Matewu 12:14 - Bhiblia Yo Sawuleka

¹⁴ Aniko Vafarisi va to huma veya txikungoni kasi kuya langana ti to va na m'dayisa kutxani.

Matewu 12:14 Referans Kwoze

Johani 11:53

Kukhukhela donedo ditshiku vona va to langana marindi kasiku m'daya.

Johani 10:39

Ngu toneto, va to engeta ve lava ku mñola, aniko ene a to pshwitimuka manzani kwakwe.

Johani 5:18

Ngu toneto, va to xota ku m'daya, i si nga ngu mhaka ya kundaka mlayo wa Sabbata dwe, aniko ngutu-ngutu ngu kuwa a nga khene Txizimu i Tate wakwe ngu wutumbu, e ti dinganisa ni Txizimu.

Luka 6:11

Konaho vona va to tala ngu kuhenya, se ve wombawombisana ngu ti va no ti maha ka Jesu.

Marku 3:6

Ku ti ngako Vafarisi va di humile hahanze, kunukunuko va to maha txikungo ni va ka Herodha, kasi kuwona ti va no m'dayisa tona.

Matewu 26:4

Konaho va to ya sunga txikungo txa kuñola Jesu, kasi ku m'daya.

Johani 11:57

Aniko, vaphaxeli va hombe ni Vafarisi va ti leletile tito, awu a ku zivako mu a ku kona, e va zivisa, kasiku veya mu ñola.

Matewu 27:1

Ngako di di txite, votshe vaphaxeli va hombe ni madhota a ditiko, va to tshangana ve maha txikungo txa kulenga Jesu, kasiku ve m'daya.

Marku 14:1

Ku txi sala masiku mambidi kasi ku yi mahwa Pasika ni M'buso wa mapawu o mbi na mtshumbelo, vaphaxeli va hombe ni vabhali va to lava marindi a ku mñola ngu wutxhari, kasiku ve m'daya.

Luka 22:2

vaphaxeli va hombe ni vabhali va ti lava nzila ya tiya va no dayisa tona Jesu, nguko va ti thava vathu.

Johani 7:30

Se va to lava ku mñola, aniko kha ka nga va ni mmweyo a nga mu gwesa, nguko mbimo yakwe yi sanzi kuhoka.

Johani 7:32

Vafarisi va to engisa ku dibutho di nga txi ngurangura ngu mhaka yakwe: Konako vaphaxeli va hombe ni Vafarisi va to ruma mahalamu kuya mu ñola.

Johani 7:44

Vamwani ka vona va to lava ku mñola, kambe kuwalo ni mmweyo a nga tsana ku mu gwesa.

Johani 8:59

Sekoko vona va to rola marigwi kasi ku mu rinzetela, aniko Jesu a to sisala, e huma Dithepeleni.

Johani 10:31

Sekoko Vajudha va to tshumela ve rola marigwi, kasi ku m'balisela.