Matewu 10:5 - Bhiblia Yo Sawuleka

⁵ Se Jesu a to va ruma vona va digumi ni vambidi, msana ka kuva a di va layile a txi khene: “Mi nga tsimbileni ngu tinzila ta vamatiko, hambi kuwulela madhoropani ka Vasamariya.

Matewu 10:5 Referans Kwoze

Johani 4:9

Wamsikati wule wa Msamariya a to mu xamula a txi khene: “Ti nga mahisa kutxani awe u ku Mujudha kukombela mati kwangu ni ku Msamariya kani?” (Nguko Vajudha kha va tolovelani ni Vasamariya).

1 Vatesalonika 2:16

Va hi tsimbisela kutxhumayela Evhangeli yo hanyisa ka vamatiko. Se ngu toneto, va to tatisela sionho sawe si va nga si maha. Se konkuwa ngu kugwitisa, kuhenya ka Txizimu kuwite txitimwi kwawe.

Luka 17:16

A ti ya khizama minengeni ka Jesu, a txi mu bonga. Aniko ene i ti Msamariya.

Mithumo 10:45

Se otshe makholwa a lixaka la vale va nga ti londetela mlayo wa wukwera, va nga ti tile kumweko ni Pedro, va to xamala ngu kuwona Moya wo Sawuleka wu txi amukelwa ngu vamatiko ni vona.

Luka 9:2

Se e va ruma kuya txhumayela Mfumo wa Txizimu ni kuhanyisa valwali.

Mithumo 1:8

Aniko, mi na amukela mtamo wa Moya wo Sawuleka, wu no txhika txitimwi kwanu, se mi na va mi di tifakazi tangu ahawa Jerusalema ni ka dotshe ditiko da Judheya ni Samariya, kala magemeta-mitshi ka ditiko.”

Johani 20:21

Ene a to engeta a txi khene: “Kudikha ku nave nanu! Nga ti Tate a nga ni ruma, nanani na mi ruma.”

Johani 7:35

Ngu kota yeto, Vajudha va to khata kuwotisana, va txi kha vona: “O lava kuya hani, aku hi no tandeka ku mmana kani? O lava kuya ka va va nga hangalaka hagari ka Vagriki. O lava kuya gondisa Vagriki kani?

Johani 4:5

Se a to hoka ka m'ti wumwani wa Samariya, awu wu dhanwako ku i Sikari, hafuhi ni thembwe yi Jakobe a nga ninga Josefa, mwanana wakwe. Konaho ku ti ni txisima txa Jakobe.

Luka 10:33

Se ngu msana keto, a to pinda ngu kona haleya Msamariya wokari, a nga txi enda ngu yona nzila yile, se a di mu woni, a to mu pfela wusiwana.

Matewu 4:15

“Ditiko da Zebhuloni ni da Naftali, nzila ya linene, mtxhatuko ka Jordhani, Galileya ka vamatiko;

Mithumo 8:1

Ka donedo ditshiku, ku to tumbuluka livengo la tshofu ya kuxanisa dibanza da Jerusalema: Votshe, hahanze ka Vapostoli, va to hangalaka ka matiko a Judheya ni Samariya.

Johani 8:48

Vajudha va to xamula, va txi kha vona kwakwe: “Ina kha hi wombi tona ti to khathu, awe u Msamariya, ni ti to khathu u na ni didhimoni kani?”

Johani 4:20

Vatate vathu va ti ti khozela ka mmango wuwa, se awe u khawe Jerusalema ngu kona va fanelako kuya khozela kona.”

Luka 10:1

Msana keto, Mkoma a to sawula vamwani vagondiswa va mtxhanu wa magumi ni magumi mambidi, ni vagondiswa vambidi, a txi va rumela, ngu vambidi-vambidi, a txi va thangetisa masoni kwakwe, kuya ka yotshe miti ni otshe makhalo awa Ene a nga ti fanela kuya.

Matewu 22:3

A to ruma sithumi sakwe kuya dhana ava va nga rambwa kuta m'busoni, aniko vona kha va tumela kumaneka.

Marku 6:7

Ene a to dhana vapostoli va digumi ni vambidi, a txi khata ku va ruma, ngu vambidivambidi, a txi va ninga mtamo wa kuxula mimoya ya nzambwa.

Luka 9:1

Jesu, adi sengeletile vale va digumi ni vambidi, a to va ninga mtamo ni wukoma txitimwi ka madhimoni otshe ni mtamo wa kuhanyisa malwati.

Johani 17:18

Ngako u nga ni ruma ha ditikoni, nanani ni va rumile ha ditikoni.