Matewu 10:40 - Bhiblia Yo Sawuleka

⁴⁰ “Awule a mi amukelako, a amukela ani, se awule a ni amukelako, a amukela awule a nga ni ruma.

Matewu 10:40 Referans Kwoze

Johani 13:20

Ngu ditshuri, ngu ditshuri, na mi gela ku khani: Awule a amukelako wuhi ni wuhi ni no mruma, a amukela ani nipune; awule a ni amukelako, a amukela awu a nga ni ruma.”

Luka 9:48

“Wuhi ni wuhi a amukelako tximwananana txiya ngu ditina dangu, wa ni amukela; se awu a ni amukelako, a amukela wu a nga ni ruma. Nguko awu i ku wam'dotho hagari kwanu motshenu, ngene i ku wa hombe.”

Luka 10:16

Awu a mi engisako a engisa ani; awu a mi nyenyako, a nyenya ani; se awu a nyenyako ani, a nyenya wu a nga ni ruma.”

Matewu 18:5

Sekoko, awu a no amukela ngu ditina dangu, mwanana wammweyo wa ku nga wuwa, ngani a ni amukelako.”

2 Johani 1:9

Votshe va va yako masoni ni tawe, va si londeteliko gondo ya Kristu, kha va na Txizimu. Kasi awu a simamelako gondo ya Kristu, eyo ngene a ku kumweko ni Tate ni Mwanana.

Johani 20:21

Ene a to engeta a txi khene: “Kudikha ku nave nanu! Nga ti Tate a nga ni ruma, nanani na mi ruma.”

Matewu 25:40

“Se Mfumeli a na va xamula a txi khene: ‘Kha ditshuri na mi gela ti to khani: Yotshe mbimo yi mi nga ti maha eto ka mmweyo wa vanathu vavadotho, mi mahete ani nipune’.

1 Vatesalonika 4:8

Ngu toneto, awu a nyenyako gondo yiya, kha nyenyi m'thu, aniko a nyenya Txizimu, txona txi ka ditshuri, txi mi ningako Moya wa txona wo Sawuleka.

Vagalatiya 4:14

Kambe anu kha ma komba ku ni nyenya mwendo ku ni vengela, hambiko malwati angu i nga ti txiduko kwanu; aniko mi ni amukete kota mtumi wa Txizimu, kota nga Jesu Kristu apune.

Johani 5:23

Kasiku votshe ve thava Mwanana, nga ti va thavisako tona Tate. Awu asi thaviko Mwanana, kha thavi ni Tate wu a nga mruma.”

Marku 9:37

“Awu a no amukela tximwananana txo nga tiya ngu ditina dangu, ngani a ni amukelako. Se awu a ni amukelako kha amukeli ani, aniko a amukela awule a nga ni ruma.”

Matewu 25:45

Sekoko ene a na va angula a txi khene: ‘Kha ditshuri na mi gela ku khani: Yotshe mbimo yi mi nga leka ku ti maha tiya ka mmweyo wa vanathu vavadotho, ni nani kha ma ni mahela.’

2 Vakorinto 5:20

Athu hi sirumwa sa Kristu, Txizimu ngu txona txi mi layako ngu ngathu. Ngu toneto, ha mi khongotela ngu ditina da Kristu: Kombelani divalelo ka Txizimu.

1 Vafumeli 18:4

nguko ku mahekile tito, mbimo yile Jezabheli a nga ti dayela vaprofeti va Mkoma, Obhadhiya a to teka 100 wa vaprofeti, se e sisa mtxhanu wa magumi kheno, ni vamwani va mtxhanu wa magumi kheya, amu ka diphala, e va dyisa ngu mapawu ni mati).

Jeremiya 39:17

Aniko ni na kuhulukisa kedo ditshiku, kuwomba Mkoma, khu na mbi ningelwa manzani ka vathuvo u va thavako.