Matewu 11:10 - Bhiblia Yo Sawuleka

¹⁰ Nguko, awu ngene a wombwako ngu Mibhalo yi yi ku kha yona: ‘Wona, na rumela mtumi wangu masoni kwako, awu wu fanelako ku kulongisela nzila masoni kwako.’ ”

Matewu 11:10 Referans Kwoze

Malakiya 3:1

Wonani taku, ni mi rumela ngelozi yangu, ayi yi no ni lulamisela nzila, se msana keto, Mkoma wule anu mi mlavako, a nata ngu kukuluveta dithepeleni kwakwe, Ngelozi ya txitumelelano, ayile anu mi yi verelako; wonani taku yata, kuwomba Mkoma wa Mabutho a Tiyimbi.

Isaya 40:3

“Dipswi da wu a kwangulako txiwulani di kha dona: Longiselani nzila ya Mkoma; lulamiselani amu ka ligwangwa magondo a Txizimu txathu.”

Malakiya 4:5

Wonani taku ani ni na mi rumela Mprofeti Elija, na ku si se hoka ditshiku da hombe do thisa da Mkoma.

Marku 1:2

Nga ti ti nga bhalwa ngu mprofeti Isaya, a nga khene: “Wona, na ruma masoni kwako mtumi wangu, awu wu no longisa nzila yako.”

Johani 1:23

Ene a xamute a txi khene: “Ani ni dipswi da wule a kwangulako txiwulani, a txi khene: ‘Lulamisani nzila ya Mkoma’, nga tiya a nga wombisa tona mprofeti Isaya.”

Matewu 3:3

Johani ngene wu a nga wombwa ngu mprofeti Isaya, a txi khene: “Dipswi da wu a huwelelako txiwulani di kha dona: Longiselani nzila ya Mkoma lulamiselani magondo akwe.”

Matewu 11:3

“Ngawe, kani, awu a nota, mwendo hi ngadi hi txi na verela mmwani kani?”

Matewu 11:11

“Kha ditshuri na mi gela: Hagari ka vanana va va nga velekwa ngu wamsikati, kha ka maneka wa hombe wo pinda Johani Mubhabhatisi. Aniko awule i ku wam'dotho ngutu Mfumoni ka nzumani, mbwa hombe ngutu kupinda ene.

Luka 1:76

Se awe, mwananawe, u na dhanwa ku u mprofeti wa Nyatxitimwi; nguko u na thangela masoni ka Mkoma, kasi kululamisela tinzila takwe.