Matewu 10:24 - Bhiblia Yo Sawuleka

²⁴ “Mgondiswa hi nga wa hombe kupinda m'gondisi wakwe, hambi txithumi hi nga txa hombe kupinda nyamne wa txona.

Matewu 10:24 Referans Kwoze

Johani 15:20

Khumbukani dipswi di ni nga mi gela, mbimo yi ni nga khani: ‘Txithumi hi nga txa hombe ka nyamne wa txona.’ Akuwa ani va nga ni xanisa, na nanu va na mi xanisa. Ngako va di veketile dipswi dangu, va na veketa ni danu.

Luka 6:40

M'gondi kha pindi m'gondisi wakwe, aniko m'gondi wuhi ni wuhi a nga gondiswa ta tinene, a na fana ni m'gondisi wakwe.”

Johani 13:16

Ngu ditshuri, ngu ditshuri na mi gela ku khani: Txithumi hi nga txa hombe ka mkoma wa txona; ni txirumwa hi nga txa hombe ka wule a nga txi ruma.

2 Samuwele 11:11

Se Uriya a to khene ka Dhavhidha: Dibhokiso, ni va ka Israyeli, ni va ka Judha, va zumba matendani; Jowabhi nyamne wangu, ni sithumi sa nyamne wangu va govile sitingani; ina ani ni nga wulela nyumbani kwangu, ni dya, ni sela, ni otela ni msikati wangu kani? Na xambanya kwako ni ka muhefemulo wako, kha ni na mbi yi maha eyo mhaka!

Matewu 10:25

Ta enela ka mgondiswa ku a txi dingana ni m'gondisi wakwe, ni ka txithumi ku txi txi dingana ni nyamne wa txona. Ngako va di dhani nyamne wa nyumba va txi i Bhelzebhule va ha mwayani kwakwe va na dhanwa ngu kupindisa.”