Matewu 12:46 - Bhiblia Yo Sawuleka

⁴⁶ Mbimo yi ene a nga ti womba-womba ka dibutho, mame wakwe Jesu ni vanawe va to ema ngu hahanze, va txi lava kuwombawomba nayo.

Matewu 12:46 Referans Kwoze

Matewu 13:55

Kasi hi nga ene mwanana wa m'vati kani? Mame wakwe hi nga ene wu a dhanwako ku i Mariya kani? Ni vanawe hi nga vona va Jakobe, ni Josefa, ni Simoni, ni Judha, kani?

Johani 2:12

Msana ka tiya, Jesu a to relela eya Kapernawume, ene ni mame wakwe ni vanawe ni vagondiswa vakwe. Va ti ya zumba kona masiku madotho.

Johani 7:5

Nguko ni vona vanawe va ti si kholwi kwakwe.

Johani 7:3

Se vanawe va ti kha vona kwakwe: “Khukha hawa, u txi tsula Judheya kufela ku vagondiswa vako ve wona mithumo yi u yi mahako.

Mithumo 1:14

Vona votshe va ti simama ve khongela ngu mbilu yimweyo kumweko ni vavasikati vokari, ni Mariya mame wa Jesu ni vanawe.

Marku 6:3

Ina hi nga ene wuwa m'vati, mwanana wa Mariya, mwanawe Jakobe, ni Josi, ni Judha, ni Simoni, kani? Ina tindiyakwe kha ti nga ho hagari kwathu kani?” Se ve khuveka ngu ngene.

Vagalatiya 1:19

Kha na wonana ni mmwani mpostoli, hahanze ka Jakobe mwanawe Mkoma.

1 Vakorinto 9:5

Kha hi nga ni fanelo ya kupangalatana ni wamsikati wu i ku ndiyathu ngu ka Kristu, nga ti va mahako vamwani vapostoli, ni vanawe va Mkoma, ni Khefasi, kani?

Johani 7:10

Kambe ngako vanawe va di tsute m'busoni, ene a to tsula asi ti wonekisi, aniko a to tsula kusisalani.

Luka 2:48

Mbimo yi vaveleki vakwe va nga mu wona, va to xamala ngutu, se mame wakwe a ti khene kwakwe: “Mwanangu, u hi mahete txani eto kani? Hinga wona, tate wako ni nani hi tsimbite ngu kuxaniseka hi txi kulava.”

Luka 8:10

Ene a ti khene kwawe: “Anu mi ningilwe kuziva misisalo ya Mfumo wa Txizimu, kambe vamwani va gelwa ngu sidinganiso, tito, hambi va txi wona, va si wonisisi, hambi va txi engisa, va si ti pimi.”

Marku 2:21

Kha ku na m'thu wu a rungako txiziva txa nguwo ya yiphya ka txyambalo txa kale, nguko txiziva txa txiphya txi nga namula nguwo ya kale, se kuvharuka ku txi engeteleka.

Johani 2:5

Se Mame wakwe a to gela sithumi, a txi khene: “Mahani totshe ti a no mi gela.”

Luka 2:33

Tate wakwe ni mame wakwe va to xamala ngu kuengisa ati vathu va nga txi womba ngu ngene.

Johani 2:1

Ngu ditshiku da wuraru, kumahilwe mtxhadho Kana ka Galileya. Se a ti ti ho koneyo Mame wa Jesu.

Luka 2:51

Sekoko ene a to relela navo, e tsula Nazareta, kambe a txi ti veka hahatshi kwawe. Se mame wakwe a txi ti veketa totshe timhaka tiya mbiluni kwakwe.

Matewu 2:20

“Khukha u teka mwanana ni mame wakwe, u txi tsula ditikoni ka Israyeli, nguko avale va nga ti bheja kudaya mwanana se va fite.”

Matewu 2:11

Se va di wulete nyumbani, va mani mwanana ni mame wakwe Mariya, se va to khizama, ve mu khozela; va di tute mikwama yawe va to mluva ngu nzalama ni dibaselo ni mira.

Matewu 1:18

Kuvelekwa ka Jesu Kristu ku mahisile tiya: Mariya, Mame wakwe, a manekile a di thembisilwe ngu Josefa; se va sinzi kutekana, a manekile a di ni txirumbu ngu mtamo wa Moya wo Sawuleka.

Johani 19:25

Hafuhi ni txihambano txa Jesu, a ti ti ho Mame wakwe ni mwanawe Mame wakwe, ene Mariya, msikati wa Kleyopasi, ni Mariya wa Magdhala.

Luka 1:43

Se ti khukhela hani ti to teka ani ni ta dingulwa ngu Mame wa Mkoma wangu kani?

Matewu 12:47

Mmwani a to ya mu gela a txi khene: “Mame wako ni vananu va emile hahanze, va lava kuwombawomba ni nawe.”

Luka 2:34

Se Simiyoni a to va katekisa, na a txi womba ka Mariya, mame wa mwanana, a txi khene: “Mwanana wuwa a emisetwe ku na wisa ni kuwusa vavangi ka nyumba ya Israyeli, a na va kambe i di txikombiso txi txi no kanetwa;