Matewu 11:8 - Bhiblia Yo Sawuleka

⁸ Se nji txani mi nga ya txi wona kani? M'thu wo ambala tinguwo totshura ngutu kani? Aniko ava va ambalako tinguwo totshura ngutu va zumba tinyumbani ka vafumeli.

Matewu 11:8 Referans Kwoze

Matewu 3:4

Ene Johani a ti ambate tinguwo to mahwa ngu madhowo a makamelu, e sunga libhande la didhowo txiwununi. Sakudya sakwe i ti humbi ni wulombe wa txitinga.

Zakariya 13:4

Se ka ditshiku donedo, ku na maheka tito, vaprofeti ve theleka tingana, mmwani ni mmwani ngu mhaka ya txiwoniso txakwe, a txi ngadi e profeta, kambe kha va na mbi ngadi ve ambala dijasi da matoya, kasiku ve mana kuhemba.

Isaya 20:2

Mkoma a to womba-womba ka mbimo yoneyo, ngu txisofu txa Isaya, mwana Amoni, a txi khene: Tsula u ya txhatxha syambalo sa mkhwasi txiwununi kwako, u thavisa tikathula mikondoni kwako. A to maha toneto, e tsimbila-tsimbila i di tximbwiri, na asi nga ni tikathula.

2 Vafumeli 1:8

Se vona va to kha vona: I ti wamwamna wo ambala madhowo, a di sungile libhandi la didhowo txiwununi kwakwe. Mfumeli a to xamula ku khene: I Elija, wa Tisibha.

Mtuletelo 11:3

Aniko ni na ninga mtamo ka tifakazi tangu ta timbidi kasiku ti txi profeta, ti di ambate masaka, mndani ka 1.260 wa masiku.”

2 Vakorinto 11:27

Simwani kambe; mikaralo ni mithumo yo nemela, kupilela masiku amangi, nzala ni ditora, kuzumba ni si dyi txilo masiku amangi, pheho ni wusakato.

1 Vakorinto 4:11

kala txikhati txa nyamsi ha xaniseka ngu nzala, ni ditora ni wusakato; ha yamaselwa ngu mipama, hi vaxeleleki;

Dhewuteronome 28:54

Hambi m'thu wo ti themba, awu i ku txivelekwa, hagari kwanu, a na wona ngu maso a kubonzolota mwanawe, ni msikati wule i ku txirandwa txakwe, ni vanana vakwe vale va nga sala va txi hanya;

Matewu 11:7

Sekoko, ngako vona va di tsute, Jesu a khatile kuwombawomba ngu Johani ka vathu, a txi khene: “Njitxani mi nga ya txi wona txiwulani kani? Litshava li li dekadekiswako ngu moya kani?

Matewu 11:9

Se mi ti ya wona txani kani? Mprofeti kani? Ina! Ani na mi gela, awu a pinda mprofeti.

Luka 7:25

Kasi mi ti ya wona txani kani? I ti m'thu wu a nga bomba kani? Wonani, ava va ambalako tinguwo ta wubombi ni va va dyako so tshamba, va zumba tinyumbani ka vakoma.