Matewu 10:7 - Bhiblia Yo Sawuleka

⁷ Mi txi tsimbila, nuwelani mi txi khanu: ‘Mfumo wa nzumani wu hafuhi.’

Matewu 10:7 Referans Kwoze

Mithumo 28:31

a txi txhumayela ngu ta Mfumo wa Txizimu ni kugondisa ngu ta Mkoma Jesu, ngu kotshe kutsana, asi tsivelwi ngu txilo.

Matewu 3:2

a txi khene: “Hundulukani, nguko wu hafuhi Mfumo wa nzumani.”

Luka 9:60

Jesu a ti khene kwakwe: “Leka vafi va txi kelela vafi vawe. Kambe awe tsula u txi ya zivisa timhaka ta Mfumo wa Txizimu.”

Matewu 4:17

Kukhukhela ka txonetxo txikhati, Jesu a to khata kutxhumayela a txi khene: “Hundulukani, nguko Mfumo wa nzumani wu hokile.”

Luka 16:16

“Mlayo ni tigondo ta Vaprofeti ngu sona si nga txi thuma kala kuza e hoka Johani Mubhabhatisi; kukhukhela konako, Evhangeli ya Mfumo wa Txizimu ya txhumayelwa, se mmweyo ni mmweyo wa ti karata kufela kuwulela ka wona ngu mtamo.”

Luka 9:2

Se e va ruma kuya txhumayela Mfumo wa Txizimu ni kuhanyisa valwali.

Isaya 61:1

Moya wa Mkoma Txizimu, wu txitimwi kwangu, nguko Mkoma a ni totile, kasi kuya txhumayela mahungu amanene ka sisiwana, a ni rumete kuya tirula vale va ku ni kuxaniseka mbiluni, ni kuya nuwela mhaka ya kuthukunyulwa ka va vo sungwa, ni kutulelwa ka vale vo ñolwa;

Marku 6:12

Se va di khukhile ve tsula, va to txhumayela ti to vathu va na hunduluke,

Mithumo 10:25

Ngu mbimo yi Pedro a nga ti ti wulela m'tini ka Korneliyo, ene a to mu hingeta, a txi bwaka a txi khizama masoni kwakwe, a txi mu khozela.

Mithumo 4:2

ve va henyela ngu kuwona ti to va gondisa vathu ni kunuwela kuwuka ka vafi ngu mhaka ya kuwuka ka Jesu kufani.

Johani 3:2

A to ta ka Jesu ni wusiku, a txi ta khene kwakwe: “Rabbi, ha tiziva ti to u M'gondisi wu a humako ngu ka Txizimu, nguko kha nga ho m'thu wu a sikotako kumaha sidiwukiso si u si mahako, ngako Txizimu txi si nga ni nene.”

Luka 9:6

Koneho va to huma, ve tsimbila ngu mkhokhola ni mkhokhola, na va txi gondisa Evhangeli, ka otshe makhalo ve hanyisa valwali.

Matewu 23:13

“Mi na ni dikhombo, anu vabhali ni nanu Vafarisi, vaxengeteli! Nguko ma tsivela vathu kuwulela Mfumoni ka nzumani, kha mi wuleli anu, kambe kha mi tuleli vale va lavako kuwulela.

Matewu 21:43

Ngu toneto, na mi gela ku khani: Mfumo wa Txizimu wu na thaviswa kwanu, wu ningelwa ka dimwani ditiko, adi di no sikota kuhumisa mihando ya wona.

Matewu 21:31

Se i mani ka vona va vavambidi, awu a nga maha kuranda ka tate wakwe, kani?” Se vona va txi kha vona: “Ngu wule wo khata.” Jesu a to va gela a txi khene: “Ngu ditshuri nanani na mi gela: Vakhupisi ni magelegele va na mi thangela kuwulela Mfumoni ka Txizimu.

Matewu 11:1

Ngako Jesu a di gwitile kuleletela timhaka tiya ka vagondiswa vakwe va digumi ni vambidi, a to khukha konaho e tsula a txi ya gondisa ni kutxhumayela mitini ka ditiko dawe.

Matewu 10:8

Hanyisani valwali, wusani vakufa, basisani vatshekela, tovelani mimoya yo biha. Mi to ningwa mahala, na nanu va ningeni mahala.