Masalmo 99:4 - Bhiblia Yo Sawuleka

⁴ Awe u mfumeli wa mtamo, u randa kululama, ngawe u nga tsanisa asi i ku sa fanelo; u lamula ngu fanelo ni kululama vanana va Jakobe.

Masalmo 99:4 Referans Kwoze

Masalmo 11:7

Kha ditshuri, Mkoma a lulamile, kambe a randa kululama. Vathu vo lulama va na ya wona khohe yakwe.

Mtuletelo 19:16

Kubhatwe ditina ha nguwoni kwakwe ni ha nyongani kwakwe: “Mfumeli wa vafumeli, Mkoma wa vakoma!”

Jeremiya 23:5

Se mata masiku, kuwomba Mkoma, aawa ni no wusela ka ona Dhavhidha dikhukhu do lulama. A nava mfumeli wa txitshurwa, a na humelela, ene a na lamula ngu mlayo ni wululamo, ha ditikoni.

Isaya 9:7

Kuanda ka kufuma ni kudikha kwakwe, kha ku na mbi va ni magwito txitimwi ka txikhalo txa wukoma txa Dhavhidha, ni ka mfumo wakwe, kasi kutsanisa ni kuseketela ngu wulamuli ni kululama, kukhukhela konkuwa, kala kupinduka; lirando la Mkoma wa Mabutho a Tiyimbi, a na maha eto.

Jobe 37:23

Ka wu wa Mtamo-wotshe kha hi na kuhoka; mbwa hombe amu ka mtamo; aniko kha lamuli ni wammweyo ngu timbiti, ni wuhombe wa wululamo.

Dhewuteronome 10:18

Awu a emelako avale vo felwa ngu vaveleki, ni tinoni, kambe wa randa mluveli, a txi mninga sakudya ni syambalo.

Mtuletelo 19:11

Se ni to wona nzuma yi di tulekile: Ku to woneka dihantxhi do basa, se mgadhi wa dona a ti dhanwa ku: “Wo thembeka” ni “Wa ditshuri.” Wa lamula, a txi lwa ngu kululama.

Judha 1:15

ku ta lamula votshe vathu, ni ku ta thethisa votshe va va si thaviko Txizimu, ngu mhaka ya yotshe mithumo yawe yo biha, va nga yi maha, ni mhaka ya otshe mapswi a kubiha, aawa vaonhi va nga txi ruka ngu ona.”

Isaya 61:11

Nguko nga kule mafu ma humisako makhukhu a ona, ni ku nga themmbwe yi milisako sile si phaywako ka yona, ngu tona eto Mkoma Txizimu, a na milisa kululama, ni wudhumo ka otshe matiko.

Isaya 42:4

Kha na mbi pwateka, kambe kha na hambi funywa, kala kuza e veka wululamo ha mafuni. Se sitondolo si na vereka mlayo wakwe.

Masalmo 98:9

masoni ka Mkoma, a tako ku ta lamula ditiko, ku ta lamula ditiko ngu kululama, a txi lamula vathu ngu fanelo.