Masalmo 99:9 - Bhiblia Yo Sawuleka

⁹ Dhumisani Mkoma, Txizimu txathu; mu khizameleni mmangoni kwakwe ko sawuleka! Nguko Mkoma, Txizimu txathu, a sawulekile!

Masalmo 99:9 Referans Kwoze

Luka 1:49

Nguko Nyamitamo a mahile kwangu timhaka ta hombe; ditina dakwe di sawulekile.

Isaya 57:15

Nguko a womba tona eto Nyatxitimwi, wa Kuthaviseka, a zumbako kupindukani, eyo ditina dakwe i ku Kusawuleka: Ni zumba ka wukhalo wo guleka ni kusawuleka, kumweko ni kuxaniseka, ni kukarateka moyani, kasi kuwusa moya wa vale vo karateka, ni kuwusa timbilu ta vaxaniseki.

Isaya 5:16

Aniko Mkoma wa Mabutho a Tiyimbi a na guletwa ngu kululama, se Txizimu txo Sawuleka, txi na sawulekiswa ngu wululamo.

Mtuletelo 4:8

Sivangwa siya sa mune, tximwani ni tximwani txi ti ni mtxhanu wa mabhapi ni dimwedo, na si di tate ngu maso, otshe makhalo, mndani ni hahanze. Se wusiku ni mitshikari, sivangwa sile sa embelela si si malali, si txi kha sona: “Msawuleki, msawuleki, msawuleki! Mkoma Txizimu txa mtamo wotshe. Awule a nga ti ho, Awule a kuho ni wule a tako.”

Masalmo 2:6

“Ngani ni nga fumisa mfumeli wangu txitimwi ka wukhalo wangu wo sawuleka, mmango wangu wa Siyoni.”

1 Samuwele 2:2

Kha ku na wo sawuleka kufana ni Mkoma; nguko kuwalo mmwani hahanze kwako; kha ku na dirigwi ni da dimwedo do fana ni Txizimu txathu.

Habhakuki 1:12

Ina hi nga awe yotshe mbimo Mkoma, Txizimu txangu, ni Msawuleki wangu kani? Athu kha hi na mbi fa. Awe Mkoma, u m'vekete kumaha mlamuli, kambe awe Dirigwi, u mmahile makhato a txi tsayiso.

Isaya 6:3

Se ma txi kwangula dimwedo ka dimwani, ma txi kha ona: Msawuleki, Msawuleki, Msawuleki ngene Mkoma wa Mabutho a Tiyimbi; Otshe mafu ma tate ngu wudhumo wakwe.

Masalmo 99:5

Dhumisani Mkoma, Txizimu txathu; khizamani masoni ka txikhalo txakwe txa wukoma. Nguko Mkoma a Sawulekile!

Masalmo 99:3

Di na dhumiswe ditina da hombe da kuthisa, nguko dona di sawulekile.

Mtuletelo 3:7

Ka ngelozi ya Dibanza da Filadhelfiya, bhala u txi khawe: “A womba tiya msawuleki, awu wa Ditshuri, awu a ku ni khiya ya Dhavhidha, awu a tulako, ku si maneki ni wammweyo wo seka, awu a sekako, ku si maneki ni wammweyo wo tula.

Masalmo 132:7

A hi wuleleni nyumbani ko sawuleka ka Mkoma! A hi khizameni masoni ka txikhalo txakwe txa wukoma!