Matewu 10:1 - Bhiblia Yo Sawuleka

¹ Ngako a di dhani vagondiswa va digumi ni vambidi, Jesu a to va ninga mtamo wa kutovela mimoya ya nzambwa ni kuhanyisa vathu ka yotshe mitungu ni otshe malwati.

Matewu 10:1 Referans Kwoze

Luka 10:19

Wonani, ni mi ningile mtamo wa kukanda timamba, tihume, ni kuxula wotshe wurena wa Mlala, kuwalo txilo txi no sikota ku mi mahela to biha.

Luka 24:49

Wonani: Ani ni na ya mi rumela, txi ta kwanu, txithembiso txa Tate wangu. Kambe zumbani didhoropani kala kuza mi txi ambaliswa mtamo wa kuta ngu txitimwi.”

Mithumo 1:8

Aniko, mi na amukela mtamo wa Moya wo Sawuleka, wu no txhika txitimwi kwanu, se mi na va mi di tifakazi tangu ahawa Jerusalema ni ka dotshe ditiko da Judheya ni Samariya, kala magemeta-mitshi ka ditiko.”

Johani 3:27

Johani a to xamula a txi khene: “M'thu kha sikoti kumana txilo ni txa tximwetxo, ngako a sa ningwa ngu nzuma.

Luka 6:13

Ngako di di txite, a to dhana vagondiswa vakwe, se e sawula, hagari kwawe, Digumi ni Vambidi, ava a nga va raya ditina daku i Vapostoli.

Luka 21:15

nguko ani nipune ni na mi ninga mapswi a wuzivi, ayawa valala vanu va no mbi sikota ku ma xula, hambi ku ma kambula.

Mithumo 19:15

Kambe moya wo biha wu to angula, wu txi kha wona: “Jesu ani na m'ziva. Paulo nene na tiziva ti to i mani. Aniko anu mi vamani kani?”

Johani 17:2

nguko u mu ningile mtamo txitimwi ka votshe vathu, kasiku e ninga wutomi wo mbi guma ka votshe vale u nga mninga.

Johani 6:70

Jesu a to xamula a txi khene: “Ina hi nga ani ni nga mi sawula, anu va Digumi ni Vambidi kani? Hambi keto mmweyo wanu i Sathani.”

Johani 3:35

Tate wa randa Mwanana, a vekile sotshe manzani kwakwe.

Mtuletelo 12:1

Se ku to woneka nzumani txidiwukiso txa hombe: Wamsikati wa kuambala ditambo, ku di ni mtxima hahatshi ka mikondo yakwe; na a di ni m'bhoti wa digumi da tinyeleti ni timbidi ha msungo kwakwe.

Matewu 26:47

Ene a di ngadi a txi womba tiya, konaho ku to bwaka Judha, mmweyo wa va digumi ni vambidi, ni dibutho da hombe da vathu kumweko nayo, na va di ni matxhari ni migomba, va txi ta ngu kurumwa ngu vaphaxeli va hombe ni madhota a ditiko.

Matewu 26:20

Se ku di hokile minova, a to khalahatsha ha sakudyani ni vagondiswa vakwe va digumi ni vambidi.

Matewu 19:28

Jesu a to xamula a txi khene: “Kha ditshuri na mi gela ku khani: Ka mbimo ya kuwusetwa ka wuphya wa sotshe, ditshiku diya Mwanana wa M'thu a nota khalahatsha ha txikhaloni kwakwe ka wukoma wa kupfaliswa, na nanu, mi nga ni londisa, mi nata khalahatsha ka digumi da sikhalo sa wukoma ni simbidi, mi txi lamula tihunzu ta digumi ni timbidi ta ka Israyeli.

Matewu 6:13

U nga hi leke hi txi wa kudukwani, kambe hi thuse ka m'bihi.” [Ngukuva Mfumo mbwako, ni mtamo ni wudhumo kala kupinduka. Amen.]

Matewu 4:23

Msana keto, a to khata kutsimbila ka dotshe ditiko da Galileya, a txi gondisa masinagogani, e txhumayela mahungu a maphya a Mfumo, na a txi hanyisa vathu ka otshe malwati ni ka yotshe mipando.

Matewu 9:35

Jesu a txi tsimbilatsimbila sidhoropanani ni mikhokholani, a txi gondisa masinagogani, e txhumayela Evhangeli ya Mfumo, ni kuhanyisa vathu ka otshe malwati ni ka totshe tixaka ta mipando.

Matewu 9:38

Ngu kota yeto, kombelani ka Nyamne wa kuelula, ti to e rumela sithumi kuelulani kwakwe.”