Matewu 1:18 - Bhiblia Yo Sawuleka

¹⁸ Kuvelekwa ka Jesu Kristu ku mahisile tiya: Mariya, Mame wakwe, a manekile a di thembisilwe ngu Josefa; se va sinzi kutekana, a manekile a di ni txirumbu ngu mtamo wa Moya wo Sawuleka.

Matewu 1:18 Referans Kwoze

Jobe 14:4

(I mani wa wubihi waku a nga humisa so tshura kani? Lambi ni wammweyo!)

Vahebheru 10:5

Ngu toneto, mbimo yi a nga wulela mu ditikoni, Kristu a ti khene: “Timhamba ni miningelo kha sa kutsakisa, aniko u ni lulamisete mmidi.

Genesisi 3:15

Se ni na veka livengo hagari kwako ni wamsikati, hagari ka liveleko lako ni liveleko lakwe; aliya li no ku ganyata msungo, se awe u txi li luma txizenende.”

Vahebheru 7:26

Kha ditshuri, ngene mphaxeli wa hombe wu a hi fanelako: Wa kusawuleka, a si nga ni mnandu, wa kubasa mbilu, wa kuhambana ni vaonhi, wa kuguletwa txitimwi ka tinzuma.

Jobe 15:14

Njitxani m'thu, konaza eva a di sawulekile kani? Ni ti taku awule a velekwako ngu wamsikati, eva wo lulama kani?

Luka 1:25

A txi khene: “Ati ngu tiya Mkoma a nga ni mahela tona ka masiku awa ene a nga ni wona kasi ku ni thavisa tingana, hagari ka vathu.”

Matewu 1:1

Dibhuku da liveleko la Jesu Kristu, Mwanana wa Dhavhidha, Mwanana wa Abrahamu.

Dhewuteronome 22:23

Ngako dihorana da mbiri di di wutilwe ngu dijaha dokari, se dimwani dijaha di txi manana nayo wule wa dihorana amu didhoropani, di txi otela nayo,

Matewu 2:11

Se va di wulete nyumbani, va mani mwanana ni mame wakwe Mariya, se va to khizama, ve mu khozela; va di tute mikwama yawe va to mluva ngu nzalama ni dibaselo ni mira.

Matewu 12:46

Mbimo yi ene a nga ti womba-womba ka dibutho, mame wakwe Jesu ni vanawe va to ema ngu hahanze, va txi lava kuwombawomba nayo.

Luka 2:5

Kasi kuya ti bhalisa kumweko ni Mariya, msikati wakwe, awu a nga ti ni txirumbu.