Matewu 11:27 - Bhiblia Yo Sawuleka

²⁷ Sotshe simaha ni ningilwe ngu Tate wangu; se kuwalo m'thu wu a zivako Mwanana, hahanze ka Tate; ngu toneto, kuwalo m'thu wu a zivako Tate, hahanze ka Mwanana ni wule ene Mwanana a ti lavako ku mu tulela.

Matewu 11:27 Referans Kwoze

Matewu 28:18

Jesu a to tshuketa hafuhi, a txi khene kwawe: “Ni ningilwe mtamo wotshe, nzumani ni ha mafuni:

Luka 10:22

Sotshe ni ningilwe ngu Tate; se kha nga ho wu a zivako ku Mwanana i mani hahanze ka Tate ekha, ni ku Tate i mani, hahanze ka Mwanana ekha, ni wule ene Mwanana a lavako ku mu wonekisa kwakwe.”

2 Johani 1:9

Votshe va va yako masoni ni tawe, va si londeteliko gondo ya Kristu, kha va na Txizimu. Kasi awu a simamelako gondo ya Kristu, eyo ngene a ku kumweko ni Tate ni Mwanana.

1 Johani 2:23

Wuhi ni wuhi a lambako Mwanana, Tate kha nga ni nene; se awu a fakazelako Mwanana, ni Tate waho kwakwe.

Johani 10:15

Nga tiya Tate wangu a ni zivako, nanani na m'ziva Tate, se ni ningela wutomi wangu ngu mhaka ya tinvuta tangu.

Johani 3:35

Tate wa randa Mwanana, a vekile sotshe manzani kwakwe.

Johani 6:46

Hi nga ti to ku na ni m'thu wu a nga wona Tate, hahanze ka wu a tako ngu ka Txizimu, eyo ngene a nga wona Tate.”

Johani 1:18

Txizimu kha txi zivi kuwonwa ngu m'thu; Mwanana wa txona wa Mmweyo ekha, awu a ku kumweko ni Tate, ngene a nga hi zivisa ati Txizimu txi ku ngu tona.

Johani 7:29

Ani na m'ziva, nguko ni ta ngu kwakwe, ni rumilwe ngu ngene.”

Johani 17:6

“Ni wonekisile ditina dako ka vathu va ditiko, avale u nga ni ninga. Vona i ti vako, aniko awe u ni ningile, vona va veketile dipswi dako.

Johani 13:3

Se, kota nga ti Ene Jesu a nga txi tiziva ti to Tate a mu ningile sotshe manzani kwakwe, ni kuziva ti to Ene a ta ngu ka Txizimu, kambe a na tshumela e tsula ka txona Txizimu,

1 Pedro 3:22

wu a nga kwela nzumani, eya zumba txineneni ka Txizimu, ahawa a nga ningwa kufuma tingelozi, vathangeli ni mitamo.