Masalmo 99:2 - Bhiblia Yo Sawuleka

² Mkoma mbwa hombe mmangoni ka Siyoni; a txitimwi ka votshe vathu.

Masalmo 99:2 Referans Kwoze

Masalmo 97:9

Nguko awe, Mkoma, u mfumeli wa otshe mafu, u txitimwi ngutu ka sotshe sizimu.

Isaya 14:32

Ku na xamulwa txani koko ka mitumi ya vathu kani? Va na kha vona: Mkoma a akile makhato a Siyoni, kasi ku vathu vakwe, vale va xanisekako ve mana wuthavelo.

Isaya 12:6

Anu vaaki va Siyoni, tsakani mi peka mikulungwani nguko Msawuleki wa Israyeli mbwa hombe hagari kwanu.

Masalmo 113:4

Mkoma wa fuma txitimwi ka yotshe mifumo; wuhombe wakwe wu txitimwi ka tinzuma!

Masalmo 66:7

Ngu mtamo wa txona txa fuma yotshe mbimo; ngu maso a txona txa xayisa mifumo, ti to sigevenga si si txi wukeli.

Masalmo 50:2

Txizimu txa woninga kukhukhela Siyoni, didhoropa da kutshura ko hetiseka.

Mitengo 23:21

Ani kha ni woni dikhombo ka Jakobe, hambi kukarateka ka Israyeli. Mkoma Txizimu txawe a kumweko nayo mndani kwakwe. Mkoma wawe, awu va mahako migiyo ya ku mtsakela.

Masalmo 47:3

Mkoma a khozisile vamatiko, e va veka hahatshi ka mfumo wathu a txi nonisa mifumo hahatshi ka mikondo yathu.

Masalmo 47:8

Txizimu txa fuma txitimwi ka votshe vathu, Txizimu txi khalahatshile ha txikhaloni ka wukoma.