Matewu 12:28 - Bhiblia Yo Sawuleka

²⁸ Aniko ngako ni txi tovela madhimoni ngu Moya wa Txizimu, kha ditshuri Mfumo wa Txizimu wu hokile kwanu.

Matewu 12:28 Referans Kwoze

Luka 11:20

Kambe ngako ni txi tovela madhimoni ngu litiho la Txizimu, kha ditshuri Mfumo wa Txizimu wu hokile kwanu.

Dhaniyeli 7:14

Se a to ningwa kufuma, ni wudhumo, ni mfumo, kasi ku votshe vathu, matiko, ni tidimi si mthumela; kufuma kwakwe ngu fuma ka kwa mbi gwita, kha ku na mbi pinda, kambe mfumo wakwe, ngu wona wokha wa kwa mbi khundumuswa.

Matewu 21:43

Ngu toneto, na mi gela ku khani: Mfumo wa Txizimu wu na thaviswa kwanu, wu ningelwa ka dimwani ditiko, adi di no sikota kuhumisa mihando ya wona.

Matewu 6:33

“Kukhata, lavani Mfumo wa Txizimu ni kululama ka txona, ani sotshe siya mi na engetelwa.

Mithumo 10:38

ti to Txizimu txi totile ngu Moya wo Sawuleka ni kutsanisa Jesu wa Nazareta; awu a nga tsimbila a txi maha ta tinene, e hanyisa votshe vale va nga ti xaniswa ngu Sathani, nguko Txizimu txi ti ni nene.

Vakolosa 1:13

Ene a hi ponisile ka txidema, a txi hi rurisa hi txi ya mfumoni ka Mwanana wakwe wo randeka,

Varoma 14:17

Nguko Mfumo wa Txizimu hi nga kudya ni kusela; aniko ngu kululama, ni kudikha, ni kutsaka ngu ka Moya wo Sawuleka.

Luka 16:16

“Mlayo ni tigondo ta Vaprofeti ngu sona si nga txi thuma kala kuza e hoka Johani Mubhabhatisi; kukhukhela konako, Evhangeli ya Mfumo wa Txizimu ya txhumayelwa, se mmweyo ni mmweyo wa ti karata kufela kuwulela ka wona ngu mtamo.”

Marku 1:15

“Mbimo yi tatisekile, se Mfumo wa Txizimu wu hafuhi. Hundulukani mi txi kholwa ka Evhangeli!”

Matewu 21:31

Se i mani ka vona va vavambidi, awu a nga maha kuranda ka tate wakwe, kani?” Se vona va txi kha vona: “Ngu wule wo khata.” Jesu a to va gela a txi khene: “Ngu ditshuri nanani na mi gela: Vakhupisi ni magelegele va na mi thangela kuwulela Mfumoni ka Txizimu.

Luka 9:2

Se e va ruma kuya txhumayela Mfumo wa Txizimu ni kuhanyisa valwali.

Marku 16:17

Sidiwukiso si si no mahwa ngu va va no kholwa ngu siya: Va na tovela madhimoni ngu ditina dangu, va na womba-womba tidimi ta tiphya;

Dhaniyeli 2:44

Aniko ka masiku a vafumeli vale, Txizimu txa nzumani txi na wusa mfumo wu wu no mbi dhuka wu khundumuswa; se mfumo ewo kha wu na mbi pinda wuya ka vamwani vathu, wu na balisela ni kuheta yotshe mifumo eyo, kambe wu na zumba ngu ha ku sigwitiko.

Vahebheru 12:28

Ngako hi nga amukela mfumo wo mbi dekadeka, he ñolisiseni ta tinene kateko yiya. Ngu yona, a hi khozeleni Txizimu ngu nzila yi yi amukelekako, ngu kutiveka hahatshi, ni txithavo.

Luka 10:11

‘Hambi lithulu la didhoropa danu, li nga hi namarela mikondoni, ha li huphuta kasiku mi txi sala nalo. Aniko ti ziveni ti to Mfumo wa Txizimu wu hafuhi.’

Marku 11:10

Wu katekile Mfumo wu wu tako wa tate wathu Dhavhidha. Hozana txitimwi ka txitimwi nzumani!”

Matewu 12:18

“Atxiya ngu txona Txithumi txangu, ni nga txi sawula, i ku txo randeka kwangu, atxiya mbilu yangu yi txi tsakelako. Ni na veka Moya wangu txitimwi kwakwe, a na txhumayela kulamula kwangu ko lulama ka otshe matiko.

Matewu 4:24

Sekoko nduma yakwe yi to pfala kotshelele Siriya. Ve va tisa kwakwe votshe va va nga ti lwala ngu mipando yihi ni yihi, ava va nga txi xaniswa ngu malwati ni simwani sikarato, va madhimoni ni va vo tshanuka, ni silima; se ene a txi va hanyisa votshe.

Matewu 12:29

M'thu a nga wulelisa kutxani nyumbani ka ndena, e tekela simaha sa yona, a sa thanga ngu ku yi sunga kani? Ngu kona a no sikota kuhanda sotshe nyumbani.

1 Johani 3:8

Awule a mahako txionho mbwa Sathani nguko Sathani, njionhi kukhukhela makhatoni. Mwanana wa Txizimu a ti wonekisile, kasi ku ta fuvisa mithumo ya Sathani.