Matewu 12:42 - Bhiblia Yo Sawuleka

⁴² Mfumeli wa wamsikati wa kuta ngu wulambwe, a nata ngu distsiku da kuthethiswa kumweko ni liveleko liya, a txi li kambula, nguko ene a tile ngu magemeta-mitshi ka mafu ku ta pfa wuzivi wa Solomoni. Kasi waho kona hawa, wa hombe kupinda Solomoni.”

Matewu 12:42 Referans Kwoze

Johani 1:14

Dipswi di ti mahile m'thu, e aka hagari kwathu; hi wu woni wudhumo wakwe, wudhumo wu Tate a nga ninga Mwanana wakwe wa Mmweyo ekha, wo tala ngu makatekwa ni ditshuri.

Matewu 17:5

Ene a di ngadi a txi womba tiya, ku to humelela direfu do woninga, di nga va fenengeta, se direfuni mule ku to pfala dipswi, di di nga womba tiya: “Awuwa i Mwanana wangu wo randeka ngutu, awu ni tsakiswako ngutu ngu ngene. Mu engiseni!”

Johani 1:18

Txizimu kha txi zivi kuwonwa ngu m'thu; Mwanana wa txona wa Mmweyo ekha, awu a ku kumweko ni Tate, ngene a nga hi zivisa ati Txizimu txi ku ngu tona.

Matewu 3:17

Sekoko, kupfala dipswi da kuta ngu nzumani, di txi kha dona: “Awuwa i Mwanana wangu wo randeka, awu ni tsakiswako ngutu ngu ngene.”

Isaya 7:14

Ngu toneto, Mkoma apune, a na mi ninga txikombiso: Wonani taku, wotuma a na mana txirumbu e veleka mwanana wa m'zambi, se ditina dakwe i Emanuweli.

1 Vafumeli 10:24

Se vathu va dotshe ditiko va txi lava kuwona khohe ya Solomoni, kasi vepfa wutxhari wule Txizimu txi nga ti vekile mbiluni kwakwe.

1 Vafumeli 5:12

Sekoko Mkoma a to ninga Solomoni wuzivi nga ti a nga ti thembisile; ku to maneka kuthutha hagari ka Hiramu ni Solomoni, ngu wumbidi wawe va to sunga txitumelelano.

1 Vafumeli 4:34

Votshe vathu va tile ku ta pfa wutxhari wa Solomoni, kumweko ni mitumi ya votshe vafumeli va mafu, vale va nga ti pfite madingano ngu wutxhari wakwe.

1 Vafumeli 4:29

Kambe Txizimu txi ningile wutxhari ka Solomoni, mapimo a hombe ngutu ni wuzivi wo talisa ku nga mtxhefa wa mabambe ka linene.

1 Vafumeli 3:28

Se votshe Vaisrayeli va pfite ti a nga wilisa tona mahungu mfumeli, va to mxamala mfumeli; nguko va ti woni ti to wu ti ti ho kwakwe wuzivi wa Txizimu, wa kulamula mahungu.

1 Vafumeli 3:12

wona ti to ni mahile tona ti u nga kombela; wona ti to ni ku ningile mbilu ya wuzivi ngutu ni kupimisisa, u sanzi ku va ho, wo fana ni nawe kha nga vaho, niku msana kwako, wa ku nga awe kha na mbi humelela.

1 Vafumeli 3:9

Ninga mbilu yo ziva ka txithumi txako, kasi kulamula vathu vako, ni kuziva ngu ditshuri kuhambanisa hagari ka ta tinene ni to biha; nguko i mani a ndi no lamula vathu vako vo talisa tiya kani?

Matewu 12:41

Vathu va liveleko liya, va nata abaniswa, ngu kuwuka ka vathu va Ninivha, ka ditshiku da kuthethiswa, nguko vona va hundulukile ngu kuengisa kutxhumayela ka Jona. Kasi aho kona hawa wa hombe kupinda Jona.

Matewu 12:6

Sekoko, ni khani kwanu: Wa ho kona hawa awu i ku wa hombe kupinda Dithepele.

Dhewuteronome 30:13

Kambe kha wu nga mtxhatuko ka linene, aha koza u txi womba ku khawe: “I mani a no hi tshunda kutxhatuka, kasi ku wu wuyisa kwathu, ti to hi txi sikota ku wu engisa, hi wu xayisa, kani?”