Masalmo 98:1 - Bhiblia Yo Sawuleka

¹ Embelelani ka Mkoma ndando ya yiphya, nguko ene a mahile sidiwukiso! Diwoko dakwe da txinene di mningile kuxula, kuxula ku nga mahwa ngu diwoko dakwe do sawuleka.

Masalmo 98:1 Referans Kwoze

Eksodha 15:6

Dianza dako da txinene, awe Mkoma, da ti pfalisa, kambe nda mtamo; da phatulela valala;

Isaya 52:10

Mkoma a thavisile diwoko dakwe do sawuleka, ti txi wonwa ngu maso a matiko otshe; se otshe magwito a mafu, ma na wona kuhanyisa ka Txizimu txathu.

Mtuletelo 14:3

Va ti embelela lindando la liphya masoni ka txikhalo txa wukoma, ni masoni ka sihari sa mune ni ka madhota. A walo wu a nga ti sikota kugonda lindandolo, hahanze ka va va 144.000 wa vathu, va nga hulukiswa ha mafuni.

Masalmo 96:1

Embelelani ka Mkoma ndando ya yiphya; vathu va dotshe ditiko, embelelani ka Mkoma;

Masalmo 33:3

Embelelani kwakwe ndando ya yiphya; vetani ngu wuzivi, mi txi mkulungela!

Masalmo 96:3

Huwelelani nduma yakwe ka yotshe mifumo mi rurutela sidiwukiso sakwe ka totshe tixaka ta vathu,

Mtuletelo 5:9

va txi embelela ndando ya yiphya va txi: “U ni fanelo yo amukela dibhuku, u txi tula sixambanyo sa dona, nguko u datwe, se ngu mnoha wako u xavete Txizimu vathu va totshe tihunzu, totshe tidimi, otshe matiko ni yotshe mifumo.

Vakolosa 2:15

Kristu a fuvisile mtamo wa mimoya ya wunduna ni wukoma, e yi xowokisa masoni ka vathu, e yi xula ko gwitisa ngu txihambano.

Johani 16:33

Ni mi gete timhaka tiya kasiku, kwangu, mi va ni kudikha. Mi nava ni sixaniso mu ditikoni, kambe tsanani msana, ni di xute ditiko.”

Mtuletelo 3:21

Ka wu a xulako ni na mninga kateko yo khalahatsha kumweko ni nani ha txikhaloni kwangu ka wukoma, kufana ni nani ni nga xula, se ni nga khalahatsha kumweko ni Tate wangu ha txikhaloni kwakwe ka wukoma.

Mithumo 2:11

Vajudha ni Valondeteli vawe mlayoni ka txijudha, va Kreta ni va Arabhiya, hotshe ha va engisa va txi huwelela ngu tidimi tathu, sixamaliso sa Txizimu!”

Luka 1:49

Nguko Nyamitamo a mahile kwangu timhaka ta hombe; ditina dakwe di sawulekile.

Jeremiya 31:22

U na peperukela kala yihi mbimo mwananawe, wo bharuka kani? Nguko Mkoma a vangile tximaha txa txiphya ha mafuni: Wamsikati a na vhikela wamwamna.

Isaya 63:5

Ni wonile ka madhawa otshe, aniko ku si nga ni wa ku ni vhuna; ni to xamala ngu kupwateka ni wammweyo wo ni tsanisa; ngu kumaha keto, diwoko dangu di ni tisete kuhanyisa, ni kuhenya kwangu ku ni tsanisile.

Isaya 42:10

Embelelani ka Mkoma dando ya yiphya, ni ku m'dhumisa kukhukhela magwito ka mafu, anu mi sambelako lineneni, ni sotshe si si ku ka lona; anu sitondolo, ni vaaki va sona.

Masalmo 149:1

Dhumisani Mkoma! Embelelani ka Mkoma ndando ya yiphya; m'dhumiseni msengeletanoni ka vasawuleki vakwe.

Eksodha 15:11

Awe Mkoma, i mani a fanako ni nawe, hagari ka sizimu kani? I mani wo nga awe i ku wa hombe ni kusawuleka nga awe, wo thaviseka ni wudhumo, wo maha sixamaliso kani?

Isaya 59:16

Se a to wona ti to, kha ku nga ni wammweyo, se e tsaka nguko ku si nga ni muemeli; se diwoko dakwe dipune di mtisete kuhuluka, ni kululama kwakwe kupune ku mxayisile.

Masalmo 139:14

Na ku bonga, nguko u ni wumbile ngu nzila ya kuxamalisa, mithumo yako ya diwukisa. Moya wangu wa tiziva kwati.

Masalmo 136:4

Awule i ku ene ekha a mahako sixamaliso sa hombe; nguko lirando lakwe nda kala kupinduka!

Masalmo 105:5

Alakanyani mithumo yakwe ya kuxamalisa, sidiwukiso sakwe ni kulamula ka txisofu txakwe,

Masalmo 86:10

Nguko ngawe wekha u ku Txizimu! Ngawe u ku wa hombe, u mahako sidiwukiso!

Masalmo 77:14

Awe u Txizimu txi txi mahako sidiwukiso; u wonekisile mtamo wako ka votshe vathu.

Genesisi 3:15

Se ni na veka livengo hagari kwako ni wamsikati, hagari ka liveleko lako ni liveleko lakwe; aliya li no ku ganyata msungo, se awe u txi li luma txizenende.”

Mtuletelo 17:14

Va na lwa ni Txinvutana, aniko Txinvutana txi na va xula, nguko txona i Mkoma wa vakoma ni Mfumeli wa vafumeli, se kumweko natxo kambe va na xula, avale va nga dhanwa, avale va nga sawulwa, ni makholwa.”

Mithumo 19:20

Ngu toneto, Dipswi da Mkoma di ti anda ni kutsaniswa ngu mtamo wa hombe.

Mtuletelo 6:2

Se konako ni to wona dihantxhi do basa, mgadhi wa dona a di ni wulaho. Va mu ningile m'bhoti, se e huma, nga ndena, yi yi yako kuxulani.

Jobe 40:9

Mwendo u ni diwoko do nga da Txizimu, mwendo u nga bhonga ngu dipswi nga da txona kani?

Masalmo 72:18

Txi na dhumiswe Txizimu, Mkoma i ku Txizimu txa ka Israyeli, txona txokha txi mahako sidiwukiso.

Masalmo 89:14

Mfumo wako wu tsanisilwe ngu kululama ni ditshuri, lirando ni ditshuri si ni nawe masoni kwako.

Isaya 12:5

Embelelani ka Mkoma, nguko a mahile simaha sa hombe ngutu; ti na zivaneke tiya, kotshe ha mafuni.