Matewu 1:24 - Bhiblia Yo Sawuleka

²⁴ Mbimo yi Josefa a nga wuka ngu wukoheni a to maha nga ti Ngelozi ya Mkoma yi nga mu gelisa tona; a to teka msikati wakwe kasiku e zumba nayo.

Matewu 1:24 Referans Kwoze

Johani 15:14

Anu mi vangana vangu, ngako mi txi maha totshe ti ni mi rumako.

Eksodha 40:32

Yotshe mbimo yi va nga ti wulela ditendani ka msengeletano ni mbimo yi va nga ti tshuketa aha ka txiluvelo, va ti ti ni fanelo yo samba, nga tona ti Mkoma a nga leletisa tona ka Mosi.

Eksodha 40:27

se a to hisa ngu txitimwi dibaselo do bhumula, nga tonti Mkoma a nga leletisa tona ka Mosi.

Eksodha 40:25

se a to txhatxhameta malambu e ma turisa masoni ka Mkoma, nga tonti Mkoma a nga leletisa tona ka Mosi.

Eksodha 40:19

a to tshulela ngu ditenda da txitshulelo e sanzeka txifenengeto txitimwi ka kona, madingano ni ti Mkoma a nga mrumisa tona.

Eksodha 40:16

Mosi a to maha totsheto, madingano ni ti Mkoma a nga mleletisa tona.

Genesisi 7:5

Se Nowa a to maha totshe madingano ni ti Mkoma Txizimu a nga ti mleletete.

Genesisi 6:22

Nowa a to maha toneto; totshe ti Txizimu txi nga mruma tona, ene a ti mahile.

Matewu 1:23

“Wotuma a na mana txirumbu e veleka mwanana wa m'zambi, awu a no raywa ditina daku i Emanuweli, (Emanuweli, ati ti wombako ku ‘Txizimu txi na ni nathu.’ ”)

Matewu 1:25

Kambe kha nga za e zivana nayo, kala mbimo yi ene a nga veleka mwanana, awu a nga m'raya ditina daku i Jesu.

Mithumo 5:19

Kambe Ngelozi ya Mkoma yi to tula matimba mkorani ni wusiku, yi va humisa hahanze, yi txi kha yona:

Mithumo 12:7

Kunukunuko Ngelozi ya Mkoma yi to woneka, se kukhanya ku txi woninga nyumbani. Se ngelozi yi to gwesa Pedro, ha didhawa, yi mu wusa yi txi kha yona: “Kuluveta u txi khukha!” Se titxhini ti nje kuwa ngu manzani kwakwe.