Matewu 11:23 - Bhiblia Yo Sawuleka

²³ Se awe Kapernawume, u na guletwa u txi hokiswa nzumani kani? Lambi! U na txhikiswa diphalani ka vafi. Nguko sidiwukiso si si nga mahwa kwako, idiku si ti ko mahwa Sodhoma, didhoropa donedo ngadi ti ngadi ho kala nyamsi.

Matewu 11:23 Referans Kwoze

Matewu 4:13

Se ngu msana, a txi khukha Nazareta, a to ya zumba Kapernawume, didhoropa di di ku hafuhi ni linene, ka ditiko da Zebhuloni ni Naftali,

Genesisi 13:13

Kambe vathu va Sodhoma va ti ti ni tshofu ngutu, va txi mahetela sionho sasingi masoni ka Mkoma.

Mtuletelo 11:8

Sirumbi sa tona si na vekwa ha mtendelani ka Didhoropa da Hombe adi, ngu kufananiswa, di dhanwako ku i Sodhoma ni Egipta, ahawa Mkoma wa tona nene a nga bethelwa ha txihambanoni.

Judha 1:7

Kufana ni toneto, Sodhoma ni Gomora, ni mamwani madhoropa a hafuhi, ngu mhaka ya kutiningetetela ka wugelegele, ni ka mithumo ya wugango wo hambana ni ntumbuluko, madhoropeyo ma mahilwe txialakanyiso masoni ka votshe vathu, me ningelwa kutsayiswani ka mndilo wo mbi guma.

Mithumo 2:27

nguko khu na mbi tshotsha moya wangu wukhaloni ka vafi, kambe khu na mbi tumetisa msawuleki wako e wona kusina.

Luka 14:11

Nguko wuhi ni wuhi a ti kulisako, a na vekwa hahatshi, ani wu a ti vekako hahatshi, a na guletwa.”

Matewu 16:18

Ngu toneto, nani na kugela, ni khani: Awe u Pedro, se txitimwi ka dirigwi diya, ni na aka Dibanza dangu, ani mtamo wa lifo kha wu na mbi di xula.

Matewu 8:5

Ngako Jesu a di wulete Kapernawume, nduna ya dizana yi to mtshuketela yi txi mkombela,

Obhadhiya 1:4

Ngako u txi ti guleta kufana ni digama, u veka txisaka txako hagari ka tinyeleti, ngu koneho ni na kuwisa, kuwomba Mkoma.

Sidilo 2:1

Eto Mkoma a nga fenengetisa tona mwanana wa Siyoni wa dihorana kupandisekani kwakwe ngu marefu! A puluwundisile wudhumo wa Israyeli kukhukhela nzumani kala ha mafuni, kha alakanya txikhigelo txa mikondo yakwe; ka ditshiku da kuhenya kwakwe.

Luka 16:23

“Se ngako a di wuzumbeloni ka vafi, hagari ka sixaniso, a to gula maso a txi wona Abrahamu a di kule, ni Lazaro a di mu singarete hakhana kwakwe.

Luka 4:23

Ene a to va gela a txi khene: “Ngu ditshuri mi na womba kwangu divingu di diku: ‘Ñanga, ti hanyise upune.’ Totshe ti hi nga tipfa va txi kha vona u ti mahile Kapernawume, ti mahe ni kona muwa ditikoni kwanu.”

Matewu 17:24

Ngako va di hokile Kapernawume, vasengisi va mkhupo wa Dithepele va to ta ka Pedro, va txi ta kha vona: “M'gondisi wanu kha humisi mkhupo wa Dithepele kani?”

Ezekhiyele 26:20

sekoko ni na kureleta ni vale va relelako diphalani, ka vathu va kale, ni txi ya kuotelisa ka makhalo a hahatshi ngutu mafuni, ka makhalo a siwula sa kale, ni vale va relelako diphalani, kasi ku ku si maneki vo zumba kwako; kambe ni na veka wudhundo ka mafu a vale vo hanya.

Ezekhiyele 31:14

kasi ku yotshe mindonga ya hafuhi ni mati, yi si ti guleti ngu mhaka ya txiemo, hambi kuhumisa tshoka hagari ka madhavi o txhuma, ni ale ma selako mati, ma si ti thembiseli mapune, ngu mhaka ya kulapha ka ona; nguko otshe ma dingana kufa, kala hahatshi ngutu ka mafu, hagari ka vanana va vathu, ni vale va relelako diphalani.

Ezekhiyele 32:18

Awe mwanana wa m'thu, peka huwa ngu dibutho da Egipta, u txi di releta, dona ni vanana vamahorana va matiko a mtamo, va txi ya hahatshi ngutu ka mafu, ni vale va relelako diphalani.

Ezekhiyele 32:24

Koneyo waho Elame ni dotshe dibutho dakwe, di nga randela diyiva dakwe; votshe va to dayelwa, va txi wiswa ngu ditxhari; va relete hahatshi ngutu ka mafu; va wusile kuthava ha mafuni ka vo hanya, ve rwala tingana tawe kumweko ni vale va nga relela diphalani.

Matewu 10:15

Kha ditshuri ni khani kwanu: Ngu ditshiku da kulamulwa ditiko da Sodhoma ni da Gomora di nata hehukiselwa kupinda didhoropa donedo.”

Luka 10:15

Awe Kapernawume, u na guletwa nzumani kani? Lambi! U na reletwa hahatshi Diphalani ka vafi.

Mithumo 2:31

Ngu konaho, ene a songolete ku ti wona e va e zivisa ta kuwuka ka Kristu, a txi khene: ‘Moya wakwe kha wa lekwa amu wukhaloni ka vafi, hambi mmidi wakwe kha wa ziva kusina.’

Mtuletelo 1:18

Ani ni wule a hanyako; ni li zivile lifo, aniko ndiko na hanya kala kupinduka. Kambe nina ni tikhiya ta lifo ni ta wukhalo wa vafi.

Mtuletelo 6:8

Ni to wona ku txi humelela dihantxhi do kwalala. Mgadhi wa dona a ti dhanwa ku i “Kufa,” se a ti londetelwa ngu Gehena. A ningilwe mtamo wa kufuma didhawa da wumune da mafu, kasiku e daya vathu ngu ditxhari, ni nzala, ni ntungu ni sihari sa txitinga.

Mtuletelo 20:13

Linene li to tshumeta vafi va va nga ti ka lona. Lifo ni Hadhesi si to ningela vafi va va nga ti ka sona, se mmwani ni mmwani a to lamulwa mandingano ni mithumo yakwe.