Masalmo 98:6 - Bhiblia Yo Sawuleka

⁶ mi txi veta maposi ni mipundu. Tsakani masoni ka Mkoma, nguko ene ngene mfumeli.

Masalmo 98:6 Referans Kwoze

Mtuletelo 19:16

Kubhatwe ditina ha nguwoni kwakwe ni ha nyongani kwakwe: “Mfumeli wa vafumeli, Mkoma wa vakoma!”

2 Makronika 29:27

Ezekhiya a to leleta ti to ve khata kuhumisa mningelo wo hiswa txitimwi ka txiluvelo, se mbimo yi va nga khata kuhumisa mningelo wo hiswa, va to khata ni kuembelela tindando to dhumisa Mkoma, ngu mipundu ni sivetaveta sa Dhavhidha, mfumeli wa Israyeli.

2 Makronika 15:14

Va to xambanya ka Mkoma, ngu dipswi do guleka ni da kutsaka va txi veta mipundu ni titshudi.

Matewu 25:34

“Sekoko Mfumeli a na gela vale va ku txinene a txi khene: ‘Ngonani anu mi nga katekiswa ngu Tate wangu, amukelani thomba ya Mfumo, ayi mi nga lulamiselwa kukhukhela di txi mahwa ditiko.

1 Makronika 15:28

Se votshe va ka Israyeli va to teka dibhokiso da txitumelelano txa Mkoma, ngu kutsaka ka hombe, na va txi veta mpfumawulo wa timbila ni mipundu ni titshodi, va txi maha diguwa da sitende ni tiharipa.