Matewu 10:22 - Bhiblia Yo Sawuleka

²² Nananu mi na vengelwa ngu votshelele ngu mhaka ya ditina dangu. Aniko awu a no timisela kala magwito, ngene a no hanyiswa.

Matewu 10:22 Referans Kwoze

Matewu 24:13

Aniko awule a no zumba a di tsani kala magwito, a na hanyiswa.

Jakobe 1:12

A katekile m'thu wu a amukelako txiduko ngu kutimisela; nguko, a di gwitile kudukwa, a na amukela m'bhoti wa wutomi, awu Mkoma a nga wu thembisa ka vale va mrandako.

Mtuletelo 2:10

U nga telwe ngu dizowa ka tile ti no kuninga kupandiseka. Sathani a na beta mkorani vamwani kwanu, kasi ku mi duka. Mi na heta digumi da masiku na mi txi xaniseka. Zumba u di thembekile kala kufani, se ani ni na kuninga m'bhoti wa wutomi.

Marku 13:13

Mi na vengelwa ngu votshe ngu mhaka ya ditina dangu, aniko awu a timiselako kala magwito, ngene a no hulukiswa.”

Matewu 10:39

Awule a zamako kuxayisa wutomi wakwe a na luzekelwa ngu wona, ani wule a luzekelwako ngu wutomi wakwe ngu mhaka ya lirando ni nani, a na tshumela e wu mana.”

1 Johani 3:13

Mi nga xamaleni, vanathu, ngako ditiko di txi mi vengela.

Matewu 24:9

“Sekoko va na mi ningela kuxaniswani ni kudawani, mi na vengelwa ngu votshe vathu, ngu mhaka ya ditina dangu.

Varoma 2:7

Txi na ninga wutomi wo mbi na magwito, ava vo simama kumaha ta tinene, ngu kulava wudhumo ni lisima ni wutomi wo mbi guma, ngu kutimisela ka mithumo yo tshura;

Vahebheru 6:11

Kambe athu hi navela ti to mmweyo ni mmweyo kwanu e kombisa kukhutala konako kala magwito, kasiku txithembo txanu txi hetiseka.

Johani 17:14

Ni va ningile dipswi dako, se ditiko da va vengela, nguko hi nga va dona ditiko, nga ani ni ku si nga wa ditiko.

Vagalatiya 6:9

Hi nga rerekeni kuthuma ta tinene, nguko ngu mbimo ya kona, hi na elula, ngako hi txi timisela.

Luka 6:22

Mi katekile anu, ngako vathu va txi mi venga, va txi mi tovela, va txi mi ruketela, va txi nyenya ditina danu nga do va ni nduma yo biha, ngu mhaka ya Mwanana wa M'thu.

2 Vakorinto 4:11

Athu hi ku ngadi hi txi hanya, yotshe mbimo ha ningelwa kudawani, ngu mhaka ya lirando la Kristu, kasiku wutomi wakwe Jesu wu txi ti kombisa kambe ka mmidi wathu wu wu fako.

Matewu 5:11

Mi katekile, ngako va txi mi ruketela ni ku mi xanisa, ni ku mi hembela, ve mi lumbeta makuhu ngu mhaka yangu.

Mtuletelo 2:17

Awu a ku ni tinzeve a na engise atile Moya wu embelako Mabanza: Ka wule a xulako, ni na mu tsunulela mana yawa ma nga siwa, ni na mninga kambe dirigwanyana do basa, dirigwanyana di ka dona ku nga bhalwa ditina da diphya, adi di si ziwiko ngu m'thu, hahanze ka wule a di amukelako.”

Johani 7:7

Ditiko kha di na ku mi vengela, kambe ani da ni vengela, nguko na fakaza ti to mithumo ya dona yi bihile.

Luka 8:15

Ati ti nga wela ha mafuni ka kunene, ngu va va nga engisa Dipswi ngu mbilu ya yinene ni yo lulama, ve di xayisa, ve veleka mihando ngu kutimisela.”

Mtuletelo 3:21

Ka wu a xulako ni na mninga kateko yo khalahatsha kumweko ni nani ha txikhaloni kwangu ka wukoma, kufana ni nani ni nga xula, se ni nga khalahatsha kumweko ni Tate wangu ha txikhaloni kwakwe ka wukoma.

Mtuletelo 2:7

Awu a ku ni tinzeve a na engise ati Moya wu embelako Mabanza: Ka wu a no xula, ni na m'tumelela kudya mndonga wa wutomi, wu ku paradhiseni ka Txizimu.

Vahebheru 3:14

Nguko, hi vamwevo ni Kristu, ngako hi txi vekisa ngu kutsana kala magwito kuthemba kwathu, aku hi nga va nako kukhatani,

Mtuletelo 2:26

Ka wule a xulako, ka wule a no veketa mithumo yangu kala magwito, ni na mninga mtamo wa kufuma matiko,

Mithumo 9:16

Ani nipune ni na mu kombisa ti a fanelako kuxanisekisa tona ngu mhaka ya ditina dangu.”

Mtuletelo 2:3

U na ni kutimisela, nguko u tumete kuxaniseka ngu mhaka ya ditina dangu, aniko khwa rereka.

Mavingu 29:27

Muonhi njinyenyeko ka wule wo lulama, se nene wule wa tinzila ta tinene njinyenyeko ka muonhi.

Luka 21:17

Mi na vengelwa ngu votshe ngu mhaka ya ditina dangu.

Luka 21:19

Ngu kutimisela kwanu, mi na hanyisa mimoya yanu.