wuwa, kasiku mi si thuki mi txi alakanya ti to mi txharihile: Va ka Israyeli vokari va bangisilwe timbilu, kala kuza ve wulela votshe vamatiko;