Matewu 1:20 - Bhiblia Yo Sawuleka

²⁰ Na a di pimisile toneto, ha wukoheni a to lora a txi wona Ngelozi ya Mkoma yi nga mu gela tiya: “Josefa, mwanana wa Dhavhidha, u nga thave kutekana ni Mariya, kasi kuva msikati wako, nguko txirumbu txi a ku natxo, txi ta ngu ka Moya wo Sawuleka;

Matewu 1:20 Referans Kwoze

Luka 1:19

Ngelozi yi xamute yi txi kha yona: “Ani ngani Gabriyele, wule a emako masoni ka Txizimu, ni rumetwe ku ta womba-womba ni nawe ni ku ta ku xawutela mahungu awa amanene.

Matewu 1:18

Kuvelekwa ka Jesu Kristu ku mahisile tiya: Mariya, Mame wakwe, a manekile a di thembisilwe ngu Josefa; se va sinzi kutekana, a manekile a di ni txirumbu ngu mtamo wa Moya wo Sawuleka.

Matewu 2:19

Mbimo yi Herodha a nga fa, Ngelozi ya Mkoma yi to woneka ngu miloro ka Josefa, kona ditikoni ka Egipta, yi txi mu gela tiya:

Joyeli 2:28

Se ku na maheka taku, ni tshakunuta Moya wangu txitimwi ka nyama yotshe, se vanana vanu va majaha ni vamahorana va na phorofeta, sikosana sanu si na va ni miloro, vavaphya vanu va na va ni siwoniso.

Luka 2:4

Josefa nene a to khukha ngu Galileya, ka didhoropa da Nazareta, e kwela eya Judheya, ka didhoropa da Dhavhidha, di dhanwako ku i Bhetlehema, nguko i nga ti wa nyumba ya lixaka la Dhavhidha;

Matewu 28:5

Aniko ngelozi yi to womba ka vavasikati, yi txi kha yona: “Mi nga thaveni txilo, na tiziva ti to mi lava Jesu, awuwa a nga ti bethetwe ha txihambanoni.

Isaya 26:3

Awe u na xayisa ngu kudikha awule mapimo akwe ma nga tsana kwako; nguko ene wa kuthemba.

Valamuli 13:3

Se Ngelozi ya Mkoma yi to ti wonekisa ka wu wa wamsikati, yi txi m'gela tiya: “Wona taku u txi fule, khu khali ku va ni vanana; aniko, u na mana txirumbu u txi veleka mwanana wa mfana.”

Genesisi 31:11

Ngelozi ya Txizimu yi ni gete ngu mloro yi txi kha yona: “Jakobe!” Se ani ni xamute ni txi khani: “Ni ho hawa!”

Matewu 2:22

Aniko mbimo yi a nga engisa ti to Arkelawu ngene a fumako Judheya, kutsiveta tate wakwe Herodha, Josefa a to kana-kana kuwuya. Se a di zivisilwe ngu miloro, a to khukha a txi ya ditikoni ka Galileya;

Masalmo 143:8

Ni ninge kupfa wumbilu wako ni mixo, nguko ani ni themba awe. Ni kombe nzila yi ni fanelako kutsimbila ngu yona; nguko ni guleta moya wangu kwako.

Masalmo 119:125

Ani ni txithumi txako. Ni he mapimo, nguko ni lava ku engisisa sileleto sako.

Masalmo 94:19

Hagari ka sikarato si si nga ni talela mapimoni kwangu, awe u ni khongotete, ni txi mana kutsaka.

Matewu 2:13

Msana ka kuva ti di khukhile titxhari, Ngelozi ya Mkoma yi to woneka ngu miloro ka Josefa, yi txi mu gela tiya: “Khukha, teka mwanana ni mame wakwe, thava u txi ya Egipta. Inda ya zumba konakheyo kala nita kuzivisa, nguko Herodha a na lava mwanana wu kasiku e m'daya.”

Jeremiya 33:26

ni na leka liveleko la Jakobe ni la Dhavhidha txithumi txangu, ti taku ni si dhuki ni teka hagari ka vanana vakwe awu a no fumela liveleko la Abrahama, Isaake ni Jakobe, nguko ni na wuyisa va vo ñolwa vawe ni txi va hawukela.

Isaya 30:21

Se tinzeve tako ti na engisa dipswi msana kwako, di txi kha dona: Nzila ngu yona yi; tsimbilani ka yona, mi nga jikeni miya txinene mwendo txibhabha.

Mavingu 12:5

Malakanyo a m'thu wo lulama manene, aniko sileleto sa muonhi nzo kanganyisa.

1 Vafumeli 17:13

Se Elija a to khene: U nga thave; tsula u ya maha tona ti u nga womba; hambiketo, khata ngu ku ni mahela txibhubhutela txatxidotho uta natxo hahanze; ngu msana u na maha txako ni txa mwanana wako.

Jeremiya 40:9

Gedhaliya, mwana Ahikamu, wa Xafani, a to xambanya ka vona ni ka vathu vawe, a txi khene: “Mi nga thaveni kuthumela Vakaldheya! Zumbani mu ditikoni, mi thumela mfumeli wa Bhabhilona, mi na zumbiseka kha kwati.

Jeremiya 31:22

U na peperukela kala yihi mbimo mwananawe, wo bharuka kani? Nguko Mkoma a vangile tximaha txa txiphya ha mafuni: Wamsikati a na vhikela wamwamna.

Isaya 51:7

Ni engiseni anu mi zivako wululamo, anu vathunu mlayo wangu wu ku timbiluni kwanu; mi nga thaveni kutseketselwa ngu vathu, hambi kukarateka ngu siruko sawe.

Mitengo 12:6

Se a txi khene: “Konkuwa engisani mapswi angu; ngako ku ti ni mprofeti, ani Mkoma, ni na ti wonekisa kwakwe ngu txiwoniso, ni womba-womba nayo ngu mloro.

Genesisi 46:3

Txizimu txi to kha txona: “Ani ngani Txizimu txa tate wako. U nga thave kutsula Egipta, nguko koneyo ani ni na ya tumbulukisa mfumo wa hombe ngu ngawe.

Isaya 7:2

Se va to gela va nyumba ya ka Dhavhidha, va txi kha vona: Siriya a mahile txitumelelano ni Efrayime. Sekoko, mbilu ya Akazi ni timbilu ta vathu vakwe ti to dhudhumela, va txi nga mindonga ya txitinga, yi txi zinginiswa ngu moya.

Isaya 7:13

Sekoko Isaya a to khene: Engisani konkuwa, anu va nyumba ya ka Dhavhidha! I mhaka yayidotho yo xanisa vathu, koza mi lava ni kuxanisa Txizimu txangu kani?

1 Vafumeli 3:5

Kona Gibheyoni, Mkoma a to woneka ka Solomoni ngu miloro ni wusiku, se Txizimu txi nje kha txona: “Kombela txi u txi lavako ku ni txi kuninga.”

Matewu 2:12

Ngako va di zivisilwe ngu mu ka miloro, ti to va si pindi ngu ka Herodha, va to tshumela ngu yimwani nzila ve tsula ditikoni kwawe.

Matewu 27:19

Na ene a di khalahatshile ha txikhaloni ka kulamula, msikati wakwe a to rumela kuya mu gela tiya: “U nga thuke u txi ti wuleta ka mhaka ya m'thu wuwa wo lulama, nguko ni pandisekile ngutu hamnova ngu miloro ngu mhaka yakwe.”

Mithumo 5:19

Kambe Ngelozi ya Mkoma yi to tula matimba mkorani ni wusiku, yi va humisa hahanze, yi txi kha yona:

Mtuletelo 19:7

He nengeleni hi txi tsaka ngutu, hi txi pfalisa Txizimu, nguko yi hokile mbimo ya ntxhadho wa Txinvutana. Txiwutwa txa Txinvutana, txi ti lulamisete: