Matewu 12:15 - Bhiblia Yo Sawuleka

¹⁵ Jesu a di ti zivile, a to khukha ka wukhalo wule. Vavangi va to mu londetela, se ene e va hanyisa votshe,

Matewu 12:15 Referans Kwoze

Matewu 10:23

Ngako va txi mi xanisa ka didhoropa dokari, thavelani ka dimwanyane. Nguko kha ditshuri ni khani kwanu: Mi sinzi kuheta kutsimbilatsimbila ka otshe madhoropa a ka Israyeli, Mwanana wa M'thu a na va a di bwakile.”

Johani 11:54

Ngu konaho, Jesu kha engeta e tsimbila kuwonekani hagari ka Vajudha. Kambe a to khukha koneho a tsula ka ditiko di di ku hafuhi ni txiwula, ka didhoropa di di dhanwako ku i Efrayime, eya zumba kona ni vagondiswa vakwe.

Johani 7:1

Msana ka toneto, Jesu a ti tsimbilela Galileya, asi dhundi kutsimbilela Judheya, nguko Vajudha va txi lava ku m'daya.

Matewu 19:2

Se mabutho o tala ma to mlondisa, se ene a txi va hanyisa konaho.

Marku 6:56

Kambe kotshe hawa a wulelako kona, mikhokholani ni madhoropani mwendo mu tithembweni, va ti ti veka va va lwalako, mitendelani, se ve mkombela ti to e va tumelela kugwesa, hambi i di wuziva wa nguwo yakwe. Se votshe va va nga txi mu gwesa, va ti hanyiswa.

1 Pedro 2:21

Ngu toneto, mi nga dhanelwa tona, nguko hambi Kristu nene, a tumete kuxaniswa ngu mhaka yanu, kasi ku mi siyela txikombiso, ti to mi na sikota kulondetela mkondo wakwe.

Vagalatiya 6:9

Hi nga rerekeni kuthuma ta tinene, nguko ngu mbimo ya kona, hi na elula, ngako hi txi timisela.

Johani 9:4

Ta laveka ti taku ani ni maha mithumo ya wule a nga ni ruma, na i di ngadi mitshikari; wusiku wata, ahawa m'thu asi sikotiko kuthuma txilo.

Luka 6:12

Ka ale masiku Jesu a to ya mmangoni kuya khongela. Se e pila wusiku wotshe a txi khongela ka Txizimu.

Luka 5:22

Kambe Jesu, ngu kuziva mialakanyo yawe, a va xamute a txi khene: “Mi ngungurukelela txani timbiluni kwanu kani?

Luka 9:11

Ngako mabutho ma di ti zivile, ma to mu londeta, se ene a di va amukete, a to womba-womba navo ngu timhaka ta Mfumo, e hanyisa va va nga txi vilela kuhanyiswa.