Matewu 10:30 - Bhiblia Yo Sawuleka

³⁰ Kasi anu, hambi ni misisi ya ha msungo kwanu yi batwe yotshe.

Matewu 10:30 Referans Kwoze

Luka 12:7

Hambi misisi ya msungo wanu, yi batwe yotshe. Mi nga thaveni txilo, anu mi pala sindili so tala.”

1 Samuwele 14:45

Kambe vathu va to kha vona ka Sawule: Ina Jonatani a na fa, ene wule a nga maha mthumo wa hombe wo hulukisa Israyeli kani? Ti nga maheke to nga eto. Hi xambanya ngu Mkoma a hanyako, u nga thuke u wisa hahatshi msisi ni wawumwewo dwe wa ha msungo kwakwe! Nguko Jonatani a mahile eto ni Txizimu nyamsi. Ngu kumaha keto, vathu va to hulukisa Jonatani, kasiku asi fi.

Mithumo 27:34

Na mi khongotela ti to mi dya sakudya, nguko ngu tona ti ti no mi hanyisa. Kha ku na mbi luzeka hambi i di msisi wumwewo wa ha msungo kwanu.”

Luka 21:18

Aniko kha ku na mbi lova hambi msisi wumwewo wa ha msungoni kwanu.

2 Samuwele 14:11

Se wamsikati a to khene: Ni kombela ti to awe mfumeli u alakanya Mkoma, Txizimu txako, kasiku vawukeli va mnoha va si engeteli dikhombo diya ngu kudaya mwanana wangu. Sekoko mfumeli a to khene: A na hanye Mkoma, hambi msisi wawumwewo wa mwanana wako kha wu na mbi wa hahatshi.

1 Vafumeli 1:52

Se Solomoni a to khene: Ngako i ti m'thu wamnene, hambi ni msisi wumwewo wakwe kha wu na mbi wa hahatshi; aniko, a txo manwa ni wubihi, a na fa.