Matewu 11:18 - Bhiblia Yo Sawuleka

¹⁸ “Nguko a tile Johani, asi dyi, asi seli, va txi kha vona: ‘Ana ni madhimoni.’

Matewu 11:18 Referans Kwoze

Luka 1:15

Ene a na va i di wa hombe masoni ka Mkoma, kha na mbi sela vhinya mwendo wusuke wo levisa, a na tala ngu Moya wo Sawuleka a di ngadi mndani ka mame wakwe;

Matewu 3:4

Ene Johani a ti ambate tinguwo to mahwa ngu madhowo a makamelu, e sunga libhande la didhowo txiwununi. Sakudya sakwe i ti humbi ni wulombe wa txitinga.

Johani 10:20

Wungi wawe, va ti ti kha vona: “Ana ni didhimoni, a hundekile! Ngu kutxani mi mu engiselako kani?”

Johani 8:48

Vajudha va to xamula, va txi kha vona kwakwe: “Ina kha hi wombi tona ti to khathu, awe u Msamariya, ni ti to khathu u na ni didhimoni kani?”

Johani 7:20

Dibutho di to xamula di txi kha dona: “Awe u na ni didhimoni. I mani a lavako ku kudaya, kani?”

Matewu 10:25

Ta enela ka mgondiswa ku a txi dingana ni m'gondisi wakwe, ni ka txithumi ku txi txi dingana ni nyamne wa txona. Ngako va di dhani nyamne wa nyumba va txi i Bhelzebhule va ha mwayani kwakwe va na dhanwa ngu kupindisa.”

Hoseya 9:7

Ma hokile masiku o tsayiswa, ma hokile masiku a kupharela; Israyeli a na tiziva; mprofeti kha na mapimo, m'thu wa moya, njiphukuphuku; ngu mhaka ya kutala ka wubihi wako, ni lona livengo li na kula.

Jeremiya 15:17

Kha na zumba msengeletanoni ka vatseketseli, ni tsaka kona; ngu mhaka ya dianza dako ni zumbile nokha, nguko u ni mahile ni tala ngu txiviti.

1 Vakorinto 9:27

Aniko ani ni tsayisa mmidi wangu, ni txi wu maha khumbi, kufela ku, ni di txhumayete vamwani, ani nipune ni si sali msana.

Mithumo 26:24

Paulo, a di ngadi a txi ti angulela ngu mapswi awa, Festo a to gula dipswi, a txi khene: “Wa xanga, mo Paulo! Sigondo si sako sasingi sa kuxangisa!”

Jeremiya 29:26

Mkoma a ku emisile ku va mphaxeli ka wukhalo wa Jehoyadha, mphaxeli, kasi kumaneka vathangeli Nyumbani ka Mkoma, ti taku, u txi sunga ngu makhodha ni tingoti, ava va xangako, va txi ti maha vaprofeti.

2 Vafumeli 9:11

Jehu a to huma eya ka sithumi sa nyamne wakwe, si txi kha sona: I thenga kani? Dibhemba diya di tete txani kwako kani? Se Jehu a to khene kwawe: Anu ma m'ziva wamwamna wule, ni mawombawombelo akwe.

Matewu 9:34

Aniko Vafarisi va txi kha vona: “Ene a tovela madhimoni ngu mtamo wa mkoma wa madhimoni.”

Matewu 11:17

‘Hi mi vetete misengele, aniko kha ma sinya; hi embelete tindando ta masaluko, aniko kha ma dila.’ ”

Marku 3:22

Kambe vabhali va va nga ti relete va txi ta ngu Jerusalema, va to womba va txi kha vona: “Ana ni Bhelzebhule, se a tovela madhimoni ngu mkoma wa madhimoni.”

Johani 8:52

Vajudha va txi kha vona kwakwe: “Konkuwa se ha tiziva ti to u na ni didhimoni. Abrahamu a fite, vaprofeti ni vona va fite; se awe u khawe: ‘Ngako m'thu a txi veketa dipswi dako, kha na mbi wona lifo ni ditshiku ni da dimwedo.’