Matewu 10:23 - Bhiblia Yo Sawuleka

²³ Ngako va txi mi xanisa ka didhoropa dokari, thavelani ka dimwanyane. Nguko kha ditshuri ni khani kwanu: Mi sinzi kuheta kutsimbilatsimbila ka otshe madhoropa a ka Israyeli, Mwanana wa M'thu a na va a di bwakile.”

Matewu 10:23 Referans Kwoze

Matewu 16:28

Kha ditshuri ni khani kwanu: Hagari ka va va kuho hawa, vaho vamwani va no mbi fa, va sa thanga ngu kuwona kuta ka Mwanana wa M'thu Mfumoni kwakwe.”

Mithumo 17:10

Vanawe va to kuluveta ve teka Paulo ni Silasi ni wusiku, ve va tsutisa Bhereya. Ngako va di hokile koneyo, va to ya wulela disinagogani ka Vajudha.

Mithumo 8:1

Ka donedo ditshiku, ku to tumbuluka livengo la tshofu ya kuxanisa dibanza da Jerusalema: Votshe, hahanze ka Vapostoli, va to hangalaka ka matiko a Judheya ni Samariya.

Marku 13:26

Konaho mi na wona Mwanana wa M'thu na a txi ta a di marefuni, a di ni mtamo wa hombe ni wudhumo.

Luka 21:27

Konako se va na wona Mwanana wa M'thu a txi txhika a di marefuni, ni mtamo ni wudhumo wa hombe.

Luka 18:8

Na mi gela ti to Txizimu txi na kuluveta ku va lamulela. Kambe mbimo yi a no wuya Mwanana wa M'thu, ina a nata mana likholo ha mafuni, kani?”

Johani 7:1

Msana ka toneto, Jesu a ti tsimbilela Galileya, asi dhundi kutsimbilela Judheya, nguko Vajudha va txi lava ku m'daya.

Matewu 26:64

Jesu a to xamula a txi khene: “U wombile tona. Se nanani na mi gela tito, kukhukhela konkuwa, mi na wona Mwanana wa M'thu, a di khalahatshile txineneni ka Txizimu, Nyamne wa Mtamo wotshe, a txi ta ngu txitimwi ka marefu a nzumani.”

Matewu 24:30

Sekoko ku na woneka txikombiso txa Mwanana wa M'thu nzumani; se totshe tihunzu ta ha mafuni ti na dila, ngako ti txi wona Mwanana wa M'thu a txi ta a di txitimwi ka marefu a nzumani ni mtamo ni wudhundo wa hombe.

Mithumo 17:14

Konaho, vanawe va to kuluveta ve humisa Paulo ve mu yisa lineneni. Kambe Silasi ni Timoti va to sala.

Matewu 25:13

Ngu toneto, wonelelani, nguko ditshiku kha mi di zivi, hambi ni txikhati.”

Matewu 24:48

Aniko, ngako i di txithumi txo biha, atxiya txi wombako ngu mbilu tito: ‘Nyamne wangu wa swela’,

Matewu 24:27

Nguko kufana ni kukeluka ka nzuma ku wonekako kukhukhela wutxani kala mswa-ditambo ku na mahisa toneto kuta ka Mwanana wa M'thu.

Matewu 23:34

“Ngu konaho, na mi rumela vaprofeti, titxhari ni vabhali. Mi na daya vamwani kwawe mi va bethela ha txihambanoni, mi na kwapela vamwani masinagogani kwanu, mi na va xanisa va txi pepeseka ngu ka didhoropa ni didhoropa.

Matewu 4:12

Ngako Jesu a di engisile ti to Johani a khotetwe, a to khukha e tsula Galileya.

Matewu 2:13

Msana ka kuva ti di khukhile titxhari, Ngelozi ya Mkoma yi to woneka ngu miloro ka Josefa, yi txi mu gela tiya: “Khukha, teka mwanana ni mame wakwe, thava u txi ya Egipta. Inda ya zumba konakheyo kala nita kuzivisa, nguko Herodha a na lava mwanana wu kasiku e m'daya.”

Mithumo 20:1

Ngako yi di rengile vhilinganya, Paulo a to dhana vagondiswa, a txi va gela mapswi ova tsanisa. Msana keto, a to va satisa e teka nzila ya kuya Makedhoniya.

Jeremiya 26:21

Ene mfumeli Jehoyakimu, ni tindena takwe totshe, ni totshe tinduna, ngako va di pfite timhaka takwe, mfumeli a to xota ku m'daya. Aha a nga tipfa Uriya, a to thava, e pfodola eya Egipta.

Matewu 16:27

Nguko Mwanana wa M'thu a nata ni wudhumo wa Tate wakwe, kumweko ni tingelozi takwe, se a nata hakela mmwani ni mmwani kota nga ti a nga hanyisa tona.

Matewu 23:36

Kha ditshuri na mi gela ku khani: Sotshe siya si na welela lihunzu liya.”

Matewu 24:34

Kha ditshuri ni khani kwanu: Liveleko liya kha li na mbi pinda, na totshe tiya ti sa maheka.