Matewu 12:19 - Bhiblia Yo Sawuleka

¹⁹ Kha na mbi henya ni kukwangula. Dipswi dakwe kha di na mbi pfiwa mu mitendelani.

Matewu 12:19 Referans Kwoze

Matewu 11:29

Tekani mpakato wangu, mi txi gonda ngu ngani, ani ni ku wo thutha ni wa mbilu ya kutiveka hahatshi, mi na mana kuhumula mihefemuloni kwanu.

2 Vakorinto 10:1

Ani, Paulo ngu wutumbu wangu, na mi khongotela ngu kudikha, ni wunene wa Kristu, ani ni ti vekako hahatshi masoni kwanu, kambe ni mahako wurena ni di kule ni nanu.

Luka 17:20

A wotisilwe ngu Vafarisi ti to Mfumo wa Txizimu wu nata ditshiku muni, se ene a to va xamula a txi khene: “Mfumo wa Txizimu kha wu woneki kuta ka wona.

Zakariya 9:9

Tsaka ngutu awe muhorana wa Siyoni; kulungela awe Jerusalema; wona taku mfumeli wako a nata kwako, wo lulama kambe Muhanyisi; wa txisiwana, a di gadhile mbongola, txitimwi ka tximbongolana, mwanana wa mbongola.

Isaya 42:2

Kha na mbi dila, kha na mbi henya, hambi dipswi dakwe kha na mbi di pfalisa mitendelani.

Matewu 12:20

Litshava li li nga thidyaka, kha na mbi li funya. Kha na mbi tima ngoti ya dilambu, ayi yi tuvikako, kala e ninga mtamo wa kuxula ka wululami.