Matewu 1:19 - Bhiblia Yo Sawuleka

¹⁹ Aniko Josefa, mwamna wakwe, ngako i nga ti m'thu wo lulama, asi ti lavi ku mu bhumisa phungo yo biha, a to alakanya ku mu leka, na ti si ziwi.

Matewu 1:19 Referans Kwoze

Luka 2:25

A ti ti ho m'thu Jerusalema a nga txi dhanwa ku i Simiyoni. Ene i ti wa kululama ni kutiningetela ka wukhongeli. Ene a ti ti rinzela kuthavelelwa ka Israweli, se Moya wo Sawuleka wu ti ti ni nene.

Marku 6:20

Nguko Herodha a ti thava Johani, ngu kuziva ti to ene i m'thu wo lulama ni wo sawuleka, kambe a ti ti mu vhikela. Mbimo yi a nga txi mu engisa, a ti thelwa mphume, aniko a ti mu engisa ngu kutsaka.

Levhi 20:10

Nene wamwamna wule a mahako wugango ni msikati wa vane, a txi maha wugango ni msikati wa mwakelani wakwe, wamwamna ni wamsikati, avale va nga maha wugango, ngu ditshuri vona ngu wumbidi wawe va na dawa.

Genesisi 38:24

Ngu msana ka mitxima yiraru, Judha a to ya gelwa ngu vathu va txi kha vona: “Tamari maane wako, ana ni txirumbu, a nga maha wugelegele, e txi mana ka wona wugelegelewo.” Sekoko Judha a to khene: “M'humiseni hahanze, kasiku e hiswa!”

Marku 10:4

Vona va ti kha vona: “Mosi a hi tumelete kubhala dipasi da kuhambana ni msikati ni ku mu tovela.”

Levhi 19:20

Ngako wamwamna wokari a txi otela ni wamsikati wu i ku khumbi, i di txikaba txa mmwani wamwamna, wamsikatiyo kha na mbi tirulwa hambi kutxhatxhiswa, ngu wumbidi wawe va na tsayiswa, aniko kha va na mbi dawa, nguko wamsikati a ti sinzi kutxhatxhiswa.

Genesisi 6:9

Ayiya i xawutelo ya liveleko la Nowa. Nowa i ti m'thu wamnene, i ti wa ditshuri hagari ka vathu va mbimo yakwe, kambe a ti ti tsimbila kumweko ni Txizimu yotshe mbimo.

Mithumo 10:22

Vona va to xamula, va txi kha vona: “Korneliyo, mthangeli wa dizana, awu i ku wamwamna wo lulama, a di ni txithavo ka Txizimu, awu a dhumiswako ngu dotshe ditiko da Judha, a leletilwe ngu ngelozi ya kusawuleka ya Txizimu, ku ta kudhana u ya m'tini kwakwe, kasi kuya engisa ti u no ya mu gela tona.”

Dhewuteronome 22:20

Kambe ngako mhakeyo i ti ditshuri, ku si maneki txikombiso txa wumbiri ka wule wa dihorana,

Mithumo 27:39

Ngako di di txite, vatxungeli va to timelelwa ngu ditiko di va nga ti ka dona; va to wona disonga di nga ti ni mtxhefa, se ve pimisa kususumetela koneyo txitimela, ngako ti txi koteka.

2 Vakorinto 1:15

Ngu mhaka ya kuthemba kuwa, ni lavile kuthanga ngu nganu ni txi mi tela, kasiku mi ta amukela kateko ka wumbidi.