Matewu 1:21 - Bhiblia Yo Sawuleka

²¹ a na veleka mwanana wa m'zambi, awu u no m'raya ditina daku i Jesu, nguko Ene a na hanyisa ngamu yakwe ka sionho sawe.”

Matewu 1:21 Referans Kwoze

Mithumo 13:23

Ngu ka lihunzu lakwe Txizimu txi humisile Jesu, Muhanyisi wa vanana va ka Israyeli, nga ti txi nga ti thembisile tona.

Mithumo 4:12

Ku walo mmwani a sikotako kuhanyisa, kha di nga ho dimwani ditina, hahatshi ka nzuma, adiya vathu va nga ningwa, kasiku va txi hanyiswa ngu dona.”

Johani 1:29

Mangwanani ka kona, Johani a to wona Jesu, a nga txi ta kwakwe, se a txi khene: “Wonani Txinvutana txa Txizimu atxi txi kuwulako sionho sa ditiko.

1 Johani 3:5

Aniko anu ma tiziva ti to ene a ti wonekisile kasi ku ta thavisa sionho; kambe kwakwe kuwalo txionho.

Luka 2:21

Ngako ma di tshangani mtxhanu wa masiku ni mararu, kasiku Mwanana e yiswa wukwerani, va to m'raya ditina daku i Jesu, di nga wombwa ngu ngelozi na ene a sanzi kuva kona mndani ka mame wakwe.

Mithumo 5:31

Txizimu txi mu guletile ngu dianza da txona da txinene txi txi mu maha Mkoma ni Muhanyisi, kasi ku ta tulela Israyeli nzila ya kuhunduluka, ni kudivalelwa ka sionho.

Luka 1:31

U na mana txirumbu, u txi veleka Mwanana wa m'zambi, awu u no m'raya ditina daku i Jesu;

Titosi 2:14

Ene a ti ningete ngu mhaka yathu, kufela ku hi tirula ka wotshe wubihi, kasiku ene e ti basisela ngamu yi yi no va i di yakwe, ayi yi khutalako amu ka mithumo ya yinene.

Luka 2:11

Nyamsi, didhoropani ka Dhavhidha, a velekilwe Muhanyisi, awu i ku Kristu Mkoma.

1 Johani 1:7

Aniko, ngako hi txi tsimbilela liwoningoni, nga txona txi ku liwoningoni, hi vamwevo ngu txathu, se mnoha wa Jesu, Mwanana wa txona wa hi basisa ka sotshe sionho.

Zakariya 9:9

Tsaka ngutu awe muhorana wa Siyoni; kulungela awe Jerusalema; wona taku mfumeli wako a nata kwako, wo lulama kambe Muhanyisi; wa txisiwana, a di gadhile mbongola, txitimwi ka tximbongolana, mwanana wa mbongola.

Mithumo 3:26

Txizimu txi khatile ngu nganu ku mi wuyisela Txithumi txa txona Jesu, txi m'rumela ku ta mi katekisa, kasiku mi hunduluka, mmwani ni mmwani kubihani kwakwe.”

Mtuletelo 7:14

Ani ni to angula ni txi khani: “Mkoma wangu, awe ngawe u ti zivako.” Se ene a ti khene: “Avava, ngu va va tako ngu kuxanisekani ka hombe; va nga kuwula syambalo sawe, ve si basisa ngu mnoha wa Txinvutana.

Vahebheru 7:25

Ngu kota yeto, ene wa sikota kuhanyisa, ka mbimo yihi ni yihi, votshe vale va tshuketelako ngu ngene ka Txizimu, nguko ene wa hanya yotshe mbimo kufela ku va kombelela.

Dhaniyeli 9:24

Mtxhanu wa magumi ni mambidi a mavhiki ma emisetwe txitimwi ka vathu vako ni txitimwi ka didhoropa dako do sawuleka, kasi kufuvisa wuhambunyeti ni kuheta sionho, ni kubasisa wubihi, ni kutisa kululama ko mbi na magwito, ni kutsanisa txiwoniso ni txiprofeto, ni kutota Msawuleki wa vasawuleki.

Jeremiya 23:6

Judha a na hanyiswa ka masikuyo akwe, ni Israyeli a na zumba ngu kuthutha. Ndide ditina dakwe di a no dhanwa ngu dona: “Mkoma ngene kululama kwangu.”

Genesisi 18:10

Mmweyo wawe a to khene: “Ni na wuya kambe kwako dilembe di di tako, ngu yona yiya mbimo, se msikati wako Sara a na va a di ni mwanana wa dizambi.” Sara a ti ti engisela a di ha txikeni ka ditenda, ngu msana ka Abrahamu.

Luka 1:13

Aniko ngelozi yi m'gete, yi txi kha yona: “U nga thave, Zakariya, mkombelo wako wu engisilwe. Izabheli msikati wako, a na kuvelekela mwanana wa m'zambi, awu u no m'raya ditina da Johani.

Jeremiya 33:16

Judha a na hanyiswa kayo masiku, ni Jerusalema a na zumba ngu kuthutha. Va na m'dhana ngu ditina do kha vona, Mkoma ngene kululama kwathu.

Genesisi 17:19

Txizimu txi to mxamula txi txi kha tona: “Ahim-him msikati wako Sara ngene a no kuvelekela mwanana wa mfana, se awe u na mraya ditina daku i Isaake, ni na emisa Txitumelelano nayo, atxi txi no va Txitumelelano txo mbi guma, kasiku ni va Txizimu txakwe, ni txa lotshe liveleko lakwe, msana kwakwe.”

Genesisi 17:21

Aniko Txitumelelano txangu ni na txi maha ni Isaake, awu a no velekwa ngu Sara dilembe di di tako, ka yona yiya mbimo.

Valamuli 13:3

Se Ngelozi ya Mkoma yi to ti wonekisa ka wu wa wamsikati, yi txi m'gela tiya: “Wona taku u txi fule, khu khali ku va ni vanana; aniko, u na mana txirumbu u txi veleka mwanana wa mfana.”

1 Samuwele 1:20

Se ku to maheka taku, ku di pindile mbimo yokari, Ana a to mana txirumbu, e veleka mwanana wa mfana, e mraya ditina daku i Samuwele, nguko ene a ti ti khene: Ni mkombete ka Mkoma.

Matewu 1:25

Kambe kha nga za e zivana nayo, kala mbimo yi ene a nga veleka mwanana, awu a nga m'raya ditina daku i Jesu.

Johani 4:42

Se va to womba ka wule wamsikati va txi kha vona: “Se athu hi nga ngadi i di mapswi ako, ma hi ningako kukholwa, aniko ngathu hipune hi ti engisako ni ku tiziva ti to Ene ngene Muhanyisi wa Ditiko.”