Matewu 11:11 - Bhiblia Yo Sawuleka

¹¹ “Kha ditshuri na mi gela: Hagari ka vanana va va nga velekwa ngu wamsikati, kha ka maneka wa hombe wo pinda Johani Mubhabhatisi. Aniko awule i ku wam'dotho ngutu Mfumoni ka nzumani, mbwa hombe ngutu kupinda ene.

Matewu 11:11 Referans Kwoze

Luka 7:28

Se ani ni khani, hagari ka va va nga velekwa ngu vavasikati, kha nga ho wa hombe kupinda Johani; kambe awu i ku wam'dotho Mfumoni ka Txizimu mbwa hombe kupinda ene.”

Vaefesu 3:8

Ani wu, ni ku wam'dotho hagari ka votshe vasawuleki ni ningilwe kateko yiya ya kunuwela ka vamatiko mahungu amanene a thomba yo mbi balwa ya Kristu;

Johani 1:15

Johani wa fakaza ngu ngene, a txi khene: “Ngene wu ni nga ti mu womba ni txi khani: ‘Awu a tako msana kwangu, ngene i ku wo khata, nguko Ene a ti ti ho ni sanzi ku va ho ani.’ ”

Matewu 5:19

Ngu mhaka yeto, awule a no ndaka wawumwewo ka milayo yileya, hambi i di wa wudotho, a txi gondisa toneto ka vathu, a na va i di wam'dotho ka Mfumo wa nzumani. Aniko awule a veketako milayo, e yi gondisa, a na va i di wa hombe Mfumoni ka nzumani.

Matewu 3:11

Ani ni bhabhatisa ngu mati kasiku mi sikota kutilaya, kambe awule a tako msana kwangu, ana ni mtamo kupinda ani, se ani kha ni nga ni fanelo yo ñola hambi tikathula takwe. Ene a na mi bhabhatisa ngu Moya wo Sawuleka ni mndilo.

Luka 9:48

“Wuhi ni wuhi a amukelako tximwananana txiya ngu ditina dangu, wa ni amukela; se awu a ni amukelako, a amukela wu a nga ni ruma. Nguko awu i ku wam'dotho hagari kwanu motshenu, ngene i ku wa hombe.”

1 Pedro 1:10

kuhanyiswa kuwa ku wonisisilwe ni kupimisiswa ngu vaprofeti va va nga womba timhaka ta kateko yi mi nga sikelwa yona.

Vahebheru 11:40

Nguko, Txizimu txi ti ni mamwani makungo a tshuko a kudingana athu, kasiku vona va si hoki kuhetisekani, hahanze kwathu.

1 Vakorinto 15:9

Nguko ani ni m'dotho ka votshe vapostoli; kha ni fanekelwi ngu kudhanwa ngu ditina da mpostoli, nguko ni xanisile dibanza da Txizimu.

1 Vakorinto 6:4

Ngako ku di ni mahungu o nga toneto, ina mi nga sikota kusawula ava va si thembekiko dibanzani, mi va maha valamuli, kani?

Johani 10:41

Vavangi va tile kwakwe, va ta kha vona: “Johani kha ditshuri, kha maha txidiwukiso ni txa tximwetxo, aniko totshe ti a nga ti womba ngu mhaka ya m'thu wuwa, nda ditshuri.”

Johani 3:30

Ene a fanete kukula, ani ni txi va hahatshi.”

Masalmo 51:5

Kha ditshuri, ni m'bihi kukhukhela ni txi velekwa; ni muonhi kukhukhela mndani ka mame wangu.

Jobe 15:14

Njitxani m'thu, konaza eva a di sawulekile kani? Ni ti taku awule a velekwako ngu wamsikati, eva wo lulama kani?

Jobe 14:4

(I mani wa wubihi waku a nga humisa so tshura kani? Lambi ni wammweyo!)

Jobe 14:1

M'thu wo velekwa ngu wamsikati masiku akwe madotho, kambe ma tate ngu sikarto.

Johani 5:35

Johani i ti liwoningo li li turako, li woningako. Se anu mi randile kutsakela kuwoninga kwakwe ngu mbimoanyana.

Johani 1:27

Ene ngene a nota msana kwangu, awu hambi ani ni si sikotiko kuthukunyula tingoti ta tikathula takwe.”

Zakariya 12:8

Ka ditshiku donedo, Mkoma a na vhikela vahanyi va Jerusalema, se awule hagari kwawe a no humbwa ka ditshiku donedo, a na nga Dhavhidha, kambe nyumba ya Dhavhidha yi na nga Txizimu, kufana ni Ngelozi ya Mkoma, masoni kwawe.

Johani 7:39

Jesu a ti ti womba tiya, na a txi fanekisa Moya wu va nga txi fanela ku wu amukela avale va ndino kholwa kwakwe; nguko wona Moya wu ti sanzi kuta, nga ti Jesu a nga sanzi kupfaliswa.

Isaya 30:26

Kuwoninga ka mtxima ku na fana ni kuwoninga ka ditambo, se kuwoninga ka ditambo ku na engetelwa ka mtxhanu ni kumbidi, kufana ni kuwoninga ka mtxhanu wa masiku ni mambidi, ka ditshiku dile Mkoma a no sungelela mule ku nga phatukela, ni kukalamukisa silonda sa kona.

Jobe 25:4

Ti ndi na mahisa kutxani ku m'thu eva wo lulama masoni ka Txizimu, niku a ndi na lulamisa kutxani wule a velekwako ngu wamsikati kani?

1 Samuwele 2:30

Ngu kumaha keto, Mkoma Txizimu txa Israyeli, a khene: Ngu ditshuri ani ni wombile ti taku, nyumba yako ni nyumba ya tate wako, ti na tsimbila masoni kwangu kala kupinduka; aniko konkuwa, kuwomba Mkoma,: Timhaketo ti nave kule ni nani! Nguko ni na thava avale va ni thavako, kambe avale va ni eyisako va na wiswa tingana.

Vaefesu 2:3

Nanathu hotshethu hi ti fite kale kufana navo, ngu kulondetela minavelo yathu yo biha ni kumaha kuranda ko hambana ka mmidi wathu ni mipimiso yathu. Ngu kota yeto, nathu ngu mtumbuluko wathu hi ti maneka hi di vanana va va fanelwako ngu kutsukulwa ngu Txizimu kufana ni vamwani.

2 Timoti 1:10

Kateko yiya yi ti kombisile konkuwa ngu kuwoneka ka Muhanyisi wathu Jesu Kristu, ene wuwa a nga fuvisa lifo, e tisa wutomi ni kuhanya ko mbi guma, asi si nga ti humelelisa kubasani ngu mtamo wa Evhangeli.

Luka 1:15

Ene a na va i di wa hombe masoni ka Mkoma, kha na mbi sela vhinya mwendo wusuke wo levisa, a na tala ngu Moya wo Sawuleka a di ngadi mndani ka mame wakwe;

Matewu 3:1

Ka ale masiku, ku humelete Johani M'bhabhatisi e txhumayela txiwulani ka Judheya,

Matewu 11:10

Nguko, awu ngene a wombwako ngu Mibhalo yi yi ku kha yona: ‘Wona, na rumela mtumi wangu masoni kwako, awu wu fanelako ku kulongisela nzila masoni kwako.’ ”

Matewu 11:12

Kukhukhela ka masiku a Johani Mubhabhatisi kala konakuwa, Mfumoni ka nzumani ku wulelwa ngu mtamo, se va mtamo ngu vona va wu manako.