Matewu 12:35 - Bhiblia Yo Sawuleka

³⁵ M'thu wamnene a humisa sa sinene ngu ka thomba yakwe ya yinene; kasi m'thu wa tshofu, a humisa sobiha ngu ka thomba yakwe yo biha.

Matewu 12:35 Referans Kwoze

Vakolosa 4:6

Kuwomba-womba kwanu ku nave ko tsakisa yotshe mbimo, na ku di lungilwe ngu m'nyu, ti to mi ziva ti mi fanelako kuxamulisa tona m'thu ni m'thu.

Mavingu 15:28

Mbilu ya m'thu wo lulama ya pimisa ti a no xamula, aniko txisofu txa vaonhi, txi theketela sasingi so biha.

Mavingu 15:4

Mndonga wa wutomi, ngu lidimi li li hanyako, kambe wubihi wa lona, wa funya muhefemulo.

Vakolosa 3:16

Dipswi da Kristu di na ake timbiluni kwanu ngu kutatiseka, na mi txi gondisana ni kulayana ngu wotshe wutxhari, ni kukombelelana ngu masalmo ni mizeno ni tindanto ta moya; embelelani ngu yotshe mbilu ka Txizimu, mi txi komba kubonga kwanu.

Matewu 12:34

Lixaka la timamba, mi nga sikotisa kutxani kuwomba ditshuri, na mi di vabihi kani? Nguko txisofu txi womba-womba ti ti nga tala mbiluni.

Vaefesu 4:29

Di nga thuke di huma dipswi da tingana ngu sisofuni kwanu, aniko ku na hume dipswi da dinene, adi di akisako, ni kuninga makatekwa vale va di engisako;

Mavingu 15:23

M'thu a tsakiswa ngu xamulo ya txisofu txakwe, kambe dipswi do wombwa ngu mbimo ya kona, ndinene.

Mavingu 12:6

Mapswi a muonhi ngo riyela kutheketa mnoha, aniko mawombawombelo a vo lulama, ma na va txhatxhisa.

Matewu 13:52

Se a to va gela kambe a txi khene: “Ngu toneto, m'bhali wuhi ni wuhi a nga gondiswa timhaka ta Mfumo wa nzumani, a fana ni wu i ku nyamne wa m'ti, awuwa, ka txuma txakwe, a humisako sasiphya ni sa kale.”

Matewu 7:17

Ngu toneto, wotshe mndonga wa wunene wu veleka mihando ya yinene, ani mndonga wo biha wu veleka mihando yo biha.

Luka 6:45

M'thu wamnene a humisa sa sinene ngu ka txuma txa txinene txa mbilu yakwe. Aniko m'thu wa tshofu, ngu ka txuma txa tshofu ya mbilu yakwe, a humisa so biha, nguko txisofu txa m'thu txi womba-womba ngu tile ti nga tala mbiluni.”

Jobe 8:10

Ina marambu kha ma na mbi kugondisa, kha ma na mbi kugela, ngu mbiluni kwako kha ma na mbi maha ditshuri kani?