Matewu 11:26 - Bhiblia Yo Sawuleka

²⁶ Ina, awe Tata, nguko eto ti mahekile ngu kuranda kwako.

Matewu 11:26 Referans Kwoze

2 Timoti 1:9

atxi txi nga hi hanyisa, txi hi dhana ngu madhanelo o sawuleka; txi hi dhani i si nga ngu mhaka ya mithumo yathu, aniko ngu mhaka ya kuranda ka makungo a mbilu ya txona ni kateko ya txona. Hi ningilwe kateko yiya ngu ka Kristu Jesu, ti sinzi ku va ho timbimo.

Vaefesu 3:11

madingano ni makungo awa Txizimu txi nga ti ma vekile, ayawa txi nga ma wonekisa ngu Kristu Jesu Mkoma wathu.

Vaefesu 1:11

Ngu ngene Kristu kambe, Txizimu nathu txi hi mahile vadyi va thomba ya Txona, nga ti txi nga ti wonisa tona txona txi kotako totshe ngu mtamo wa kuranda ka txona,

Vaefesu 1:9

txi hi ninga kuziva makungo a kusisaleka a kuranda ka txona, kota nga ti ti nga txi tsakisa ku ti maha, ngu kale ni kale ngu ka Kristu,

Varoma 9:18

Ngu toneto, Txizimu txi mahela wumbilu awule txi ti lavako ku mmahela, txi bangisa mbilu ya wule txona txi ti lavako ku m'bangisa.

Luka 10:21

Ka yoneyo mbimo, Jesu a to tala ngu kutsaka, ngu Moya wo Sawuleka, a txi khene: “Na ku bonga, Tata, Mkoma wa nzuma ni mafu, nguko u sisete titxhari ni va va pimako timhaka tiya, u txi ti wonekisa ka va vavadotho. Ina, Tata, nguko u ti lavisile toneto.

Isaya 46:10

ni zivisa magwito kukhukhela makhatoni, ni kukhukhela kale ngutu atile ti sanziko kumaheka; ni ku khani: “Makungo angu ma na tsana, se ni na maha kotshe kuranda kwangu”;

Jobe 33:13

Se ngu kutxani u txi lwa natxo kani? Nguko txona kha txi na mhaka ngu ti u mahako.

Luka 22:42

“Tata, u txi ti lava, hambukisa digombe diya da sixaniso di txi ya kule ni nani. Aniko, ku nga mahwe kuranda kwangu, ku na mahwe kuranda kwako.”

Luka 23:34

Se Jesu a ti ti khene: “Tata, va divalele, nguko kha va ti zivi ati va ti mahako.” Ngu msana, va to abanela syambalo sakwe, ngu kuxaxuva tixolo.

Johani 11:41

Ngu msana va to thavisa dirigwi da diyiva, se Jesu e gula maso akwe, e wona nzumani, a txi khene: “Tata, na ku bonga, nguko u ni engisile.

Johani 12:27

“Se konkuwa, moya wangu wa pandiseka. Aniko, ni na womba txani? Ina ni na khani: Tata, ni hulukise ka txikhati txiya kani? Aniko ngu txona txiya txikhati ni nga tela txona.

Johani 12:28

Tata dhumisa ditina dako.” Ti di mahile eto, kutota dipswi ngu nzumani, adi di nga womba ku khene: “Ani ni di dhumisile, kambe ni na engeta ni di dhumisa!”