Matewu 11:21 - Bhiblia Yo Sawuleka

²¹ “Dikhombo dako, Korazini! Dikhombo dako, Bhetsayidha! Nguko sidiwukiso si si nga mahwa kwanu, idiku si ti mahilwe madhoropani ka Tiro ni Sidhoni, nga va di kombile kale kuhunduluka kwawe, ngu kuambala masaka ni kutola dikhuma.

Matewu 11:21 Referans Kwoze

Mithumo 12:20

Herodha a ti ni txiviti ni vathu va Tiro ni Sidhoni, kambe vona va to langana ve ta kwakwe. Se ku ti ngako va di engisani ni Blasto mthangeli wa hombe wa mfumeli, va to kombela kudikha ka ditiko, nguko ditiko dawe di ti tshunzela ditikoni ka mfumeli.

Johani 12:21

Vona va to ya ka Filipi, i nga ti wa Bhetsayidha ka Galileya, va txi ya kombela va txi kha vona: “Mkoma, hi lava kuwona Jesu.”

Luka 9:10

Ku ti ngako vapostoli va di tshumete, va to ya gela Jesu totshe ti va nga ti maha, se ene a txi va teka eya navo, vona vokha, ka diphambo da didhoropa di di dhanwako ku i Bhetsayidha.

Marku 6:45

Se Jesu kunukunuko a to kurumeta vagondiswa vakwe ti to ve wulela ngalavani ve thangela veya ka phuho ya mtxhatuko, ka kugwatama ni Bhetsayidha, na ene a di ngadi e tshumeta dibutho.

Matewu 15:21

Jesu a to khukha konaho e tsula madhawani ka Tiro ni Sidhoni.

Jobe 42:6

Ngu mhaka yeto, na ti sola, ni kutilaya, ni di mu ka lithulu ni mu ka dikhuma.

Judha 1:11

Va na ni dikhombo, nguko va tsimbila ngu nzila ya Kayini; ngu kulunzwa ngu kuhola male, va ti ningete ka manyala a Bhalahamu, se ve ti lovisa ngu kukaneta ko fana ni ka Kora;

Johani 1:44

Filipi i ti wa Bhetsayidha, didhoropa da va Andreya ni Pedro.

Luka 6:17

Ku ti ngako a di kwitimile navo ngu mmangoni, a to ema ha ndandalani, se dibutho da hombe da vagondiswa vakwe ni vathu vavangi va kuta ngu ka dotshe da Judheya, ni Jerusalema, ni matiko a hafuhi ni linene a Tiro ni Sidhoni,

Marku 8:22

Se a to hoka Bhetsayidha; ve mtisela dibhofu, ve mkombela ti to e di gwesa.

Marku 7:31

Ngako a txi engeta e khukha ditikoni ka Tiro, a to pinda ngu nzila ya Sidhoni, a txi ya lineneni ka Galileya, e tshawunyeta ditiko da Dhekapoli.

Marku 3:8

ni Jerusalema, ni Idhumeya ni kheya mtxhatuko ka Jordhani, ni matikoni ka Tiro ni Sidhoni, va to gudhuka ve ta kwakwe, i di vavangi ngutu, ngu kupfa totshe ti ene a nga ti maha.

Matewu 18:7

Di na ni dikhombo ditiko ngu mhaka ya sikhuvekiso! Kha ditshuri sikhuvekiso si fanete ku va ho, aniko ana ni dikhombo m'thu wuwa sikhuvekiso si tako ngu kwakwe.

Matewu 11:22

Ngu konaho, na mi gela ku khani: Ti nata hehuka ngutu ka Tiro ni Sidhoni kupinda anu, ka ditshiku da kulamulwa.

Mithumo 27:3

Mangwanani ka kona, ngako hi di hokile Sidhoni, Juliyo a to mahela wuxinji Paulo, e mu tumelela kuya wonana ni vangana vakwe, ni kuamukelwa ngu vona.

Luka 4:26

Kambe Elija kha rumelwa ka noni ni ya yimweyo ka tona; a rumetwe ka noni ya Serepita ka Sidhoni dwe.

Marku 7:24

Ngako a txi khukha konaho, a to ya ditikoni ka Tiro ni Sidhoni. Se e ta wulela nyumbani kokari, na asi ti lavi kuziwa ngu m'thu, aniko a tandekile ku ti sisa.

Matewu 26:24

Mwanana wa M'thu a na tsula nga ti ti nga bhaliswa tona, aniko dikhombo da wule ene Mwanana wa M'thu a no ningelwa ngu ngene! Ti ndi nava i di txhuko, ngako mthuyo a ti sa velekwa!”

Jeremiya 13:27

Ni wonile wugango wako, ni kudila ka kunavela kwako, wugango wako wo phindeletisa, amu mimangoni ni mu tithembweni. Dikhombo kwako Jerusalema! U na verela kala yihi mbimo na u si basiswi kani?

Joyeli 3:4

Kambe mi ni mhaka muni ni nani awe Tiro ni Sidhoni, ni otshe madhawa a Fenikiya kani? Ngu yona hakhelo yi mi ni ningako kani? Nguko mi txi ni hakelisa tiya, ngu txikuluveta, ni na tisa hakhelo txitimwi ka misungo yanu.

Amosi 1:9

Mkoma a womba tiya: Ngu kuhambunyeta kurarau ka Tiro ni ka wumune, na mbi thavisa txitsayiso, nguko va ningete totshe tikhumbi ka Edhomi, kambe kha alakanya txitumelelano txa vanawe.

Mtuletelo 6:12

Ni txi woni Txinvutana, mbimo yi txi nga kwamula txixambanyo txa wutxhanu ni tximwetxo: Ku to humelela kuzinginika ka hombe ka mafu: Ditambo di to maha da mtima, nga nguwo ya mkhwasi, se mtxima wotshe wu hinduka wu bhilivila nga mnoha.

Mtuletelo 11:3

Aniko ni na ninga mtamo ka tifakazi tangu ta timbidi kasiku ti txi profeta, ti di ambate masaka, mndani ka 1.260 wa masiku.”