Matewu 10:41 - Bhiblia Yo Sawuleka

⁴¹ Awule a amukelako mprofeti, ngu kuva ene i di mprofeti, a na ningwa hakhelo ya mprofeti; se awule a amukelako m'thu wo lulama, ngu kuva ene i di m'thu wo lulama, a na amukela hakhelo ya mlulami.

Matewu 10:41 Referans Kwoze

Vahebheru 6:10

Nguko, Txizimu kha txi nga ni tshofu. Kha txi na kudivala mthumo wanu, ni lirando li mi nga li kombisa ka ditina da txona anu mi nga thumela vasawuleki va txona, avava ni konkuwa, mi va thumelako.

2 Johani 1:8

Ti woneleni kasi ku mi si mwalati mihando ya kutikarata kwanu; aniko mi fanete kumana hakhelo yi yi dinganako.

Genesisi 20:7

Se konkuwa, mtshumete eyo wamsikati, a txi tsula ka mwamna wakwe, nguko mwamna wakwe mprofeti: Se a na kukombelela kasi u txi hanya. Aniko nga ti u si mtshumeti, kufa u na fa awe ni votshe va kulumbako.”

1 Vakorinto 9:17

Idiku no thuma tiya ngu kuranda kwangu, ni ndi na fanekelwa ngu kudihelwa; kambe, ngako i si nga ta ku ti maha ngu kuranda kwangu, i mrwalo ni nga sikelwa.

Matewu 16:27

Nguko Mwanana wa M'thu a nata ni wudhumo wa Tate wakwe, kumweko ni tingelozi takwe, se a nata hakela mmwani ni mmwani kota nga ti a nga hanyisa tona.

Matewu 6:18

kasi u si woneki ka vathu ti to u ti tonile sakudya, aniko ti na ziwa ngu Tate wako a ku kusisalani, se Tate wako awu a wonako sa kusisalani, a na kutshumetela.”

Varoma 16:23

Wa mi dingula Gayusi, awu a nga ni amukela kumweko ni dotshe dibanza. Wa mi dingula Erastusi, mñoli wa male ya didhoropa diya, ni mwanathu Kwartu.

Matewu 6:6

Kambe awe, ngako u txi khongela, wulela nyumbani kwako, seka ditimba, u txi khongela ngu malengo ka Tate wako; se Tate wako a wonako ti ti ku kusisalani a na kutshumetela.”

Mithumo 16:15

Se ngako a di bhabhatisilwe, kumweko ni va nyumba yakwe, a to hi kombela a txi khene: “Ngako mi txi ni wona ni di thembekile ka Mkoma, ngonani mi ta zumba nyumbani kwangu.” Se e hi kurumeta kuya kona.

Matewu 6:4

ti to asi u ningako si zumba kusisalani; se Tate wako a wonako kusisalani a na kutshumetela.”

Matewu 6:1

“Ti woneleni ti to mi si mahi mithumo yanu ya yinene masoni ka vathu, kasi kuwonwa ngu vona; ngako mi txi mahisa eto, kha mi na mbi tshungulwa ngu Tate wanu wa nzumani.”

Isaya 3:10

Gelani va vo lulama ti to va katekile, nguko va na dya mihando ya mithumo yawe.

Matewu 7:8

Nguko mmwani ni mmwani a kombelako, wa ningwa; awu a lavako, wa si mana; ni wule a gogotako, a na tulelwa.

Matewu 25:44

“Sekoko ni vona va na wotisa va txi kha vona: ‘Mkoma ngu dihi ditshiku hi nga kuwona u di ni nzala, mwendo u di ni wusakato, mwendo malwati, mwendo u di ku khotelwani, hi txi lamba ku kuvhuna, kani?’

Matewu 25:45

Sekoko ene a na va angula a txi khene: ‘Kha ditshuri na mi gela ku khani: Yotshe mbimo yi mi nga leka ku ti maha tiya ka mmweyo wa vanathu vavadotho, ni nani kha ma ni mahela.’