Matewu 12:7 - Bhiblia Yo Sawuleka

⁷ Idiku anu mo di ziva dipswi di di wombako tito: Ni dhunda wumbilu, i si nga mphaxo, nga mi sa ninga mnandu ava va nga mbi onha.

Matewu 12:7 Referans Kwoze

Hoseya 6:6

Nguko ani ni lava wumbilu, kha ni lavi mphaxo; ni kuziva Txizimu kupinda miningelo yo hiswa.

Matewu 9:13

Tsulani mi ya gonda ti to ti txhamusa txani ati taku: ‘Ni dhunda ngutu wumbilu kupinda timhamba!’ Nguko kha na tela ku ta dhana valulami, aniko ni tete vaonhi.”

Mavingu 17:15

Awule a emelako m'thu wo biha, ni wule a sungako m'thu wo lulama, ngu wumbidi wawe nzinyenyeko ka Mkoma.

Mithumo 13:27

Nguko ava va nga aka ditikoni ka Jerusalema, ni vathangeli vawe, ngako va nga mbi ti lava ku m'ziva Jesu, va mu abanisile, ve ninga kutatiseka ka mapswi a vaprofeti, aawa ma gondwako Sabbata ni Sabbata.

Matewu 22:29

Jesu a to va xamula a txi khene: “Mi timete ngutu, nguko kha mi yi zivi Mibhalo ni mtamo wa Txizimu.

Masalmo 94:21

Vona va maha sikungo so wukela m'thu wo lulama ve mu abanisela lifo awu a singako ni mnandu.

Jakobe 5:6

Mi ningete m'thu wo lulama e dawa. Ene kha mi lambela.

Masalmo 109:31

Ene i m'vhikeli wa sisiwana wa si hulukisa ka vale va lavako ku si daya.

Jobe 32:3

Kuhenya kuwa kwakwe ku to wukela vangana vararu va Jobe; ngako va nga ti ti pwata txa ku mkona ngu txona.

1 Samuwele 15:22

Kambe Samuwele a to khene: Ina Mkoma a tsakiswa ngu miningelo ya kuhiswa ni miphaxo, kupinda kuengisa dipswi da Mkoma kani? Wonani taku kuengisa kutshuko kupinda mphaxo; ni kupfisisa kutshuko kupinda mafura a tihamba.

Marku 12:33

ni ti kambe to: ‘Kuranda Txizimu ngu yotshe mbilu, ngu otshe mapimo, ngu wotshe mtamo, ni kuranda muakelani nga ti m'thu a ti randisako tona’, ti ni lisima kupinda totshe timhamba to hiswa ni totshe tixaka ta timhamba.”

Joxuwa 5:5

Nguko votshe vathu vale va nga huma, va ti ti sinyisilwe wukwera, aniko avale va nga velekwa ha nzila txiwulani, msana ka kuva va di humile Egipta, va ti sa sinyiswa wukwera.