Matewu 1:23 - Bhiblia Yo Sawuleka

²³ “Wotuma a na mana txirumbu e veleka mwanana wa m'zambi, awu a no raywa ditina daku i Emanuweli, (Emanuweli, ati ti wombako ku ‘Txizimu txi na ni nathu.’ ”)

Matewu 1:23 Referans Kwoze

Isaya 7:14

Ngu toneto, Mkoma apune, a na mi ninga txikombiso: Wonani taku, wotuma a na mana txirumbu e veleka mwanana wa m'zambi, se ditina dakwe i Emanuweli.

Masalmo 46:11

Mkoma wa Mabutho a Tiyimbi ana ni nathu Txizimu txa Jakobe ngu txona i ku wuthavelo wathu!

Johani 1:14

Dipswi di ti mahile m'thu, e aka hagari kwathu; hi wu woni wudhumo wakwe, wudhumo wu Tate a nga ninga Mwanana wakwe wa Mmweyo ekha, wo tala ngu makatekwa ni ditshuri.

Isaya 12:2

Wona taku, Txizimu i ku muhanyisi wangu, na txi themba, kambe kha ni na mbi thava txilo, nguko Mkoma Txizimu, ngene mtamo wangu, ni ndando yangu, se a mahile kuhanyisa kwangu.

Masalmo 46:7

Mkoma wa Mabutho a Tiyimbi ana ni nathu Txizimu txa Jakobe ngu txona i ku wuthavelo wathu.

1 Timoti 3:16

Na tsanisa ti to msisalo wa wukhongeli wathu mbwa hombe: “A wonekisilwe nga m'thu, a wombilwe wo lulama moyani, a wonwi ngu tingelozi, a nuwetwe hagari ka matiko, a tumetwe ha mafuni, a kwetisilwe txitimwi kudhumiswani.”

Matewu 28:20

mi txi va gondisa kuvekisa totshe tiya ni nga mi leleta tona. Se wonani, ni ni nanu yotshe mbimo, kala kugumani ka mafu.”

2 Timoti 4:22

Mkoma a nave ni moya wako! Kateko yi nave ni nanu motshenu!

Varoma 9:5

avava i ku lixaka la vakokwani vathu, avava hambi Kristu a nga velekelwa kwawe ngu ka wuthu, ene a ku txitimwi ka sotshe somaha, i ku Txizimu txi txi dhumiswako yotshe mbimo. Amen.

2 Vakorinto 5:19

Eto tikomba ti Txizimu txi mahisako tona kasi kutshanganisa ditiko kumweko natxo ngu Kristu, na txi si na mhaka ngu minandu ya vathu; se txi hi ningile mthumo wuwa wa kutshanganisa vathu kumweko natxo.

Mithumo 18:9

Se Mkoma e humelela ka Paulo ngu txiwoniso ni wusiku, a txi khene kwakwe: “U nga thave, womba-womba, u nga malale,

2 Timoti 4:17

Aniko Mkoma a ni emete, a txi ni tsanisa, kasiku dipswi di txi txhumayelwa ngu ngani, ngu kuhetiseka, ti to di txi mana kuengiswa ngu votshe vamatiko. Ani ni hulukisilwe ka txisofu txa ngonyamo.

Matewu 1:24

Mbimo yi Josefa a nga wuka ngu wukoheni a to maha nga ti Ngelozi ya Mkoma yi nga mu gelisa tona; a to teka msikati wakwe kasiku e zumba nayo.

Varoma 8:31

Hi na khathu txani ngu tona tiya kani? Ngako Txizimu txi di kumweko ni nathu, i mani a no hi wukela kani?

Luka 20:44

Se ngako Dhavhidha a txi m'dhana ku i Mkoma, a nga va ene i di Mwanakwe ngu txani kani?”