Matewu 12:10 - Bhiblia Yo Sawuleka

¹⁰ Konemo ku ti ni m'thu wo khwanyela dianza. Va to wotisa Jesu, ngu ku mu duka va txi kha vona: “Ina ta tumetiswa kuhanyisa ngu ditshiku da Sabbata kani?”

Matewu 12:10 Referans Kwoze

Luka 13:14

Kambe mthangeli wa disinagoga a to henya, nguko Jesu a nga hanyisa m'thu ngu Sabbata. Se e gela vathu a txi khene: “Ku na ni masiku a mtxhanu ni dimwedo, ayawa vathu va tumelelwako kuthuma ngu ona; ngonani ngu ona mi ta hanyiswa, i si nga ngu ditshiku da Sabbata.”

Johani 9:16

Sekoko vamwani Vafarisi va to womba va txi kha vona: “Awuwa m'thu hi nga wa ka Txizimu, nguko kha veketi Sabbata.” Vamwani va txi kha vona: “Ti nga mahisa kutxani ka m'thu wu i ku muonhi, kumaha sidiwukiso siya kani?” Se va to khata kuphikizana ngu txawe.

Johani 8:6

Va wombile tiya, ngu ku mu riyela, kasiku ve sikota kumana mhaka ya ku mu mangalela ngu yona. Aniko Jesu a to nama, a txi bhala ha mafuni ngu litiho.

Johani 5:10

Sekoko Vajudha va txi kha vona ka wu a nga hanyiswa: “Khu nga ni fanelo yo rwala ditaho dako ngu ditshiku da Sabbata.”

Luka 11:54

Ve mu riyela kasiku mwendo va nga mñola ngu mapswi a kuwombwa ngu txisofu txakwe.

Matewu 12:2

Aniko mbimo yi Vafarisi va nga ti wona, va to mu gela va txi kha vona: “Hinga wona, vagondiswa vako va maha ti ti si dinganiko kumahwa ngu Sabbata.”

Zakariya 11:17

Dikhombo ka m'dyisi wa kwa mbi vhuna txilo, a lekako mtxhambi; ditxhari di na wela txitimwi ka diwoko dakwe, ni txitimwi ka diso dakwe da txinene, diwoko dakwe di na oma dotshe, ni diso dakwe da txinene di na fa.

Isaya 32:6

Nguko txiphukuphuku txi womba-womba wuphukuphuku, ni mbilu ya txona yi maha to biha, ni kuthumisa wukanganyisi, kasi kuwombawomba ta walo, to wukela Mkoma, se txi tona muhefemulo wa wule a ku ni nzala, ni kutona mati awu a ku ni ditora.

Johani 5:3

Ka sona sike sileya ku ti zumbile dibutho da hombe da valwali, mabhofu ni vo khwita ni va kuoma sihango, na va txi verela kuvhiluka ka mati.

Luka 23:2

va txi khata ku mu mangalela, va txi kha vona: “Hi mani m'thu wuwa a txi kujetela ditiko dathu, a txi tsimba resa ka Khezari, a txi khene Ene ngene Mkoma Mesiya.”

Luka 23:14

a txi khene kwawe: “Mi tisile m'thu wuwa masoni kwangu, mi txi khanu Ene i mkujeteli wa vathu. Ni mu wotisile masoni kwanu, kambe kha na mana txionho ni txa tximwetxo ka sile mi mu mangalelako ngu sona.

Luka 20:22

Ina ha tumelwa kuningela mkhupo ka Khezari mwendo kha hi tumelwi kani?”

Matewu 19:3

Sekoko Vafarisi, ngu kulava ku mu duka, va to ta kwakwe, va txi ta kha vona: “Ina ta tumeleka ka wamwamna kutovela msikati wakwe ngu mhaka yihi ni yihi kani?”

Isaya 59:13

hi nga hambukisa kutxani, hi hembela Mkoma, hi khukha ka Txizimu txathu, ni kuwombawomba to xanisa vamwani hi hundulukela kwako, makungo athu ni tile hi ti wombako, makuhu dwe.

Isaya 59:4

Ku walo ni wammweyo a pfalisako kululama, hambi ni wammweyo wo maneka kulamulani ka ditshuri; va themba manyala, ni kutsimbila ve womba-womba makuhu; va khura sirumbu sa mithumo, aniko ve veleka wubihi.

Marku 3:2

Se vona va ti mu wonetela ngu kulava kuziva ti to mwendo a na mu hanyisa, kufela kuve sikota ku mu mangalela.

Johani 7:23

Sekoko, ngako m'thu a yiswako wukwerani ngu Sabbata, ti txi maneka i si nga kundaka Mlayo wa Mosi, mi ni henyela ngu txani, ngako ni di hanyisile m'thu, mmidi wakwe wotshe, ngu Sabbata kani?