Masalmo 99:8 - Bhiblia Yo Sawuleka

⁸ Awe Mkoma, Txizimu txathu, u va xamute! Kwawe u ti wonekisile kota Txizimu txi txi divalelako vathu, hambiko u nga si leki ku va tsayisa ngu sionho sawe.

Masalmo 99:8 Referans Kwoze

Mitengo 20:12

Se Mkoma a to khene ka Mosi ni ka Aroni: Ta woneka ti to kha mi kholwi kwangu; kha mi ni sawulekisi ta tinene ka vanana va ka Israyeli. Lambi, anu kha mi na mbi wu hokisa awu msengeletano ka ditiko di ni nga va ninga dona.

Masalmo 89:33

Aniko kha ni na mbi leka kuranda Dhavhidha, kha ni na mbi leka kumaha sithembiso sangu kwakwe.

Jeremiya 46:28

U nga thave, awe txithumi txangu Jakobe, kuwomba Mkoma, nguko ni ni nawe; nguko ni na heta otshe matiko ale ni nga kutshotsha ka ona; aniko awe kha ni na mbi kuhetisa, ni na kupeka ngu kupimela, kha ni na mbi leka ku kutsayisa.

Ekleziyaste 7:29

Wonani mhaka yi ni nga yi mana dwe, ngu yiya: Txizimu txi vangile m'thu a di lulamile, aniko ene a ti lavete so tala.

Varoma 1:21

Nguko, hambi va di txi zivile Txizimu, kha va txi dhumisa kota nga Txizimu; hambi ni ku txi bonga kha va txi bonga; kambe va to pengiswa ve yiswa ka ta walo ngu mialakanyo yawe; se timbilu tawe ti pwata wutxhari, ti zumba mtemani.

Zefaniya 3:7

Ani ni ti ti khani: Kha ditshuri u na ni thava, kambe u na tumela kukawukwa; se ngu kumaha keto, wukhalo wako wa kuzumba ka wona, kha wu na mbi hoxotwa, madingano ni ti ni nga ti ti pimisile; aniko vona va phindute va txi onhetela yotshe mithumo yawe.

Dhewuteronome 3:26

Kambe Mkoma a to ni henyela, asi ni engisi, ngu mhaka yanu; aniko Mkoma a to khene: “Basi, u nga swe u txi ni wombawombisa kambe ngu mhakeyo!

Mitengo 20:24

Kukhukhela kuwa, Aroni a na ya ti tshanganisa ni va ka kwawe, nguko ene kha na mbi sikota kuya wulela ka ditiko di ni nga ningela ka vanana va ka Israyeli; nguko mi kanetile dipswi dangu, a ni ka mati ka Meribha.

Eksodha 32:2

Aroni a to va xamula a txi khene: “Thaviselani singeda sa nzalama ati ti ku tinzeveni ka vasikati vanu, ni ka vanana vanu vavafana ni vamahorana, mi txi ni tisela kona hawa.”

Eksodha 34:7

Wo tala ngu lirando la hombe, kala ka magumi a mazana a tiveleko, wo divalela wubihi, kueyisa ni sionho, aniko kha fananisi muonho ni wamnene; kambe wa tsayisa vanana ni vatukulu, kala ka liveleko la wuraru ni la wumune, ngu mhaka ya sionho sa vatate vawe.”

2 Samuwele 12:14

Hambi keto, ngako ngu mithumo yako u nga ninga wukhalo valala ve ruketela Mkoma, nene mwanana wule a nga velekwa kha ditshuri a na fa.

Masalmo 78:38

Aniko Txizimu, ngu wumbilu wa txona, txi ti va divalete sionho sawe, txi si va lovisi; sikhati so tala txi thindekile ku va henyela, txi si va kawuki ngu txiviti.