Matewu 1:12 - Bhiblia Yo Sawuleka

¹² Msana ka kupayulwa ve yiswa Bhabhilona, Jekoniya a to veleka Salatiyeli, Salatiyeli a to veleka Zorobhabheli,

Matewu 1:12 Referans Kwoze

1 Makronika 3:17

Se vanana va Jekoniya ngu vava: Asiri ni mwanakwe Seyalitiyeli.

Ezra 3:2

Se Jesuwa mwana Jezadhake, ni vanawe, ni vaphaxeli, ni Zorobhabheli, mwana Sealtiyeli, ni vanawe, va to aka txiluvelo txa Txizimu txa Israyeli, txo ningelela kona miphaxo, nga tile ti nga bhalwa Mlayoni ka Mosi, m'thu wa Txizimu.

Luka 3:27

mwana Jowanani, mwana Resa, mwana Zorobhabheli, mwana Salatieli, mwana Neri,

Hagayi 1:14

Se Mkoma a to wusa moya wa Zorobhabheli, mwana Salatiyeli, mthangeli wa Judha, ni moya wa Joxuwa, mwana Jozadhake, mphaxeli wa hombe, ni moya wa votshe vathu vale va nga huluka, se va to ta thuma Nyumbani ka Mkoma wa Mabutho a Tiyimbi, Txizimu txawe,

Hagayi 2:23

Ka ditshiku dile kuwomba Mkoma wa Mabutho a Tiyimbi, ni na kuteka awe Zorobhabheli, mwana Salatiyeli, txithumi txangu, kuwomba Mkoma, kambe ni kumaha u txi fanana ni phera yo tsanisa ngu yona; nguko ni kusawute, kuwomba Mkoma wa Mabutho a Tiyimbi.

Hagayi 2:2

Womba konkuwa ka Zorobhabheli, mwana Salatiyeli, mthangeli wa ka Judha, ni ka Joxuwa, mwana Jozadhake, mphaxeli wa hombe, ni ka vathu vale va nga sala, u txi khawe:

Hagayi 1:12

Sekoko Zorobhabheli, mwana Salatiyeli, a to engisa, kumweko ni Joxuwa, mwana Jozadhake, mphaxeli wa hombe, ni votshe vathu vale va nga huluka, dipswi da Mkoma Txizimu txawe, ni mapswi a mprofeti Hagayi, nga tile Mkoma Txizimu txawe, a nga ti mrumisile tona; se vathu va to thava masoni ka Mkoma.

Hagayi 1:1

Ka dilembe da wumbidi da mfumeli Dhariyo, ka mtxima wa wutxhanu ni wumwewo, ka ditshiku do khata da mtxima, kutile dipswi da Mkoma ngu ka mprofeti Hagayi, ka Zorobhabheli, mwana Salatiyeli, mthangeli wa Judha, ni ka Joxuwa, mwana Jozadhake, mphaxeli wa hombe, di txi kha dona:

Jeremiya 22:28

Ina m'thu wuwa Jokoniya njiya txo fayeka ni kunyenywa, a txi txi si vhuniko txilo kani? Kasi a leketwe txani ni vanana vakwe va txi ya tshotshwa ka ditiko va si di ziviko kani?

Jeremiya 22:24

Nga ku ni hanyako, kuwomba Mkoma, i ti ku Jowakimi, mwana Jehoyakimu, mfumeli wa ka Judha, i ti kova ringi ya dianza dangu da txinene, nga ni di mkodote konaho.

Nehemiya 12:1

Avava mbaphaxeli ni Valevhi va va nga wuya ni Zorobhabheli, mwana Selatiyeli, ni Jesuwa: Seraya, Jeremiya, Ezra,

Ezra 5:2

Sekoko ku to khukha Zorobhabheli mwana Salatiyeli, ni Jesuwa, mwana Jozadhake, ve khata kuaka Nyumba ya Txizimu, txi txi zumbako Jerusalema; va ti ti vhunwa ngu vaprofeti va Txizimu.

2 Vafumeli 25:27

Msana keto, ku to maheka tito, ka dilembe da magumi mararu ni mtxhanu wa malembe ni mambidi, a wukhumbi wa Jowakimu, mfumeli wa ka Judha, ka mtxima wa digumi ni yimbidi, ngu ditshiku da magumi mambidi ni mtxhanu wa masiku ni mambidi, Evhili-Merodhaki, mfumeli wa Bhabhilona, ka dilembe dile a nga fuma ngu dona, a to txhatxhisa Jowakimi, mfumeli wa ka Judha, nyumbani ka kukhotelwa.

2 Vafumeli 24:14

Nabhukodhonozori a to teka votshe va Jerusalema, kumweko ni votshe vathangeli, ni votshe vavamna va lisima, 10.000 wa tikhumbi, ni votshe vavati ni vanyatisimbi; ku to sala sisiwana dwe ditikoni mule.

Jeremiya 22:30

Mkoma a khene: “Dhanani ditina da m'thu wuwa ti taku kha nga ni vanana, kha na mbi mana kuhumelela kuhanyani kwakwe, nguko kha ku na mbi humelela ni mmweyo wa vanana vakwe, ti taku e ningwa kuzumba txikhaloni ka mfumo wa Dhavhidha, e fumela Judha.”

Jeremiya 27:20

asile Nebhukodhonosori, mfumeli wa Bhabhuilona, a nga mbi si teka, ngako a di ñote Jokoniya, mwana Jehoyakimu, mfumeli wa ka Judha, ngu Jerusalema a txi mu yisa Bhabhilona, ni sotshe sitetema sa ka Judha, ni Jerusalema.

Matewu 1:11

Josiya a to veleka Jekoniya ni vananda vakwe, mbimo yi va ka Israyeli va nga payulwa ve yiswa Bhabhilona.

Matewu 1:13

Zorobhabheli a to veleka Abhiyudhe, Abhiyudhe a to veleka Eliyakimu, Eliyakimu a to veleka Azori,

Matewu 1:17

Ngu toneto, kukhukhela ka Abrahamu kala ka Dhavhidha, ndigumi da tiveleko ni mune. Se kukhukhela ka Dhavhidha kala ka mbimo ya kupayulwa ve yiswa Bhabhilona, ndigumi da tiveleko ni mune. Kukhukhela kupayulwani ka kuyiswa Bhabhilona kala ka Kristu, ndigumi da tiveleko ni mune.