Matewu 12:44 - Bhiblia Yo Sawuleka

⁴⁴ Sekoko, wutxi kha wona: ‘Ni na tshumela ni txi ya nyumbani kwangu, amu ni nga huma ngu kona.’ Mbimo yi wu nga bwaka, wu to yi mana yi di diphanga, yi di hiyetwe yi tshuriselwa.

Matewu 12:44 Referans Kwoze

1 Johani 4:4

Sivananananu, anu mi va Txizimu, se mi xute vaprofeti va makuhu. Nguko Moya wu wu ku kwanu mbwa hombe kupinda wule wu ku ka vathu va ha ditikoni.

1 Johani 2:19

Vona va humete hagari kwathu, aniko i ti si nga va ka kwathu. Idiku i ti va ka kwathu, nga va di zumbile ni nathu; aniko va humile, kasi ku ti txi woneka ti to hi nga votshe i nga ti va ka kwathu.

1 Vakorinto 11:19

Ta laveka ti to hagari kwanu ku txi va ni mibango, kufela ku va ve woneka ava i ku vavanene ngu ditshuri.

Vaefesu 2:2

asiya kale mi nga txi hanyela ka sona, mbimo yi mi nga txi londetela minavelo ya ha mafuni hawa, madingano ni kuranda ka mkoma wu a fumako ka mpfhuka wu wu ku txitimwi ka mafu, i ku moya wu, ni konkuwa, wu thumako hagari ka sindaka-milayo.

Johani 13:27

Ku ti ngako ene a di amukete txikhwemu, Sathani a to mu wulelela. Se Jesu a txi khene kwakwe: “Ati u ti mahako, kuluveta u txi ti maha.”

Johani 13:2

Se hagari ka kulalela, ngako Sathani a nga ti wulete mapimoni ka Judha Iskariyoti, mwanana wa Simoni, kufela ku ene e ningela Jesu;

Johani 12:6

Ene a wombisile eto, i si nga ngu kuthela kota ngu sikulungu, aniko nguko i nga ti dikhamba da kupa asi si nga txi vekwa msavani, nguko i ti ene, i nga ti mñoli wa wona.

Matewu 12:29

M'thu a nga wulelisa kutxani nyumbani ka ndena, e tekela simaha sa yona, a sa thanga ngu ku yi sunga kani? Ngu kona a no sikota kuhanda sotshe nyumbani.

Hoseya 7:6

Nguko va thumisa timbilu tawe kufana ni txikho, va txi tiriyela; wotshe wusiku m'yoki wa mapawu wa otela, aniko ni mixo a tura ku nga mndilo wa m'dhikila.

Matewu 12:43

“Ngako moya wa nzambwa wu txi huma ngu ka m'thu, wu tutumela txiwulani kuya lava wukhalo wo humula, aniko kha wu wu mani.

Matewu 12:45

Sekoko moya wule wu to ya dhana yimwani mimoya ya mtxhanu ni yimbidi, ya nzambwa ngutu kupinda wona, se yi wulela yi zumba konemo. Se mazumbelo o gwitisa a m'thu wule ma na pinda o khata ngu kubiha. Ku na mahisa toneto ka lona liveleko liya la tshofu.”

Luka 11:25

Se ngako wu txi hoka kona, wu yi mana yi di hiyetwe, na kambe yi di longisilwe.