Matewu 10:2 - Bhiblia Yo Sawuleka

² Matina a Vapostoli va digumi ni vambidi ngu awa: Wo khata i Simoni, a dhanwako ku i Pedro, ni Andreya, mwanawe; Jakobe, mwanana wa Zebhedhewu, ni Johani, mwanawe;

Matewu 10:2 Referans Kwoze

Mithumo 1:13

Ku ti ngako va di hokile konaho, va to kwela veya ka nyumba yi ya txitimwi, ahawa ku nga ti zumba Pedro, ni Johani, ni Jakobe, ni Andreya, ni Filipi, ni Tomasi, ni Bhartolomewu, ni Matewu, ni Jakobe mwana Alfewu, ni Simoni Muzelote, ni Judha mwana Jakobe.

Matewu 4:21

Se a txi pinda a txi ya masoni, a to wona vamwani va mkoma ni mnanda kambe, Jakobe, mwanana wa Zebhedhewu, ni Johani mnanda wake, mu ka ngalava, va nga ti rungetela tikoka tawe, kumweko ni tate wawe Zebhedhewu. Se e va dhana.

Johani 12:22

Se Filipi a to ya gela Andreya, senikoko Andreya ni Filipi veya gela Jesu.

Johani 6:8

Se Andreya, mwanawe Simoni Pedro, mmweyo wa vagondiswa va Jesu, a to khene kwakwe:

Luka 5:10

A tetwe ngu kuthava nene Jakobe ni Johani, vanana va Zebhedhewu, i nga ti vakoki kulowe ni Simoni. Aniko Jesu a to gela Simoni a txi khene: “U nga thave. Kukhukhela ka nyamsi, u na va u di mkoki wa vathu.”

Matewu 4:18

Na a txi tsimbila ngu mabambe ka Linene la Galileya, a to wona vathu vambidi va mkoma ni mnanda, Simoni, a dhanwako ku i Pedro, ni Andreya mnanda wakwe, va nga ti beta tikoka lineneni, nguko i ti vakukuti va sihaka.

Luka 11:49

Ngu konaho, wuzivi wa Txizimu wu wombile, wu txi kha wona: ‘Ni na va rumela vaprofeti ni vapostoli, va na daya vamwani kwawe, ve xanisa vamwani.’

Mtuletelo 1:9

Ani, Johani, ani ni ku mwananu, na kambe ni ku mmweyo wanu, amu ka sixaniso, ni mu ka mfumo, ni mu ka kutimisela ditinani ka Jesu Kristu, ani ni ti Txitondoloni ka Patmosi ngu mhaka ya dipswi da Txizimu ni kufakazela Jesu.

2 Johani 1:1

Ani Didhota ni bhalela khosikazi yo sawulwa ngu Txizimu, ni vanana va yona, ava ni va randako, ngu ditshuri, hi nga ani nokha ni va randako, aniko ni votshe va va zivako ditshuri va va randa,

2 Pedro 1:1

Ani Simoni Pedro, txithumi ni mpostoli wa Jesu Kristu, ni bhalela vale va nga amukela likholo la lisima kufana ni lathu, ngu kululama ka Txizimu, ni Muhanyisi wathu Jesu Kristu.

1 Pedro 1:1

Ani Pedro, mpostoli wa Jesu Kristu, ka valuveli va va nga hangalaka matikoni ka Ponto, ni Galatiya, ni Kapadhokiya, ni Aziya ni Bhitiniya;

Vahebheru 3:1

Ngu toneto, vanathu va vakusawuleka, anu mi nga mana txihiwa txa kudhanwa ngu Txizimu: Alakanyani Jesu, mpostoli ni Mphaxeli wa Hombe wa kukholwa kwathu.

Vaefesu 4:11

Se ene ngene a nga ninga vamwani mthumo wa wupostoli, vamwani mthumo wa wuprofeti, vamwani mthumo wa wuvhangeli, vamwani mthumo wa wudyisi ni wugondisi,

1 Vakorinto 15:7

Msana keto, kambe a ti wonekisile ka Jakobe, se kugwita keto, a ti wonekisile ka votshe vapostoli.

Mithumo 12:2

Se a to daya Jakobe, mwanawe Johani, ngu ditxhari.

Mithumo 3:1

Pedro ni Johani va to kwela veya Dithepeleni kuya maha mkombelo ngu txikhati txa wuraru txa minova.

Mithumo 1:26

Konako va to xaxuva tixolo, se dikato di wela Matiyasi se kukhukhela konaho a to patwa kumweko ni vapostoli va digumi ni mmweyo.

Johani 21:24

Mgondiswa wuwa ngene a fakazako timhaka tiya, ngene kambe a nga ti bhala. Kambe ha tiziva ti to wufakazi wakwe mbwa ditshuri.

Johani 21:20

Pedro ngako a txi tshembereka, a to wona mgondiswa wu a randwako ngu Jesu, na a txi va londisa. I ti wule a nga txi tshikila hakhana kwakwe Jesu txilaleloni, a txi mu wotisa ku khene: “Mkoma, i mani wu a no kuningela kani?”

Johani 21:2

Va ti ka wukhalo wumwewo Simoni Pedro, Tomasi, awu a dhanwako ku i Dhidhimo, ni Nathaniyele, awule i nga ti wa Kana ka Galileya, kumweko ni vanana va Zebhedhewu ni vamwani vagondiswa vakwe va vambidi.

Johani 20:2

Se e tutuma a txi ya gela Pedro ni mmwani mgondiswa wu Jesu a nga ti m'dhunda, a txi khene kwawe: “Va thavisile Mkoma diyivani, se kha ni kuzivi amu va nga mu veka kona.”

Johani 13:23

Kambe mmwani wa vagondiswa vakwe, awuwa Jesu a mu randako, a ti khigetete hakhana ka Jesu.

Luka 22:14

Ngako txi di hokile txikhati, Jesu a to ya khalahatsha ha mezani kumweko ni Vapostoli.

Luka 22:8

Jesu a to ruma Pedro ni Johani, a txi va gela ku khene: “Tsulani mi txi ya longisela Pasika, kasiku hi na ya yi dya.”

Luka 9:10

Ku ti ngako vapostoli va di tshumete, va to ya gela Jesu totshe ti va nga ti maha, se ene a txi va teka eya navo, vona vokha, ka diphambo da didhoropa di di dhanwako ku i Bhetsayidha.

Marku 13:3

Ku ti ngako a di khate mmangoni ka Miolivha, na a di rendekelani ni Dithepele, Pedro ni Jakobe ni Johani ni Andreya, va to mu wotisa, va di vokha, va txi kha vona:

Marku 1:29

Mbimo yi Jesu a nga huma ngu disinagogani, a to tsula kumweko ni Jakobe ni Johani nyumbani ka Simoni ni Andreya.

Matewu 26:37

Ene a to teka Pedro ni vanana va vambidi va Zebhedhewu, se e khata kutelwa ngu dikhodho ni kukarateka ngutu.

Matewu 20:20

Sekoko, mame wa vanana wa Zebhedhewu, a to mtshuketela a di ni vanana vakwe, a txi mu khizamela, kasi kumaha txikombelo.

Matewu 17:1

Sekoko, ku di pindile mtxhanu wa masiku ni dimwedo, Jesu a to teka Pedro ni Jakobe ni Johani, mwanawe Jakobe, e tsula navo, vona vokha, ka mmango wo lapha.

Mtuletelo 22:8

Ani, Johani, ngani, ni nga tiengisa ni ku ti wona timhaka tiya. Ngako ni di engisile ni ku ti wona ni to wa hahatshi kasi kukhozela ngelozi yi nga ti ni kombile timhaketo.

Mtuletelo 1:1

Awuwa i Mtuletelo wa Jesu Kristu, awu Txizimu txi nga mninga, kasiku e kombisa ka sithumi sakwe ati ti fanelako kumaheka kunukunukuwa. Kristu a zivisile timhaka tiya ngu kurumela ngelozi yakwe ka txithumi txakwe Johani,

3 Johani 1:1

Ani Didhota ni bhalela Gayo wo randeka ngutu, awu ni mrandako ngu ditshuri.

Mtuletelo 18:20

Tsakani ngu mhaka ya dona didhoropa diya: “Awe nzuma ni nanu vasawuleki, vapostoli ni vaprofeti, nguko Txizimu, ngu ku di lamulisa tiya, txi mi lamulete.”

Marku 6:30

Se vapostoli va to ya tshangana masoni ka Jesu, va txi mu xawutela totshe ti va nga thuma ni ti va nga gondisa.

Johani 6:67

Sekoko Jesu a to womba ka va digumi ni vambidi, a txi khene: “Nananu mi lava kutsula, kani?”

Johani 6:70

Jesu a to xamula a txi khene: “Ina hi nga ani ni nga mi sawula, anu va Digumi ni Vambidi kani? Hambi keto mmweyo wanu i Sathani.”

Johani 6:71

A wombile tiya, a txi konama Judha, mwana Simoni Iskariyoti; nguko eneyo i ti ene a no mningela, ene mmweyo wa va Digumi ni Vambidi.