Matewu 1:10 - Bhiblia Yo Sawuleka

¹⁰ Ezekhiya a to veleka Manasi, Manasi a to veleka Amoni, Amoni a to veleka Josiya,

Matewu 1:10 Referans Kwoze

2 Makronika 32:33

Ezekhiya a to otela ni vatate vakwe, eya tshotshwa ka mathitha a txitimwi a vanana va ka Dhavhidha. Vathu votshe va ditiko da Judha ni vahanyi va Jerusalema va to mudila kufani kwakwe, se mwanakwe Manasi a to fuma ka wukhalo wakwe.

2 Vafumeli 20:21

Se Ezekhiya a to otela ka vatate vakwe; se mwanana wa kona Manasi, a to fuma ka wukhalo wakwe.

1 Vafumeli 13:2

Se a to ruketela txiluvelo ngu dipswi da Mkoma, a txi khene: Awe txiluvelo! Awe txiluvelo! Mkoma a womba tiya: Wona ti to ku na velekwa dizambi ka nyumba ya Dhavhidha, ditina dakwe i nava Josiya, awule a no ningela kwako vaphaxeli va wukholo ko guleka avale va hisako dibaselo, ni marambu a vathu ma hiswa txitimwi kwako.

Matewu 1:9

Uziya a to veleka Jothamu, Jothamu a to veleka Akazi, Akazi a to veleka Ezekhiya,

Matewu 1:11

Josiya a to veleka Jekoniya ni vananda vakwe, mbimo yi va ka Israyeli va nga payulwa ve yiswa Bhabhilona.