Matewu 10:8 - Bhiblia Yo Sawuleka

⁸ Hanyisani valwali, wusani vakufa, basisani vatshekela, tovelani mimoya yo biha. Mi to ningwa mahala, na nanu va ningeni mahala.

Matewu 10:8 Referans Kwoze

Mithumo 3:6

Kambe Pedro a to khene kwakwe: “Kha ni nga ni nzalama mwendo silivhela, aniko asi ni ku naso ni na kuninga: Ngu ditina da Jesu Kristu wa Nazareta, khukha u txi tsimbila!”

Mithumo 4:30

Nawuluta diwoko dako, ti to ku na mahwa kuhanyiswa ni sikombiso ni sidiwukiso ngu ditina da Jesu, txithumi txako txa kusawuleka.”

Luka 10:9

Hanyisani valwali va va ku konemo, mi txi gela vathu ku khanu: ‘Mfumo wa Txizimu wu hafuhi kwanu.’

Matewu 10:1

Ngako a di dhani vagondiswa va digumi ni vambidi, Jesu a to va ninga mtamo wa kutovela mimoya ya nzambwa ni kuhanyisa vathu ka yotshe mitungu ni otshe malwati.

Marku 16:18

va na ñola minyoka ngu manza, se hambi va txi sela sa txhefu, kha si na mbi va wusela phango; va na sanzeka manza ka valwali, ve kalamuka.”

Mitengo 18:7

Awe ni vanana vako, mi na teka mthumo wa wuphaxeli ka totshe ti ti lumbako mthumo wa stxiluvelo, ni sotshe si si ku ngu msana ka m'jiyo; se anu mi na teka mthumo wa mphaxeli, se mluveli ngako a txi tshuketa hafuni a na fa.

Isaya 55:1

Anu motshenu mi ku ni ditora, ngonani matini, ni nanu mi singako ni male, ngonani mi ta xava, mi dya; Ina, ngonani mi ta xava, mi si nga ni male, mi si nga ni mtengo, vhinya ni masi.

Matewu 10:7

Mi txi tsimbila, nuwelani mi txi khanu: ‘Mfumo wa nzumani wu hafuhi.’

Matewu 10:9

Mi nga kungeleni male ya nzalama ni silivela ni koporo amu ka tibhande tanu,