Matewu 10:4 - Bhiblia Yo Sawuleka

⁴ Simoni wa Mukanana ni Judha Iskariyoti, awu a nga ningela Jesu.

Matewu 10:4 Referans Kwoze

Matewu 26:14

Sekoko konako, mmweyo wa vale va digumi ni vambidi, a dhanwako ku i Judha Iskariyoti, a to ya ka vaphaxeli va hombe, a txi ya khene:

Johani 13:2

Se hagari ka kulalela, ngako Sathani a nga ti wulete mapimoni ka Judha Iskariyoti, mwanana wa Simoni, kufela ku ene e ningela Jesu;

Johani 6:71

A wombile tiya, a txi konama Judha, mwana Simoni Iskariyoti; nguko eneyo i ti ene a no mningela, ene mmweyo wa va Digumi ni Vambidi.

Marku 14:43

Ene a di ngadi a txi womba-womba, a to bwaka Judha, mmweyo wa vale va digumi ni vambidi, kumweko ni mtxawa wa hombe wu nga ti xomile matxhari ni migomba, na va txi rumwa ngu vaphaxeli va hombe ni vabhali ni madhota a ditiko.

Matewu 26:47

Ene a di ngadi a txi womba tiya, konaho ku to bwaka Judha, mmweyo wa va digumi ni vambidi, ni dibutho da hombe da vathu kumweko nayo, na va di ni matxhari ni migomba, va txi ta ngu kurumwa ngu vaphaxeli va hombe ni madhota a ditiko.

Luka 22:47

Ene a di ngadi a txi womba-womba, ku to haruka mtxawa wa vathu, na va txi thangelelwa ngu mmweyo wa va digumi ni vambidi, a dhanwako ku i Judha, a nga ti thangete masoni; ene a to tshuketela Jesu, a txi mu pswopswa.

Luka 22:3

Se Sathani a to wulela mbiluni ka Judha, awu a dhanwako ku i Iskariyoti, i nga ti mmweyo wa vale va Digumi ni Vambidi.

Marku 14:10

Sekoko, Judha Iskariyoti, mmweyo wa va digumi ni vambidi, a to tsula ka vaphaxeli va hombe kasi kuya mningela kwawe.

Matewu 27:3

Sekoko, Judha, awu a nga mningela, a di woni ti to Jesu a abanisetwe kufa, a to ti laya se e tshumeta male yile ya magumi mararu, ya silivhela, ka vaphaxeli va hombe ni madhota a ditiko,

Mithumo 1:25

kasiku e teka wukhalo wa Judha, mthumoni ka wupostoli, awu a nga wu leka e tsula mu kulumbako ene.”

Mithumo 1:13

Ku ti ngako va di hokile konaho, va to kwela veya ka nyumba yi ya txitimwi, ahawa ku nga ti zumba Pedro, ni Johani, ni Jakobe, ni Andreya, ni Filipi, ni Tomasi, ni Bhartolomewu, ni Matewu, ni Jakobe mwana Alfewu, ni Simoni Muzelote, ni Judha mwana Jakobe.

Matewu 26:2

“Ma tiziva ti to ngako ma di pindile masiku mambidi ku nava i di Pasika; se Mwanana wa M'thu a na ningelwa kasi kuya bethelwa ha txihambanoni.”

Matewu 26:15

“Mi na ni ninga txani, ngako ni txi ningela Jesu kwanu kani?” Vona va to m pimela magumi mararu a male ya silivela.

Johani 6:64

Kambe hagari kwanu vaho va, va si kholwiko.” Kha ditshuri, Jesu a txi tiziva kukhukhela makhatoni ti to mbamani ava va si kholwiko, ni ti to i mani wu a no mningela.