Masalmo 97:9 - Bhiblia Yo Sawuleka

⁹ Nguko awe, Mkoma, u mfumeli wa otshe mafu, u txitimwi ngutu ka sotshe sizimu.

Masalmo 97:9 Referans Kwoze

Masalmo 95:3

Nguko Mkoma Njzimu txa hombe, kambe Mfumeli wa hombe txitimwi ka sotshe sizimu.

Masalmo 83:18

Kasiku va na tiziva awu di lumbako kwakwe ditina daku Mkoma, U Nyatxitimwi ka otshe mafuni!

Eksodha 18:11

Se konkuwa na tiziva ati to Mkoma mbwa hombe kupinda sotshe sizimu, nguko a mahile ti to kotshe kubiha ku txi wa txitimwi kwawe.”

Jeremiya 10:10

Aniko Mkoma Txizimu txa ditshuri, Txizimu txi txi hanyako, Mfumeli wa kupindukela; mafu ma dhudhumela kuhenyani kwakwe, matiko kha ma na kuema masoni ka txiviti txakwe.

Masalmo 135:5

Nguko ani na tiziva ti to Mkoma mbwa hombe, ni ti to Txizimu txathu txi txitimwi ka sotshe sizimu.

Vaefesu 1:21

txitimwi ka votshe va va nga ningwa kufuma ni mtamo ni wuhombe ni wukoma, ni txitimwi ka otshe matina awa ma khumbukwako ka txikhati txa nyamsi ni txa mbimo yi yi tako.

Masalmo 96:4

nguko Mkoma mbwa hombe, ana ni fanelo ya kudhumiswa, a fanete kuthawa kupinda sotshe sizimu!

Jeremiya 10:8

Votshe va bharukile ni kwa mba ziva, gondo ya sifananiso njo tanda.

1 Makronika 17:20

Awe Mkoma, kha ku na wo fana ni nawe, kha ku na tximwani Txizimu hahanze kwako, madingano ni totshe ti hi nga tipfa ngu tinzeve tathu.

Masalmo 92:9

Kha ditshuri, Mkoma, valala vako va na fuviswa, votshe vabihi va na hangalaswa.

Masalmo 136:2

Dhumisani Txizimu txa sizimu; nguko lirando lakwe nda kala kupinduka!

Isaya 33:5

Mkoma a gulekile nguko a zumba txitimwi; a tatile Siyoni ngu wunene ni wululamo.